ବାତ୍ୟା ପରେ ବର୍ଷିଲେ କଂଗ୍ରେସ ନେତା ସୁର ରାଉତ ! କହିଲେ, ଠିକ୍ ଭାବରେ ପାଣି କି ବିଜୁଳି ମିଳୁନାହିଁ ରାଜଧାନୀରେ
ବାତ୍ୟା ଫୋନି ଭୁବନେଶ୍ୱରରେ ପ୍ରଳୟ କରିବାର ୭ ଦିନ ବିତିଗଲାଣି
କନକ ବ୍ୟୁରୋ : ବାତ୍ୟା ଫୋନି ଭୁବନେଶ୍ୱରରେ ପ୍ରଳୟ କରିବାର ୭ ଦିନ ବିତିଗଲାଣି । ଏ ପର୍ଯ୍ୟନ୍ତ ସ୍ୱାଭାବିକ ହୋଇପାରିନାହିଁ ପିଇବା ପାଣି ଓ ବିଜୁଳି ସମସ୍ୟା । ପ୍ରକୃତ କ୍ଷତିଗ୍ରସ୍ତ ଚିହ୍ନଟ ନକରି ସରକାର କେବଳ ବିପିଏଲ ପରିବାରଙ୍କୁ ଆର୍ଥିକ ସହାୟତା ଦେଉଥିବାରୁ ସମାଲୋଚନା କରିଛନ୍ତି ବରିଷ୍ଠ କଂଗ୍ରେସ ନେତା ସୁର ରାଉତରାୟ । ଆଜି ସଚିବାଳୟରେ ପହଂଚି ଭୁବନେଶ୍ୱର ଓ ଜଟଣୀ ବ୍ଲକରେ ବାତ୍ୟା ପ୍ରଭାବିତଙ୍କ ସମସ୍ୟା ବାବଦରେ ଜଣାଇଛନ୍ତି ସୁର । ଆଗାମୀ ତିନି ଦିନି ମଧ୍ୟରେ ସବୁ ସମସ୍ୟାର ସମାଧାନ ନକଲେ ସଚିବାଳୟ ଘେରାଉ କରିବାକୁ ଦେଇଛନ୍ତି ଚେତାବନୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ସୁର କହିଛନ୍ତି ଯେ, ସରକାର ବାତ୍ୟାକୁ ନେଇ ବେଶ ସଚେତନତା ଥିଲେ ମଧ୍ୟ ବର୍ତମାନ ସୁଦ୍ଧା ଅନେକ ବାତ୍ୟା ପ୍ରଭାବିତ ରିଲିଫ ପାଇବାରୁ ବଞ୍ଚିତ ହୋଇଛନ୍ତି । ଖରା କାକରରେ ଶହଶହ ପରିବାର ନିଜ ପିଲାଛୁଆଙ୍କୁ ଧରି ରହୁଛନ୍ତି । ହେଲେ ତାଙ୍କୁ କୌଣସି ସୁବିଧା ମିଳୁନାହିଁ । ପାଣିର ମଧ୍ୟ ଘୋର ଅଭାବ ରହିଛି । କିନ୍ତୁ ତାହାର ବନ୍ଦୋବସ୍ତ କରାଯାଉନାହିଁ । ଯଥାଶୀଘ୍ର ତାହାକୁ ଠିକ କରାନଗଲେ ଆଗାମୀ ଦିନରେ ଜନଆନ୍ଦୋଳନ କରାଯିବ ବୋଲି ଶ୍ରୀରାଉଟରାୟ କହିଛନ୍ତି ।