ରେଳଯାତ୍ରୀଙ୍କ ପାଇଁ ବଡ଼ ଖବର ! ଚଳନ୍ତା ଟ୍ରେନରେ ଅସୁବିଧା ହେଲେ କରନ୍ତୁ ଅଭିଯୋଗ, ସମସ୍ୟାର ତୁରନ୍ତ ହେବ ସମାଧାନ
ପାଟଣା : ଚଳନ୍ତା ଟ୍ରେନରେ ଚୋରୀ, ପକେଟମାର,ଅସଦାଚରଣ,ହତ୍ୟା ଆଦି ଖବର ବିଭିନ୍ନ ସମୟରେ ଶୁଣିବା ପାଇଁ ମିଳୁଛି । ତେବେ ଏବେ ଠାରୁ ଏପରି କିଛି ସମସ୍ୟା ସମ୍ମୁଖୀତ ହେବବେ ନାହିଁ ଯତ୍ରେୀ । ଯାତ୍ରୀଙ୍କ ସୁବିଧା ପାଇଁ ଭାରତୀୟ ରେଳବାଇ ସବୁବେଳେ କିଛି ନାଁ କିଛି ପଦକ୍ଷେପ ନେଉଛି । ଯାତ୍ରୀମାନେ କିପରି ସୁବିଧାରେ ଯିବାଆସିବା କରିବେ ସେନେଇ ରେଳବାଇ ସଜାଗ ଥାଏ । ନୂଆ ବ୍ୟବସ୍ଥା ଅନୁସାରେ ଯଦି ଆପଣଙ୍କୁ ଚଳାନ୍ତା ଟ୍ରେନରେ କୌଣସି ଅସୁବିଧା ହେଉଛି, ତାହାର ସୂଚନା ଆପଣ ବଗିରେ ଉପସ୍ଥିତ ଥିବା ଟିଟିଇଙ୍କୁ ଦେଇପାରିବେ । ଆପଣଙ୍କ ଅଭିଯୋଗ ପରେ ଟିଟିଇ ସିଧା ସିଧା ରେଳୱେ କଣ୍ଟ୍ରୋଲ ରୁମକୁ ସମ୍ପର୍କ କରିବେ । ଆଗାମୀ ଷ୍ଟେସନ ପହଞ୍ଚିବା ପର୍ଯ୍ୟନ୍ତ ଆପଣଙ୍କ ସମସ୍ୟା ସମାଧାନ ହୋଇଯିବ । ଏଥିପାଇଁ ଟିଟିଇଙ୍କୁ ଏକ ସିୟୁଜି ମୋବାଇଲ ନମ୍ବର ଯୋଗାଇ ଦିଆଯିବ । ଏନେଇ ରେଳୱେ ବୋର୍ଡ଼ ସବୁ ରେଳ ଜୋନକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟିଟିଇଙ୍କୁ ସିୟୁଜି ନମ୍ବର ମିଳିବା ପରେ ଚଳନ୍ତା ଟ୍ରେନରେ ହେଉଥିବା ସମସ୍ୟାକୁ ଘଟଣାସ୍ଥଳରେ ହିଁ ସମାଧାନ କରାଯାଇ ପାରିବ ବୋଲି ଆଶା କରାଯାଉଛି । ଯଦି ଘଟଣାସ୍ଥଳରେ ସମସ୍ୟାର ସମାଧାନ ନହୁଏ, ତେବେ ଷ୍ଟେସନ ଅଧିକାରୀଙ୍କୁ ସୂଚନା ଦିଆଯିବ । ଯାହାଦ୍ୱାରା ଯାତ୍ରୀଙ୍କ ସମସ୍ୟାର ସମାଧାନ ହେବ । ସୂଚନାଯୋଗ୍ୟ ରେଳଯାତ୍ରୀଙ୍କର ଷ୍ଟେସନ ଠାରୁ ଆରମ୍ଭ କରି