କନକ ବ୍ୟୁରୋ : ବିଜେଡି କର୍ମୀଙ୍କ ଆକ୍ରମଣରେ ଗର୍ଭବତୀ ମହିଳା ଆହତ । ଏଭଳି ଏକ ଅଭିଯୋଗ ଆସିଛି ନୟାଗଡ ଜିଲ୍ଲା ବାଙ୍କପୁର ଗାଁରୁ । ଅନ୍ୟ ଦଳ ପ୍ରାର୍ଥୀଙ୍କୁ ଭୋଟ୍ ଦେବାକୁ କେନ୍ଦ୍ରକରି ଏଭଳି ଆକ୍ରମଣ ହୋଇଥିବା ଅଭିଯୋଗ ହୋଇଛି । ଗର୍ଭବତୀ ମହିଳା ଜଣକ ବର୍ତମାନ ଗୁରୁତର ଅବସ୍ଥାରେ କ୍ୟାପିଟାଲ ହସପିଟାଲରେ ଭର୍ତି ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସସ୍ମିତା ବେହେରା ଏବଂ ତାଙ୍କ ସ୍ୱାମୀ ବିଜୟ ବେହେରା ବିଜେପିରେ ଭୋଟ ଦେଇଥିବାରୁ ବିଜେଡିର ସମିତିସଭ୍ୟ ସେମାନଙ୍କୁ ଗାଳିଗୁଲଜ କରିବା ସହିତ ସସ୍ମିତାଙ୍କ ପେଟକୁ ଗୋଇଠା ମାରିଥିବା ଅଭିଯୋଗ ହୋଇଛି । ଏହି ଘଟଣାରେ ବିଜେଡିର ପୂର୍ବତନ ଚେୟାରମ୍ୟାନ କାଳୁ ପଟ୍ଟନାୟକ, ବର୍ତମାନର ସରପଂଚ ସୁକାନ୍ତ ସାମନ୍ତରାୟ ପ୍ରମୁଖ ଉପସ୍ଥିତ ଥିବା ଅଭିଯୋଗ ହୋଇଛି । ଘଟଣାକୁ ନେଇ ରଣପୁର ଥାନାରେ ଅଭିଯୋଗ ହୋଇଛି ।