ଯେଉଁ କାମ କରିପାରିଲେ ନାହିଁ ପୋଲିସ, ଯବାନ ଏବଂ ଏନଡିଆରଏଫ ଟିମ୍, ତାହା କରିଦେଖାଇଲେ ୫ ଜଣ ଯୁବକ ! ରସି ସାହାଯ୍ୟରେ ବଞ୍ଚାଇଲେ ୪୫ ଜୀବନ ।
ଶିବପୁରୀର ପାଞ୍ଚଜଣ ଯୁବକ ଏପରି କିଛି କାମ କରି ଦେଖାଇଛନ୍ତି ଯାହା ପୋଲିସ କିମ୍ବା ସେନାର ଯବାନମାନେ ମଧ୍ୟ କରିବା ପାଇଁ ସାହସ ଯୁଟାଇ ପାରିନାହାଁନ୍ତି । ସୁଲତାନ ଗଡ ଝରଣାରେ ଅଚାନକ ଜଳସ୍ଥର ବଢିଯିବାରୁ ସେଠାକୁ ବଣଭୋଜି କରିବାକୁ ଆସିଥିବା ପ୍ରାୟ ୫୫ ଜଣ ଲୋକ ସେଠାରେ ଫସିଯାଇଥିଲେ । କିନ୍ତୁ ୫ ଜଣ ଯୁବକଙ୍କ ସାହସିକତା ପାଇଁ ଅଧିକାଶଂ ଲୋକଙ୍କୁ ଉଦ୍ଧାର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଅଗଷ୍ଟ ୧୫ ତାରିଖ ଦିନ କିଛି ଲୋକ ସୁଲତାନ ଗଡ ଝରଣା ନିକଟରେ ବଣଭୋଜି କରୁଥିଲେ । କିନ୍ତୁ ସେଠାରେ ଅଚାନକ ପାଣି ମାଡିଆସିଥିବାରୁ ସେମାନେ ସେଠାରେ ଫସି ଯାଇଥିଲେ । ସୁଲତାନଗଡ ଝରଣାରେ ଲୋକମାନେ ଫସି ରହିଥିବା ସୂଚନା ପ୍ରଶାସନ, ସେନା ଏବଂ ଏନଡିଆରଏଫ ଟିମକୁ ଦିଆଯାଇଥିଲା । ତୁରନ୍ତ ସେଠାରେ ଟିମ୍ ପହଞ୍ଚି ଘଟଣାର ଯାଞ୍ଚ କରିଥିଲେ ଏବଂ ହେଲିକାପ୍ଟର ସାହାଯ୍ୟରେ ବଞ୍ଚାଇବାର ନିଷ୍ପତି ନେଇଥିଲେ । କିନ୍ତୁ ହେଲିକାପ୍ଟର ଆସିବାରେ ବିଳମ୍ବ ହେବାରୁ ସେଠାରେ ଉପସ୍ଥିତ ଥିବା ୫ ଜଣ ସ୍ଥାନିୟ ଯୁବକ ରିସି ସାହାଯ୍ୟରେ ପ୍ରାୟ ୪୫ ଜଣଙ୍କୁ ଉଦ୍ଧାର କରିଥିବାବେଳେ ବାକି ଲୋକ ଏବେ ଯାଏ ନିଖୋଜ ରହିଛନ୍ତି । ଏହି ଯୁବକମାନଙ୍କ ନାଁ ହେଉଛି ନିଜାମ ଖାନ, ବଳରାମ ଭାଗିରଥ, କଲ୍ଲନ ବାଥମ, ରାମସେବକ ଏବଂ ଦେବେନ୍ଦ୍ର ସିଂହ ।
ହେଲିକାପ୍ଟର ଆସିବରେ ବିଳମ୍ବ ହେବା ଦେଖି ପ୍ରଶାସନ ଲୋକମାନଙ୍କୁ ବଞ୍ଚାଇବା ପାଇଁ ଯୁବକମାନଙ୍କୁ ଅନୁମତି ଦେଇଥିଲେ । ଏହା ପରେ ଜଣ ଜଣ କରି ୪୫ ଜଣଙ୍କୁ ଉଦ୍ଧାର କରାଯାଇଥିଲା । ଏହି ଉଦ୍ଧାର କାର୍ଯ୍ୟ ବିଳମ୍ବିତ ରାତି ୨ଟା ଯାଏ ଜାରି ରହିଥିଲା । ତେବେ ଯୁବକମାନଙ୍କ ଏପରି ଦୁଃସାହସିକ କାମକୁ ମୂଖ୍ୟମନ୍ତ୍ରୀ ଶିବରାଜ ସିଂହ ପ୍ରଶନ୍ସା କରିବା ସହ ସେମାନଙ୍କୁ ୫ ଲକ୍ଷ୍ୟ ଟଙ୍କା ଲେଖାଏ ପୁରଷ୍କାର ଦେବା ପାଇଁ ଘୋଷଣା କରିଛନ୍ତି ।