ବାତ୍ୟା ‘ଫୋନି’ ପୀଡିତଙ୍କ ପାଇଁ ଆଗେଇ ଆସିଲା କେନ୍ଦୁଝରର ‘ସମ୍ଭାବନା’ ଅନୁଷ୍ଠାନ । ଜିଲ୍ଲାପାଳଙ୍କ ଦ୍ୱାରା ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ପ୍ରଦାନ କଲା ୨୫ ହଜାର ଟଙ୍କା ।
କନକ ବ୍ୟୁରୋ : ପୁଣି ଥରେ ପ୍ରକୃତିର କରାଳ ରୂପ ଦେଖିଲା ଓଡିଶା । ୧୯୯୯ର ମହାବାତ୍ୟା ଭଳି ବାତ୍ୟା ‘ଫୋନି’ ରଚିଲା ପ୍ରଳୟ । ଛାରଖାର କରିଦେଲା ଅଧା ଓଡିଶା । ଓଡିଶା ଇତିହାସରେ ଲିପିବଦ୍ଧ ହୋଇ ରହିଗଲା ମେ ୩ ତାରିଖ । ମାତ୍ର ୧୨ ଘଣ୍ଟା ମଧ୍ୟରେ ଉପକୂଳ ଓଡିଶାର ଚେହେରାକୁ ବିବର୍ଣ୍ଣ କରିଦେଲା ବାତ୍ୟା ‘ଫୋନି’ । ‘ଫୋନି’ ଚାଲିଯାଇଛି ସତ, କିନ୍ତୁ ଯେଉଁ ଚିହ୍ନ ଛାଡିଦେଇଯାଇଛି, ତାହା କେବେ ଯେ ଲିଭିବ, ଆକଳନ କରିବା ମଧ୍ୟ ମୁସ୍କିଲ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହାରି ଭିତରେ ପୁଣି ଥରେ ଅଣ୍ଟା ସଳଖି ଛିଡା ହେବା ପାଇଁ ପ୍ରୟାସ ଆରମ୍ଭ କରିଛି ଓଡିଶା । ଆଉ ଏଥିପାଇଁ ବିଭିନ୍ନ ମହଲରୁ ଓଡିଶାକୁ ଛୁଟୁଛି ସହାୟତାର ହାତ । ଆଜି କେନ୍ଦୁଝର ଜିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ‘ସମ୍ଭାବନା’ ତରଫରୁ ମୁଖ୍ୟମନ୍ତ୍ରୀ ରାଲିଫ୍ ପାଣ୍ଠିକୁ ବାତ୍ୟା ପୀଡିତଙ୍କୁ ସହାୟତା ଏବଂ ଓଡିଶାର ପୁନଃର୍ଗଠନ ପାଇଁ ୨୫ ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଛି । ଏହି ଅର୍ଥ କେନ୍ଦୁଝର ଜିଲ୍ଲାର ଜିଲ୍ଲାପାଳଙ୍କ ଦ୍ୱାରା ପ୍ରଦାନ କରାଯାଇଛି । କିପରି ଖୁବଶୀଘ୍ର ଓଡିଶା ପୁଣି ଥରେ ନିଜ ସୌନ୍ଦର୍ଯ୍ୟ ଫେରିପାଇବ, ସେନେଇ କେନ୍ଦୁଝରର ଅଧିଷ୍ଠାତ୍ରୀ ଦେବୀ ମା’ ତାରିଣୀଙ୍କ ନିକଟରେ ପ୍ରାର୍ଥନା କରିଛନ୍ତି ‘ସମ୍ଭାବନା’ ଅନୁଷ୍ଠାନର କର୍ମକର୍ତ୍ତାମାନେ ।