ଓଡିଶା ଆସିବେ ଦିଦି ! ମମତା ବାନାର୍ଜୀଙ୍କ ଗସ୍ତକୁ ନେଇ ରାଜନୈତିକ ମହଲରେ ଚର୍ଚ୍ଚା
କନକ ବ୍ୟୁରୋ : ଓଡିଶା ଆସୁଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଆସନ୍ତା ୧୮ରେ ମମତା ଓଡିଶା ଆସିବା ନେଇ ସୂଚନା ମିଳିଛି । ଏନେଇ କମିଶନରେଟ ପୁଲିସକୁ କୋଲକାତା ପୁଲିସ ମୁଖ୍ୟାଳୟରୁ ଚିଠି ମଧ୍ୟ ମିଳିସାରିଛି । ମିଳିଥିବା ସୂଚନା ଅନୁସାରେ, ମମତାଙ୍କ ଆସିବା ପୂର୍ବରୁ କୋଲକାତାର ସିକ୍ୟୁରିଟି ୱିଙ୍ଗ ଆସନ୍ତାକାଲି ଭୁବନେଶ୍ୱରରେ ପହଂଚି ମମତାଙ୍କ ଗସ୍ତସ୍ଥଳ ପରିଦର୍ଶନ କରିବ । ୧୮ ତାରିଖରେ ମମତା ପୁରୀ ଯାଇ ଜଗନ୍ନାଥଂକୁ ଦର୍ଶନ କରିବେ ।
Kanak News is now on WhatsApp
Join and get latest news updates delivered to you via WhatsApp
ପରେ ରୋଜଭ୍ୟାଲି ଚିଟଫଣ୍ଡ ଠକେଇରେ ସିବିଆଇ ଦ୍ୱାରା ଗିରଫ ହୋଇଥିବା ସାଂସଦଙ୍କୁ ଝାରପଡା ଜେଲରେ ମଧ୍ୟ ଭେଟି ପାରନ୍ତି । ସେହିପରି ଆପଲୋ ହସ୍ପିଟାଲରେ ଚିକିତ୍ସିତ ହେଉଥିବା ଦଳୀୟ ଏମପିଙ୍କୁ ବି ସେ ଭେଟି ପାରନ୍ତି । କିଛିଦିନ ତଳେ, ଦିଲ୍ଲୀ ଗସ୍ତରେ ଯାଇଥିବା ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଥିଲେ ମମତା । ଟ୍ୱିଟ୍ କରି ନବୀନଙ୍କୁ ସାକ୍ଷାତ ସମୟର ଖୁସି ବା ଜାହିର କରିଥିଲେ । ହେଲେ ଏବେ ଓଡିଶା ଆସୁଥିବା ମମତା, ନବୀନଙ୍କୁ ଭେଟିବେ କି ନାହିଁ ସେନେଇ କଳ୍ପନା ଜଳ୍ପନା ଆରମ୍ଭ ହୋଇଛି ।