ନବ ଦାସ ଆସିଲେ କ’ଣ ହେବ କିଶୋରଙ୍କ ଭାଗ୍ୟ ?
ଯଦି ନବ ଦାସ ବିଜେଡ଼ିରେ ମିଶିବା ପରେ ପୁଣି ଝାରସୁଗୁଡ଼ାରୁ ପ୍ରାର୍ଥୀ ହୁଅନ୍ତି ଏବଂ ଲଢ଼ନ୍ତି ତେବେ କିଶୋର କେଉଁଠାରୁ ଲଢ଼ିବେ ତାହାକୁ ନେଇ ରାଜନୀତି ମହଲରେ ଉଷ୍ମତା ଦେଖାଦେଇଛି ।
କନକ ବ୍ୟୁରୋ: ଝାରସୁଗୁଡ଼ା କଂଗ୍ରେସ ବିଧାୟକ ତଥା ପିସିସି କାର୍ଯ୍ୟକାରୀ ସଭାପତି ନବ ଦାସ ଖୁବଶୀଘ୍ର ବିଜେଡିରେ ସାମିଲ ହୋଇପାରନ୍ତି। ଯାହାକୁ ନେଇ ରାଜ୍ୟ ରାଜନୀତିରେ ଏବେ ଚର୍ଚ୍ଚା ଜୋର ଧରିଛି । ଅନ୍ୟପଟେ ଝାରସୁଗୁଡ଼ାର ବିଜେଡ଼ି ନେତା କିଶୋର କୁମାର ମହାନ୍ତିଙ୍କୁ ନେଇ ମଧ୍ୟ ସ୍ଥାନୀୟ ବିଜେଡ଼ି ଶିବିରରେ କମ୍ପନ ସୃଷ୍ଟି ହୋଇଛି । କାରଣ ଗତ ବିଧାନସଭା ନିର୍ବାଚନରେ ଝାରସୁଗୁଡ଼ା କଂଗ୍ରେସ ବିଧାୟକ ନବ ଦାସଙ୍କ ଠାରୁ ପାଖାପାଖି ୨୦ରୁ ହଜାରରୁ ଉଦ୍ଧ୍ୱର୍ ଭୋଟ ବ୍ୟବଧାନରେ ପରାଜିତ ହୋଇଥିବା ବିଜେଡ଼ିର ବିଧାୟକ କିଶୋର ମହାନ୍ତିଙ୍କ ଭାଗ୍ୟ କ’ଣ ହେବ ବୋଲି ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ନବ ଦାସ ବିଜେଡ଼ିରେ ମିଶିବା ପରେ ପୁଣି ଝାରସୁଗୁଡ଼ାରୁ ପ୍ରାର୍ଥୀ ହୁଅନ୍ତି ଏବଂ ଲଢ଼ନ୍ତି ତେବେ କିଶୋର କେଉଁଠାରୁ ଲଢ଼ିବେ ତାହାକୁ ନେଇ ରାଜନୀତି ମହଲରେ ଉଷ୍ମତା ଦେଖାଦେଇଛି । ତେବେ ଗତ ନିର୍ବାଚନରେ ପରାଜୟର ସ୍ୱାଦ ଚାଖିବା ପରେ ବିଜେଡ଼ି ବିଧାୟକ କିଶୋର ମହାନ୍ତି ନିଜର ସାଂଗଠନିକ ସ୍ଥିତିକୁ ମଜଭୁତ କରାଉଥିବା ଶୁଣିବାକୁ ମିଳିଛି । ସେପଟେ ବିଜେଡ଼ି କିଶୋରଙ୍କୁ କେଉଁ ଆସନ ବା କେଉଁଠାରୁ ପ୍ରାର୍ଥୀ କରାଇବ ତାହା ଉପରେ ଏବେ ବି ସସପେନ୍ସ ରହିଛି ।
ସେପଟେ ନବ ଦାସ ଦୀର୍ଘଦିନ ଧରି ବିଜେଡିରେ ସାମିଲ ହେବେ ବୋଲି ଚର୍ଚ୍ଚା ହେଉଥିଲା । କିନ୍ତୁ କଂଗ୍ରେସ ପକ୍ଷରୁ ତାଙ୍କୁ ପିସିସି କାର୍ଯ୍ୟକାରୀ ସଭାପତି କରାଯିବା ପରେ ଏଥିରେ ସାମୟିକ ପୂର୍ଣ୍ଣଚ୍ଛେଦ ପଡ଼ିଥିଲା । କିନ୍ତୁ ଏବେ ପୁଣି ବିଜେଡ଼ର ମୋହ ନବଦାସଙ୍କୁ ଘାରିଲାଣି ବୋଲି ରାଜନୀତି ମହଲରେ ଚର୍ଚ୍ଚା ହେଉଛି । ତେବେ କିଶୋର ମହାନ୍ତି ଏବଂ ନବ ଦାସଙ୍କ ମଧ୍ୟରେ ପୂର୍ବରୁ ସ୍ଥାନୀୟ ଅଞ୍ଚଳରେ ରାଜନୀତି ଛକାପଞ୍ଝା ଲାଗି ରହିଛି । ରାଜ୍ୟସଭାରୁ ଆସି ଗତ ବିଧାନସଭା ନିର୍ବାଚନରେ ନବ ଦାସଙ୍କ ଠାରୁ ପରାଜିତ ହୋଇଥିଲେ ପଶ୍ଚିମ ଓଡ଼ିଶାର ବିଜେଡ଼ି ନେତା କିଶୋର ମହାନ୍ତି । ଏବେ ଯଦି ନବ ଦାସ ବିଜେଡ଼ିରେ ସାମିଲ ହୁଅନ୍ତି ତେବେ କିଶୋରଙ୍କ ଶିବିର ତାଙ୍କୁ ଗ୍ରହଣ କରିବେ ନା ଉଭୟ ଅଲଗା ଅଲଗା ରାସ୍ତା ଆପଣାଇବେ ତାହା ଏବେ ରାଜନୀତି ଅନ୍ଦର ମହଲର ହଟ୍ ଟପିକ୍ ପାଲଟିଛି ।