ପୈତୃକ ସମ୍ପତିରେ ଝିଅର ଅଧିକାର କଥା ଦୋହରାଇଲେ ସୁପ୍ରିମକୋର୍ଟ ! ୨୦୦୫ପୂର୍ବରୁ ଜନ୍ମ ହୋଇଥିବା ଝିଅ ବି ପାଇବେ ସମାନ ଭାଗ
କନକ ବ୍ୟୁରୋ : ବାପାଙ୍କ ସମ୍ପତି ଉପରେ ଝିଅର ସମାନ ଅଧିକାର ରହିଛି । ଏହି ନିୟମ ରହିଥିବା ବେଳେ ଏଥିରେ ସାମାନ୍ୟ ସଂଶୋଧନ କରିଛନ୍ତି ସୁପ୍ରିମକୋର୍ଟ । ଏନେଇ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । କୋର୍ଟ କହିଛନ୍ତି ୨୦୦୫ ମସିହାରୁ ଜନ୍ମ ହୋଇଥିବା ଝିଅମାନେ ମଧ୍ୟ ଏହି ଆଇନରେ ସମାନ ସୁବିଧା ପାଇବେ । ସେମାନଙ୍କର ପୁଅ ପରି ପୈତୃକ ସମ୍ପତିରେ ସମାନ ଅଧିକାର ରହିବ । ଜଷ୍ଟିସ ଏକେ ସିକ୍ରି ଓ ଜଷ୍ଟି ଅଶୋକ ଭୂଷଣଙ୍କ ଖଣ୍ଡପୀଠ ଏହି ନିୟମରେ ସଂଶୋଧନ କରି ପୈତୃକ ସମ୍ପତି ଉପରେ ଝିଅର ଜନ୍ମଗତ ଅଧିକାର ରହିଛି ବୋଲି କହିଛନ୍ତି । ନିୟମ ପାସ ହେବା ୨୦୦୫ ପୂର୍ବରୁ ଜନ୍ମ ହୋଇଛନ୍ତି ବୋଲି କୌଣସି ଝିଅଙ୍କୁ ତାଙ୍କ ଅଧିକାରରୁ ବଂଚିତ କରାଯାଇପାରିବ ନାହିଁ ବୋଲି କୋର୍ଟ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ସର୍ବୋଚ୍ଚକୋର୍ଟ କହିଛନ୍ତି, ସମ୍ପତ୍ତି ସମ୍ମନ୍ଧିତ ମାମଲାରେ ପୁଅଙ୍କ ସହ ଝିଅମାନଙ୍କୁ ମଧ୍ୟ ସମାନ ଅଧିକାର ଦେବା ପାଇଁ ନିୟମରେ ସଂଶଧୋନ କରାଯାଇଛି । ତେବେ ଏପରି ପରିବର୍ତ୍ତନ ପାଇଁ ଏବଂ ଝିଅ, ପୁଅଙ୍କ ମଧ୍ୟରେ ଥିବା ଅସମାନତାକୁ ହଟାଇବା ପାଇଁ ଦାବି ହୋଇଥିଲା । ଯାହା ଉପରେ ରାୟ ଶୁଣାଇଛନ୍ତି ସର୍ବୋଚ୍ଚ କୋର୍ଟ ।