ଲଣ୍ଡନ କୋର୍ଟଙ୍କ ନିର୍ଦ୍ଦେଶ ଅନୁସାରେ ଭାରତ ଦାଖଲ କଲା ଆର୍ଥରରୋଡ ଜେଲର ଭିଡିଓ : ମାଲ୍ୟାଙ୍କୁ ମିଳିବ କିଛି ଏପରି ସୁବିଧା
କନକ ବ୍ୟୁରୋ : ଦେଶର ଅନେକ ଗୁଡିଏ ବ୍ୟାଙ୍କରୁ କୋଟି କୋଟି ଟଙ୍କା ଋଣ ନେଇ ବିଜୟ ମାଲ୍ୟା ବିଦେଶ ପଳାଇଛନ୍ତି । ତେବେ ଗତମାସ ଭାରତ ଆଣିବା ପାଇଁ ଭାରତ ଲଣ୍ଡନ କୋର୍ଟରେ ଆବେଦନ କରିଥିଲେ ମଧ୍ୟ ବିଜୟ ମାଲ୍ୟାଙ୍କ ଭାରତ ଆସିନଥିଲେ । ତେବେ ସେ କୋର୍ଟ କହିଥିଲେ ଯେ, ଭାରତରେ ତାଙ୍କୁ ରଖିବା ଭଳି କୈାଣସି ଜେଲରେ ସୁବିଧା ନାହିଁ । ତେଣୁ ସେ ଏପରି ଜେଲରେ ରହିଲେ ତାଙ୍କ ସମ୍ମାନ ହାନି ହେବ । ତେବେ ଭାରତ ପକ୍ଷରୁ କୁହାଯାଇଥିଲା ମାଲ୍ୟାଙ୍କୁ ଭାରତରେ ରଖିବା ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେଠାକାର କୋର୍ଟ ମାଲ୍ୟାଙ୍କୁ କେଉଁଠାରେ ରଖାଯିବ ତାହାର ଏକ ଭିଡିଓ କୋର୍ଟ ରେ ଦାଖଲ କରିବା ପାଇଁ କହିଥିଲେ । ମିଳିଥିବା ସୂଚନା ଅନୁସାରେ ମାଲ୍ୟାଙ୍କୁ ମହାରାଷ୍ଟ୍ରର ମୁମ୍ବାଇରୋଡରେ ଥିବା ଆଥୋର ଜେଲରେ ରଖାଯିବ । ତେଣୁ ସେ ଜେଲରେ ୮ମିନିଟର ଏକ ଭିଡିଓ ଉତ୍ତୋଳନ କରି କୋର୍ଟରେ ଦାଖଲ କରାଯାଇଛି । ସେଠାକାର ଜେଲର ୧୨ନମ୍ବର କକ୍ଷରେ ତାଙ୍କୁ ରଖାଯିବ । ଏହାସହ ସେହିଠାରେ ହିଁ ସମସ୍ତ ସୁବିଧା ତାଙ୍କୁ ମିଳିପାରିବ । ଏହାସହ ସେଠାରେ ଏକ ପ୍ରାକୃତିକ ଝରକା ରହିଛି ଯେଉଁଥିରେ କି ବାହାରର ପ୍ରାକୃତିତ ପବନ ତାଙ୍କୁ ମିଳିବା ସହ ସୂର୍ଯ୍ୟ କିରଣ ମଧ୍ୟ ତାଙ୍କୁ ମିଳିପାରିବ ।
କେବଳ ଏତିକି ନୁହେଁ ମାଲ୍ୟାଙ୍କୁ ସେଠାରେ ପାଠାଗାରାର ମଧ୍ୟ ସୁବିଧା ମିଳିପାରିବ । ଏହାସହ କୋର୍ଟରେ ଭାରତ ପକ୍ଷକୁ କୁହାଯାଇଛି ମାଲ୍ୟା ଯେଉଁସ୍ଥାନରେ ବା କଠୋରୀରେ ରହିବେ ସେଠାରେ ଶାନ୍ତ ପରିବେଶ ରହିଛି । ତେବେ ମାଲ୍ୟା ବାରମ୍ବାର କହିଥିଲେ ଯେ, ଭାରତରେ ଥିବା ଜେଲ ଗୁଡିକରେ ପ୍ରାକୃତିକ ପବନ ଓ ସୂର୍ଯ୍ୟ କିରଣ ପଡେ ନାହିଁ । ତେବେ ଜୁଲାଇ ୩୧ରେ ଏହାର ବିଚାର କରି କୋର୍ଟ ଭାରତକୁ ଜେଲର ଭିଡିଓ ଦାଖଲ କରିବାକୁ କହିଥିଲେ । ଭିଡିଓ କୋର୍ଟରେ ଦାଖଲ ହୋଇଛି ଓ ଏହାର ପରବର୍ତ୍ତୀ ଶୁଣାଣି ଆଗାମୀ ଡିସେମ୍ବର ୧୨ ଶୁଣାଣି ହେବ ବୋଲି ସୂଚନା ମିଳିଛି ।