ଖାଦ୍ୟପେକ୍ଷ, ସୁରକ୍ଷା, ସଫାସୁତରା ସମ୍ମନ୍ଧିତ ଯଦି କିଛି ଅଭିଯୋଗ ଥାଏ, ତେବେ ଏନେଇ ରେଳୱେ ପ୍ରଶାସନ ଯାତ୍ରୀଙ୍କ ସୁବିଧା ପାଇଁ ଅଲଗା ଅଲଗା ଏସଏମଏସ୍ ନମ୍ବର ଜାରି କରିଛି । ଏହା ବ୍ୟତୀତ ଯାତ୍ରୀଙ୍କ ଅଭିଯୋଗ ପରେ ନିର୍ଦ୍ଧାରିତ ସମୟ ସୀମା ଭିତରେ ହିଁ ସମସ୍ୟାର ସମାଧାନ କରାଯିବ ବୋଲି ରେଳବାଇ ତରଫରୁ କୁହାଯାଇଛି ।
ବିଗତ ଦିନମାନଙ୍କରେ ରେଳଯାତ୍ରୀମାନେ ଭୋଗୁଥିବା ଅସୁବଧିାକୁ ନେଇ ଏପରି ପଦକ୍ଷେପ ନିଆଯାଇଛି । ରେଳେଓ୍ବ ଅଧିକାରୀଙ୍କ ଅନୁସାରେ ଟିଟିଇ ହିଁ ଯାତ୍ରୀଙ୍କ ସହ ସିଧା ସମ୍ପର୍କରେ ଥାଆନ୍ତି । ପୂର୍ବରୁ ଟ୍ରେନରେ କୌଣସି ପ୍ରକାର ଦୁର୍ଘଟଣା, ଅସୁସ୍ଥତା, ଜିନିଷ ଚୋରୀ, ଅସଦାଚରଣ ପରି ଘଟଣା ଘଟିଲେ ଯାତ୍ରୀ ଆସନ୍ତା ଷ୍ଟେସନ ଆସିବା ପରେ ହିଁ ଏହାର ସୂଚନା ଦେଇପାରୁଥିଲେ । ଆଉ ଏତିକି ସମୟ ଭିତରେ ଦୁବୃତ୍ତ ଖସି ପଳାଇବାରେ ସକ୍ଷମ ହେଉଥିଲେ । ଏପରିସ୍ଥଳେ ସମସ୍ୟାର ତୁରନ୍ତ ସମାଧାନ ହୋଇପାରେ ନାହିଁ । ଏପରି ଅସୁବିଧାକୁ ଦୃଷ୍ଟିରେ ରଖି ଏବେ ଟିଟିଇଙ୍କ ପାଖରେ ଯାତ୍ରୀ ଅଭିଯୋଗ କଲେ , ଟିଟଇି ତୁରନ୍ତା କଣ୍ଟ୍ରୋଲ ରୁମ ସହ ସମ୍ପର୍କ କରିପାରିବେ ଓ ଯାତ୍ରୀଙ୍କ ସମସ୍ୟାର ତୁରନ୍ତ ସମାଧାନ ହେବ ।
ଟିଟିଇଙ୍କୁ ରେଳୱେ ତରଫରୁ ସିୟୁଜି ନମ୍ବର ଦିଆଯିବ । ସେ ପୁରା ଦେଶର ରେଳୱେ ନମ୍ବରକୁ ମାଗଣାରେ କଥା ହୋଇପାରିବେ । ଏଥିପାଇଁ ସେମାନଙ୍କୁ ପ୍ରତି ମାସ ୩୦୦୦ ଙ୍କାର ଟକଟାଇମ୍ ଓ ଇଂଟରନେଟ୍ ସେବା ମଧ୍ୟ ଦିଆଯିବ । ଏହି ନମ୍ବର ସାହାଯ୍ୟରେ ଟିଟିଇ ଟ୍ରେନରେ କୌଣସିି ସନ୍ଦିଗ୍ଧ ଗତିବିଧ ବିଷୟରେ ମଦ୍ୟ ସୂଚନା ଦେଇପାରିବେ ।