ମେଲବୋର୍ଣ୍ଣକୁ ପଛରେ ପକାଇବ ଅହମଦାବାଦର ମୋଟେରା ଷ୍ଟାଡିୟମ : ହେବ ବିଶ୍ୱର ସର୍ବବୃହତ କ୍ରିକେଟ ପଡିଆ
କନକ ବ୍ୟୁରୋ : ଅହମ୍ମଦାବାଦର ମୋଟେରା ଷ୍ଟାଡିୟମ ପାଲଟିବ ବିଶ୍ୱର ସର୍ବବୃହତ କ୍ରିକେଟ ଷ୍ଟାଡିୟମ । ଏଥିପାଇଁ ପୁରୁଣା ଷ୍ଟାଡିୟମକୁ ସମ୍ପୂର୍ଣ୍ଣ ଭାବରେ ଭଙ୍ଗା ଯାଇଛି ଏବଂ ନୂଆ ନିର୍ମାଣ କାମ ପାଇଁ ଏଲ ଆଣ୍ଡ ଟିକୁ ଦାୟିତ୍ୱ ଦିଆଯାଇଛି । ଆସନ୍ତା ୨ ବର୍ଷ ଭିତରେ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରିବା ପାଇଁ ସମୟ ଧାର୍ଯ୍ୟ କରାଯାଇଛି । ନୂଆ ମୋଟେରା ଷ୍ଟାଡିୟମରେ ଲକ୍ଷେ ୧୦ ହଜାର ଦର୍ଶକ କ୍ରିକେଟ ମ୍ୟାଚର ମଜା ନେଇ ପାରିବେ ।
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆର ମେଲବୋର୍ଣ୍ଣ ଷ୍ଟାଡିୟମର ସିଟ୍ ସଂଖ୍ୟା ଲକ୍ଷେ ୨୪ ଥିବାବେଳେ ଏହାକୁ ଅତିକ୍ରମ କରି ବିଶ୍ୱର ବଡ କ୍ରିକେଟ ପଡିଆ ହେବ ମୋଟେରା ଷ୍ଟାଡିୟମ । ୨୦୧୫ ସେପ୍ଟେମ୍ବରରୁ ପୁରୁଣା ଷ୍ଟାଡିୟମ ଭଙ୍ଗା କାମ ଆରମ୍ଭ ହୋଇଥିଲା ଯାହା ଏବେ ଶେଷ ହୋଇଛି । ବିଜେପି ରାଷ୍ଟ୍ରୀୟ ସଭାପତି ଅମିତ୍ ଶାହା ଗୁଜୁରାଟ କ୍ରିକେଟ ଆସୋସିଏସନର ସଭାପତି ଥିବା ବେଳେ ନିଜ ରାଜ୍ୟରେ ସବୁଠୁ ବଡ ଷ୍ଟାଡିୟମ ପାଇଁ ମଧ୍ୟ ସ୍ୱପ୍ନ ଦେଖିଥିଲେ । ଯାହା ଏବେ ସାକାର ହେବାପାଇଁ ଯାଉଛି । ଭାରତରେ କୋଲକାତାର ଇଡେନ୍ ଗାର୍ଡେନ ପରେ ମୋଟେରାରେ ସବୁଠୁ ଅଧିକ ଦିନିକିଆ ମ୍ୟାଚ୍ ଖେଳାଯାଇଛି ।