କନକ ବ୍ୟୁରୋ: କଂଗ୍ରେସର ହାତ ଧରିଲେ ବରିଷ୍ଠ ସାମ୍ବାଦିକ ସତ୍ୟପ୍ରକାଶ ନାୟକ । ସମ୍ବାଦିକରୁ ରାଜନେତା ବନିଲେ ବରିଷ୍ଠ ସାମ୍ବାଦିକ ସତ୍ୟପ୍ରକାଶ ନାୟକ । ଭୁବନେଶ୍ୱର କଂଗ୍ରେସ ଭବନରେ ଆୟୋଜିତ ମିଶ୍ରର୍ଣ ପର୍ବରେ ବିଧିବଦ୍ଧ ଭାବେ କଂଗ୍ରେସରେ ଯୋଗଦେଇଛନ୍ତି ବରିଷ୍ଠ ସାମ୍ବାଦିକ ସତ୍ୟପ୍ରକାଶ ନାୟକ । ତେବେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ତତ୍ୱାବଧାନରେ ଚାଲୁଥିବା ପ୍ରଦେଶ କଂଗ୍ରେସରେ ସତ୍ୟ ପ୍ରକାଶଙ୍କୁ କେଉଁ ପଦବୀ ଦିଆଯିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । କିନ୍ତୁ ସତ୍ୟପ୍ରକାଶଙ୍କୁ ରାଜ୍ୟ କଂଗ୍ରେସର ମୁଖପାତ୍ର ଦାୟିତ୍ୱ ସହ ତାଙ୍କ ନିଜ ଜିଲ୍ଲା ଭଦ୍ରକ ଭଣ୍ଡାରୀ ପୋଖରୀ ବିଧାନସଭା ନିର୍ବାଚନମଣ୍ଡଳୀରୁ ଟିକେଟ ପ୍ରଦାନ କରିବ କଂଗ୍ରେସ ବୋଲି ପ୍ରତିଶ୍ରୁତି ମିଳିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବାଦିକତା କ୍ଷେତ୍ରରୁ ରାଜନୀତିରେ ପ୍ରବେଶ କରିଥିବା ସତ୍ୟପ୍ରକାଶ ନାୟକ ଓଡିଶାର ବିଭିନ୍ନ ଗଣମାଧ୍ୟମରେ କାର୍ଯ୍ୟକରି ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ପ୍ରସ୍ତୁତ କରିପାରିଛନ୍ତି । ଅନ୍ୟପଟେ କଂଗ୍ରେସ ଓଡିଶା ପ୍ରଭାରୀ ଜିତେନ୍ଦ୍ର ସିଂହଙ୍କ ସହ ଦିଲ୍ଲୀରେ ଆଲୋଚନା କରି ଫେରିବା ପରେ ସେ ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ଅନ୍ୟ ବରିଷ୍ଠ କଂଗ୍ରେସ ନେତାଙ୍କ ଉପସ୍ଥିତିରେ କଂଗ୍ରେସରେ ଯୋଗଦେଇଛନ୍ତି । ନିଜର ସମର୍ଥକଙ୍କ ସହ କଂଗ୍ରେସ ଭବନକୁ ଯାଇ କଂଗ୍ରେସର ରାଜ୍ୟ ସାଂଗଠନିକକୁ ଦୃଢ଼ କରିବା ପାଇଁ ସତ୍ୟପ୍ରକାଶଙ୍କ ସଙ୍କଳ୍ପ ।