ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଆଜି ସକାଳ ସାଢେ ୯ଟାରେ ବିଜେପି ସଂସଦୀୟ ଦଳ ବୈଠକ ଅନୁଷ୍ଠିତ ହେବ । ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କ ସମେତ ସମସ୍ତ ବିଜେପି ସାଂସଦ ବୈଠକରେ ଉପସ୍ଥିତ ରହିବେ । ଏଥିରେ ସାଂସଦ ମାନଙ୍କର ରଣନୀତି ବିଷୟରେ ବିଚାର ବିମର୍ଶ କରାଯିବ । ବୈଠକରେ ଅନେକ ବିଷୟରେ ତ ଆଲୋଚନା ହେବ କିନ୍ତୁ ସମସ୍ତଙ୍କ ନଜର ରହିଛି, ବୈଠକରେ ପ୍ରଧାନମନ୍ତ୍ରୀ ମୋଦି ନିର୍ବାଚନରେ ବିଜେପିର ପରାଜୟ ନେଇ ସାସଂଦ ମାନଙ୍କୁ କ’ଣ ସନ୍ଦେଶ ଦେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି, ପରାଜୟକୁ ପଛରେ ପକାଇ ମୋଦି ଏହି ବୈଠକରେ ନିଜ ସାଂସଦମାନଙ୍କୁ ଆଗାମୀ ୨୦୧୯ ଲୋକସଭା ନିର୍ବାଚନରେ ଜିତିବା ପାଇଁ କିଭଳି ରଣନୀତି ଆପଣେଇବାକୁ ହେବ, ସେନେଇ ଗୁରୁମନ୍ତ୍ର ଦେବେ । ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ମୋଦି ଏମିତି ସମୟରେ ଦଳର ସାଂସଦ ମାନଙ୍କୁ ସମ୍ବୋଧିତ କରିବାକୁ ଯାଉଛନ୍ତି, ଯେତେବେଳେ ବିଜେପି ୨୦୧୪ରେ ଶାସନ ଗାଦିରେ ବସିବା ପର ଠାରୁ ପ୍ରଥମଥର ପାଇଁ ମହତ୍ତପୂର୍ଣ୍ଣ ରାଜ୍ୟରେ ବିଧାନସଭା ନିର୍ବାଚନରେ ପରାଜୟର ସାମ୍ନା କରିବାକୁ ପଡିଛି । ଯେଉଁଠି ଅନେକ ଦିନ ଧରି ବିଜେପିର ସରକାର ରହିଥିଲା । ଏହି ରାଜ୍ୟ ଗୁଡିକର ନିର୍ବାଚନ ଫଳାଫଳ ମଙ୍ଗଳବାର ଆସିଥିଲା ।
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ମୋଦି ଆଜି ବୈଠକରେ ନିର୍ବାଚନ ହାରିବାର କାରଣ ତର୍ଜମା କରିପାରନ୍ତି । ଏହା ସହ ଆଗାମୀ ୨୦୧୯ ଲୋକସଭା ନିର୍ବାଚନରେ କିଭଳି ରହିବ ବିଜେପିର ରୂପରେଖ ସେନେଇ ମଧ୍ୟ ନିଜ ମନ୍ତବ୍ୟ ରଖିପାରନ୍ତି ପ୍ରଧାନମନ୍ତ୍ରୀ । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ମଧ୍ୟ ସାଂସଦ ମାନଙ୍କୁ ସମ୍ବୋଧିତ କରିବେ । ଶାହା ବିଜେପି ରାଷ୍ଟ୍ରୀୟ ପଦାଧିକାରୀଙ୍କର ଏକ ବୈଠକ ଡକାଇଛନ୍ତି, ଯେଉଁଥିରେ ସେ ନିଜେ ଅଧ୍ୟକ୍ଷତା କରିବେ । ଏହି ବୈଠକରେ ସମସ୍ତ ରାଜ୍ୟର ପ୍ରଦେଶ ଅଧ୍ୟକ୍ଷ ଏବଂ ସଂଗଠନ ମହାସଚିବ ମାନଙ୍କୁ ସାମିଲ ହେବା ପାଇଁ କୁହାଯାଇଛି ।