ପ୍ରଶାସନର ନିଷ୍ପତି ପରେ ଶ୍ରୀମନ୍ଦିରକୁ ଆସିଲା ଓମଫେଡ୍ ଘିଅ ! ହେଲେ ଅପମିଶ୍ରଣ ଅଭଯୋଗ ଆଣିଲା ସୁଆର ମହାସୁଆର ନିଯୋଗ
କନକ ବ୍ୟୁରୋ : ଶ୍ରୀମନ୍ଦିର ନୀତିକାନ୍ତିରେ ଶୁଦ୍ଧ ଓମଫେଡ୍ ଘିଅ ବ୍ୟବହାର କରିବା ନେଇ ମନ୍ଦିର ପ୍ରଶାସନ ନିଷ୍ପତି ନେଇଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ ଓମଫେଡ ସହାୟତାରେ ମନ୍ଦିର ଭିତରେ ଷ୍ଟଲ ଖୋଲାଯାଇଛି । କିନ୍ତୁ ଶ୍ରୀମନ୍ଦିରରେ ବିକ୍ରି ହେଉଥିବା ଓମଫେଡ ଘିଅର ମାନକୁ ନେଇ ଉଠିଛି ବିବାଦ । ଓମଫେଡ ପକ୍ଷରୁ ଦିଆଯାଉଥିବା ଘିଅ ନିମ୍ନମାନର ବୋଲି ଅଭିଯୋଗ କରିଛି ସୁଆର ମହାସୁଆର ନିଯୋଗ । ଭଲ ଘିଅ ତରଳ ରହିବା କଥା କିନ୍ତୁ ଓମଫେଡ ଘିଅ ପୁରା ଟାଣ ଓ ଚିକିଟା ରହୁଛି ।
Kanak News is now on WhatsApp
Join and get latest news updates delivered to you via WhatsApp
ଫଳରେ କିଭଳି ଓମଫେଡ ଘିଅ ଶୁଦ୍ଧ ହେଲା ବୋଲି ପ୍ରଶ୍ନ କରିଛନ୍ତି ସୁଆର ମହାସୁଆର ନିଯୋଗ ସଭାପତି ଦାମୋଦର ମହାସୁଆର । କୋଠ ଭୋଗ ପାଇଁ ଶ୍ରୀମନ୍ଦିର ପ୍ରଶାସନ ଓମଫେଡ ଶୁଦ୍ଧ ଘିଅର ବ୍ୟବହାର ପାଇଁ କହିଥିବା ବେଳେ ମହାପ୍ରସାଦ ରାନ୍ଧିବାରେ କିଭଳି ନିମ୍ନମାନର ଘିଅ ବ୍ୟବହାର କରାଯିବ ବୋଲି ସୁଆର ମହାସୁଆର ନିଯୋଗ ପ୍ରଶ୍ନ କରିଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ ଓମଫେଡ ଘିଅର ମାନକୁ ଯାଂଚ କରି ତାକୁ ବ୍ୟବହାର କରିବାକୁ ଦିଅନ୍ତୁ ଏବଂ ଖୁବ ଶୀଘ୍ର ଏନେଇ ପଦକ୍ଷେପ ନେବାକୁ ନିଯୋଗ ସଭାପତି ଦାବି କରିଛନ୍ତି ।