ବିଜେଡିକୁ ଶକ୍ତ ଧକ୍କା ! ଶଙ୍ଖ ଛାଡି ପଦ୍ମ ପୋଖରୀକୁ ଡେଇଁଲେ ଜୟରାମ ପାଙ୍ଗୀ
କନକ ବ୍ୟୁରୋ : ବିଜେଡି ସହ ୪୦ ବର୍ଷର ସମ୍ପର୍କ ଭାଂଗି ବିଜେପିରେ ସାମିଲ ହୋଇଛନ୍ତି ଦଳର ପୁରୁଖା ନେତା ଜୟରାମ ପାଂଗୀ । ଗତକାଲି ଯାଜପୁରର ବରିଷ୍ଠ ନେତା ଅମର ନାଏକ ବିଜେଡି ଛାଡି ବିଜେପିରେ ଯୋଗ ଦେବା ପରେ ଆଜି ଜୟରାମ ପାଙ୍ଗୀଙ୍କ ବିଜେପିରେ ଯୋଗଦାନ ବିଜେଡି ପାଇଁ ଶକ୍ତ ଧକ୍କା ସଦୃଶ ହୋଇଛି । କୋରାପୁଟ ଜିଲ୍ଲା ବିଜେଡି ସଭାପତି, ସାଂସଦ ତଥା ପୂର୍ବତନ ମନ୍ତ୍ରୀ ଜୟରାମ ପାଙ୍ଗି ଆଜି ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି । କହିଛନ୍ତି, ୪୦ ବର୍ଷର ସମ୍ପର୍କକୁ ୪୦ ସେକେଣ୍ଡରେ ଭାଂଗିଦେଇଛି ବିଜେଡି । ଗୁରୁତ୍ୱପୂଣ୍ଣ କଥା ହେଉଛି ବିଭିନ୍ନ କାରଣକୁ ନେଇ ବିଜେଡିରେ ଅସନ୍ତୋଷ କୁହୁଳୁଥିବା ବେଳେ ପାଂଗୀ ଏହି ବଡ ପଦକ୍ଷେପ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀମଣ୍ଡଳ ଅଦଳବଦଳ ପରେ ଯେତେବେଳେ ବିଜେଡି ଅକଳରେ ପଡିଛି, ସେତେବେଳେ ଦକ୍ଷିଣ ଓଡିଶାରେ ତଥା ଅବିଭକ୍ତ କୋରାପୁଟ ଜିଲ୍ଲାର ଏହି ଟାଣୁଆ ସଂଗଠକ ବିଜେପିରେ ସାମିଲ ହେବା ଦଳ ପାଇଁ ଧକ୍କା ହୋଇଛି । ଜିଲ୍ଲା ପରିଷଦ ନିର୍ବାଚନ ସମୟରେ ଦଳ ବିରୋଧୀ କାର୍ଯ୍ୟ ପାଇଁ ନିଲମ୍ବିତ ହୋଇଥିବା ପାଙ୍ଗୀଙ୍କୁ ଯଦିଓ ମନାଇବାକୁ ନବୀନଙ୍କ ଦୂତ କାମ କରିଥିଲେ, ତଥାପି ଏଥିରେ ସଫଳତା ମିଳିନଥିଲା । ପାଙ୍ଗୀ କହିଛନ୍ତି, ୪୦ ବର୍ଷର ଅବଦାନ ବଦଳରେ ଦଳ ତାଙ୍କୁ ୪୦ ସେକେଣ୍ଡରେ ପର କରିଦେଲା ।