ଆଜି ପ୍ରଧାନମନ୍ତ୍ରୀ ମୋଦି ଚାଷୀଙ୍କୁ ଦେବେ ପୁରସ୍କାର । ଦେଶର ୧୨ କୋଟି କୃଷକଙ୍କ ଆକାଉଣ୍ଟକୁ ଯିବ ୨ ହଜାର ଲେଖାଏଁ ଟଙ୍କା
ଲୋକସଭା ନିର୍ବାଚନ ପୂର୍ବରୁ ମୋଦି ସରକାର ଚାଷୀମାନଙ୍କୁ ଏକ ବଡ ଉପହାର ଦେବା ପାଇଁ ଯାଉଛନ୍ତି
କନକ ବ୍ୟୁରୋ : ଲୋକସଭା ନିର୍ବାଚନ ପୂର୍ବରୁ ମୋଦି ସରକାର ଚାଷୀମାନଙ୍କୁ ଏକ ବଡ ଉପହାର ଦେବା ପାଇଁ ଯାଉଛନ୍ତି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଆଜି ପ୍ରଧାନମନ୍ତ୍ରୀ ଉତ୍ତରପ୍ରଦେଶର ଗୋରଖପୁରଠାରେ ‘ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା’ ଆରମ୍ଭ କରିବା ପାଇଁ ଯାଉଛନ୍ତି । ମିଳିଥିବା ସୂଚନା ଅନୁସାରେ, ଦେଶର ୧୨କୋଟି କୃଷକଙ୍କ ଖାତାକୁ ଏହି ଯୋଜନାରେ ଟଙ୍କା ଯିବ । ତେବେ ଏହି ଯୋଜନା ଆରମ୍ଭ ହେବା ପୂର୍ବରୁ ମୋଦି ଏକ ଟ୍ୱିଟ କରିଥିଲେ ଓ କହିଥିଲେ ଯେ, ରବିବାର ଦେଶ ପାଇଁ ଐତିହାସିକ ଦିନ ହେବ ଏବଂ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ଗୋରଖପୁରଠାରେ ହିଁ ଆରମ୍ଭ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ,ଏହା ଏପରି ଏକ ଯୋଜନା ଯେଉଁ ଯୋଜନାରେ ଭାରତର ଅନେକ ଚାଷୀ ଲାଭବାନ ହେବେ । କାରଣ ସେମାନଙ୍କ ପାଇଁ ଆମେ ମାନେ ଖାଦ୍ୟ ପାଇପାରୁଛୁ । ପୂର୍ବରୁ ମୋଦି ସରକାର ଅନ୍ତରୀଣ ବଜେଟରେ କିଷାନ ପାଇଁ ଏହି ଯୋଜନାର ଘୋଷଣା କରିଥିଲେ । ଦେଶର ୧୨ କୋଟି ଚାଷୀଙ୍କ ଖାତାକୁ ଏହି ଯୋଜନା ମାଧ୍ୟମରେ ୨ ହଜାର ଟଙ୍କା ଲେଖାଏଁ ଯିବ । ତେବେ ଏହି ଯୋଜନାରେ ସେହିମାନଙ୍କୁ ଟଙ୍କା ମିଳିବ ଯେଉଁମାନଙ୍କ ପାଖରେ ୨ ହେକ୍ଟର କିମ୍ବା ତାହାଠାରୁ କମ ଜମି ଥିବ ।
ତେବେ କିଷାନଙ୍କ ପାଇଁ ମୋଦି ସରକାର ଏପରି ଯୋଜନାର ଘୋଷଣା କରିବା ପରେ ସାରା ଦେଶରେ ଏହାକୁ ସ୍ୱାଗତ କରାଯାଇଛି । କେବଳ ଏତିକି ନୁହେଁ ମିଳିବାକୁ ଥିବା ଟଙ୍କାରେ ଚାଷୀମାନେ ନିଜ କ୍ଷତରେ ଲଗାଇପାରିବେ ଯାହାଦ୍ୱାରା ଚାଷୀମାନେ ଉପକୃତ ହେବେ ବୋଲି କେନ୍ଦ୍ର ସରକାର କହିଛନ୍ତି । କେବଳ ଏତିକି ନୁହେଁ ବରଂ କିପରି ଭାବରେ ଏହି ଯୋଜନାରେ କୌଣସି ହିତାଧିକାରୀ ବଞ୍ଚିତ ନ ହୁଅନ୍ତି ତାହା ଉପରେ ମଧ୍ୟ ଧ୍ୟାନ ଦିଆଯାଇଛି ବୋଲି ସୂଚନା ରହିଛି ।