କନକ ବ୍ୟୁରୋ: ୟୁରୋପ ସମେତ ବିଶ୍ୱର କିଛି ଦେଶର ସାଇବର ଆଟାକ ହୋଇଛି । ଖବର ଅନୁସାରେ, ୟୁରୋପ, ଆମେରିକା, ଚୀନ ଓ ଋଷର କିଛି ସ୍ଥାନରେ କମ୍ପ୍ୟୁଟର କାମ କରିବା ବନ୍ଦ କରିଦେଇଛି । ଏଭଳି ସାଇବର ଆଟାକ ପାଇଁ ରେନସମବେୟର ନାମକ ଏକ ଭାଇରସ ଦାୟୀ ବୋଲି କୁହାଯାଉଛି । ବ୍ରିଟେନର ଜାତୀୟ ସ୍ୱାସ୍ଥ୍ୟସେବା ବିଶେଷଭାବେ ପ୍ରଭାବିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଇଂଲଣ୍ଡର କିଛି ହସପିଟାଲ କର୍ତୃପକ୍ଷଙ୍କ କହିବା କଥା ହେଲା, କମ୍ପ୍ୟୁଟର ଖୋଲିବା ବେଳେ ଅସୁବିଧାର ସମ୍ମୁଖୀନ ହେବାକୁ ପଡୁଛି । ଆଉ ହ୍ୟାକ ହୋଇଥିବା କମ୍ପ୍ୟୁଟରକୁ ଖୋଲିଲେ ମ୍ୟାସେଜ ଆସୁଛି ଫାଇଲ ରିକଭର କରିବା ପାଇଁ କିଛି ଫିସ୍ ଦେବାକୁ ପଡିବ । କିଛି ଦେଶରେ ସାଇବର ଆଟାକ ପାଇଁ ରେନସମବେୟର ଭାଇରସକୁ ଦାୟୀ କରାଯାଇଛି ।
ରେନସମବେୟର ଏଭଳି ଏକ ଭାଇରସ ଯାହ କମ୍ପ୍ୟୁଟରରେ ଥିବା ବିଭିନ୍ନ ଫାଇଲକୁ ନଷ୍ଟ କରିଦେବାର ଚେତାବନୀ ଦେଉଛି । ଏହା ମଧ୍ୟ ଧମକ ଦିଆଯାଉଛି ଯେ, ଫାଇଲକୁ ଅକ୍ଷତ ରଖିବାକୁ ଫିସ ଦେବାକୁ ପଡିବ । ତେବେ ଭାରତରେ ଏହି କମ୍ପ୍ୟୁଟର ଭାଇରସ ଆସିନାହିଁ । କିନ୍ତୁ ବିପଦ ଏବେ ବି ରହିଛି ।