ଟ୍ରାଂଜିଟ ରିମାଣ୍ଡରେ ଗ୍ରୀନ ରେ’ ଏମଡି ସହିରୁଦ୍ଦିନଙ୍କୁ ଆଜି ଭୁବନେଶ୍ୱର ଆଣିଲା ସିବିଆଇ
ଭୁବନେଶ୍ୱର ବ୍ୟୁରୋ , କନକ ନ୍ୟୁଜ୍ : ଟ୍ରାଂଜିଟ ରିମାଣ୍ଡରେ ଗ୍ରୀନ ରେ’ ଏମଡି ସହିରୁଦ୍ଦିନଙ୍କୁ ଆଜି ଭୁବନେଶ୍ୱର ଆଣିଛି ସିବିଆଇ । ସାରା ଦେଶରେ ୨ ହଜାର କୋଟି ଟଙ୍କା ଠକେଇ କରିଥିବା ଗ୍ରୀନ ରେ’ ଓଡିଶାରୁ ଲୁଟିଥିଲା ୫୦୦ କୋଟି । ଗତକାଲି କୋଲକାତାର ଏକ କୋର୍ଟରେ ହାଜର କରାଯିବା ପରେ ସହିରୁଦ୍ଦିନକୁ ଓଡିଶା ଅଣାଯାଇଛି । ଜେରାବେଳେ ସିବିଆଇ ସହିରୁଦ୍ଦିନଠାରୁ ଅନେକ ଗୁମର ଖୋଲିବ।
Kanak News is now on WhatsApp
Join and get latest news updates delivered to you via WhatsApp
ଜମାକାରୀଙ୍କ ପ୍ରାୟ ୨ହଜାର କୋଟି ଟଙ୍କା ଧରି ଚଂପଟ ମାରିବା ପରେ ନାଇଜେରିଆରେ ଗ୍ରୀନ୍ ରେ’ ଗୋଟିଏ କଂପାନୀ ସହ ମିଶି ଲିଜ୍ରେ ନେଇଥିଲା ଲୁହାପଥର ଖଣି । ଦୁବାଇରେ ମଧ୍ୟ ଚାଲିଥିଲା କଂପାନୀର କାରବାର । ରାଜ୍ୟରେ ୫୨ଟି ବ୍ରାଂଚ ଖୋଲି କଂପାନୀ ୫ ଶହ କୋଟି ଠକି ନେଇଥିଲା । ଜଳେଶ୍ୱରରେ ସଂସ୍ଥା ବିରୋଧରେ ଅଭିଯୋଗ ହେବା ପରେ କ୍ରାଇମବ୍ରାଂଚର ଅର୍ଥନୈତିକ ଅପରାଧ ଶାଖା ଆରମ୍ଭ କରିଥିଲା ତନାଘନା । ୪୦ଟି ବ୍ୟାଙ୍କ ଆକାଉଂଟରେ ଥିବା ୫୭ ଲକ୍ଷ ଟଙ୍କା, ୧୦ କେଜି ରୂପା ଗହଣା, ୨୪୬ ଗ୍ରାମ ସୁନା, ୧୦ ଲକ୍ଷ ନଗଦ ଟଙ୍କା, ୨୦ ଏକର ଜମି ସିଜ୍ ହୋଇଥିଲା ।