ଜଷ୍ଟିସ ସି.ଆର ଦାଶଙ୍କ ଘରେ ସିବିଆଇ ପଶିବା ମାମଲା ! କେନ୍ଦ୍ର, ରାଜ୍ୟ ଓ ସିବିଆଇ ସମେତ ସବୁ ପକ୍ଷଙ୍କୁ ହାଇକୋର୍ଟଙ୍କ କାରଣ ଦର୍ଶାଅ ନୋଟିସ
କନକ ବ୍ୟୁରୋ : ବିଚାରପତିଙ୍କ ଘରେ ରାତି ଅଧିଆ ସିବିଆଇ ଅଫିସର ପଶିବା ମାମଲା । ଦାୟର ହୋଇଥିବା ଜନସ୍ୱାର୍ଥ ମାମଲାରେ ସମସ୍ତ ପକ୍ଷଙ୍କୁ ନୋଟିସ କଲେ ହାଇକୋର୍ଟ । କେନ୍ଦ୍ର ସରକାର, ରାଜ୍ୟ ସରକାର ଓ ସିବିଆଇ ସମେତ ସବୁ ପକ୍ଷଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି କୋର୍ଟ । ରାତି ଅଧରେ କାହା ଅନୁମତିରେ ଓ କାହିଁକି ପଶିଥିଲେ ତାର କାରଣ ଦର୍ଶାଇବା ପାଇଁ ନୋଟିସ ହୋଇଛି । ଅକ୍ଟୋବର ୧୬ ତାରିଖରେ ମାମଲା ପରବର୍ତୀ ଶୁଣାଣି ହେବ । ଜଷ୍ଟିସ ସି. ଆର ଦାଶଙ୍କ ଘରେ ରାତି ଅଧରେ ପଶିଥିଲେ ସିବିଆଇ । ଯାହାକୁ ନେଇ ସିବିଆଇ ବିରୋଧରେ ଜନସ୍ୱାର୍ଥ ମାମଲା ରୁଜୁ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବିଚାରପତିଙ୍କ ଘରେ ସିବିଆଇ ପଶିବା ଘଟଣାକୁ ନେଇ ବୁଧବାର ଠାରୁ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଥିଲା ହାଇକୋର୍ଟ ବାର୍ ଆସୋସିଏସନ୍ । ଆଜି ହାଇକୋର୍ଟ ଏନେଇ ହୋଇଥିବା ଜନସ୍ୱାର୍ଥ ମାମଲାରେ ସବୁ ପକ୍ଷଙ୍କୁ ନୋଟିସ କରିବା କାର୍ଯ୍ୟବନ୍ଦ ଆନ୍ଦୋଳନକୁ ସ୍ଥଗିତ ରଖିଛି ବାର ଆସୋସିଏସନ । ତେବେ ଅଗଷ୍ଟ ୧୬ରେ ପରବର୍ତ୍ତୀ ମାମଲାରୁ ଶୁଣାଣି ପରେ ଆଗଷ୍ଟ ୧୯ରେ ବାର ଆସୋସିଏସନ୍ ଆନ୍ଦୋଳନର ପରବର୍ତୀ ନିଷ୍ପତି ନେବ ।
ସେପଟେ ବିଚାରପତିଙ୍କ ଘରେ ପଶିଥିବା ସିବିଆଇ ଅଧିକାରୀଙ୍କ ତାଲିକା ମାଗିଛି ପୋଲିସ । କାହା ନେତୃତ୍ୱରେ ଆସିଥିଲା ଟିମ୍? ଟିମ୍ରେ ଥିବା ଅଧିକାରୀ କେଉଁ ର୍ୟାଙ୍କର? ଏବଂ ସମସ୍ତଙ୍କ ନାଁ ଓ ଫୋନ୍ ନମ୍ବର ଦେବାକୁ ସିବିଆଇକୁ ଚିଠି ଲେଖିଛି ଓଡିଶା ପୋଲିସ । ବିଚାରପତିଙ୍କ ବାସଭବନରେ ପଶିଥିବା ସିବିଆଇର ସମସ୍ତ ଅଧିକାରୀଙ୍କ ବିରୋଧରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି । ବିଚାରପତି ସିଆର୍ ଦାଶଙ୍କ ବାସଭବନରେ ନିୟୋଜିତ ଦୁଇ ସୁରକ୍ଷାକର୍ମୀଙ୍କ ଧାରା ୧୬୧ରେ ବୟାନ ରେକର୍ଡ ହୋଇଛି । ଆଗକୁ ଧାରା ୧୬୪ରେ ବୟାନ ରେକର୍ଡ କରାଯିବ ବୋଲି ପୋଲିସ କହିଛି ।