କନକ ବ୍ୟୁରୋ : ଜଗତଜନନୀ ମା’ ଦୁର୍ଗାଙ୍କର ଆଜି ମହାଷ୍ଟମୀ ପୂଜା । ଦେବୀପୀଠ ଗୁଡିକରେ ମହାନବମୀ ପୂଜା ହେଉଥିବାବେଳେ ମଣ୍ଡପରେ ମୃଣ୍ମୟୀ ପ୍ରତିମାଙ୍କ ଅଷ୍ଟମୀ ପୂଜା ଅନୁଷ୍ଠିତ ହେବ । ଏବେ ମଣ୍ଡପଗୁଡିକରେ ଚଣ୍ଡୀପାଠ ସାଙ୍ଗକୁ ଚାଲିଛି ହୋମଯଜ୍ଞ । ହୁଳହୁଳି ଓ ମନ୍ତ୍ରପାଠରେ କମ୍ପୁଛି ପୁରା ପରିବେଶ । ରାତିରେ ପ୍ରତିକ ବଳି ପଡିବାର ପରମ୍ପରା ବି ରହିଛି।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀର ହାଇ ବଜେଟ୍ ପୂଜା ମେଢଗୁଡିକରେ ଚାଲିଛି ମା’ଙ୍କ ପୂଜାର୍ଚ୍ଚନା । ଦିନ ବଢିବା ସହିତ ଲୋକଙ୍କ ଗହଳି ବି ବଢିବାରେ ଲାଗିଛି । ଶାରଦୀୟ ଦୁର୍ଗାପୂଜାରେ ଝଲସି ଉଠୁଛି ସ୍ମାର୍ଟ ସିଟି ଭୁବନେଶ୍ୱର । ୪ ଦିନ ବ୍ୟାପି ପ୍ରତ୍ୟେକ ସଂଧ୍ୟାରେ ଭଜନ, ପ୍ରବଚନ ଓ ଅନ୍ୟାନ ସାସ୍କୃତିକ କାର୍ଯ୍ୟକ୍ରମମାନ ଆୟୋଜନ କରିଛନ୍ତି ବିଭିନ୍ନ ପୂଜା କମିଟି। ଶାନ୍ତି ଶୃଙ୍ଖଳା ରକ୍ଷା ପାଇଁ ବ୍ୟାପକ ବନ୍ଦୋବସ୍ତ କରାଯାଇଛି।