ପିସିସି ସଭାପତି ପରିବର୍ତ୍ତନ ଚର୍ଚ୍ଚା ଭିତରେ ନିରଞ୍ଜନଙ୍କ ବୟାନ : କହିଲେ ସଭାପତି ପଦର ଅଫର ଆସିଲେ ଶହେଥର କରିବେ ଚିନ୍ତା
କନକ ବ୍ୟୁରୋ : ଥମୁନି ରାଜ୍ୟ କଂଗ୍ରେସରେ ନେତୃତ୍ୱ ପରିବର୍ତ୍ତନ ଚର୍ଚ୍ଚା । ବିଧାୟକ ଦଳ ପିସିସି ପରିବର୍ତ୍ତନ ଦାବୀକୁ ଅଡି ବସିଥିବା ବେଳେ ଦିଲ୍ଲୀ ଦରବାର କିନ୍ତୁ ଏଯାଏଁ ଚୁପ୍ । ଏପଟେ ନେତୃତ୍ୱକୁ ଦୋଷ ଦେଇ ଜଣଙ୍କ ପରେ ଜଣେ ନେତା କଂଗ୍ରେସ ଛାଡି ଅନ୍ୟ ଦଳ ମୁହାଁ ହେବାରେ ଲାଗିଛନ୍ତି । ଯଦି ନେତୃତ୍ୱ ପରିବର୍ତ୍ତନ ହୁଏ ତେବେ କାହକୁ ହାଇକମାଣ୍ଡ ଏହି ଦାୟିତ୍ୱ ଦେବେ ତାହାକୁ ନେଇ ମଧ୍ୟ ଚାଲିଛି ଆଲୋଚନା ପର୍ଯ୍ୟାଲୋଚନା ।
Kanak News is now on WhatsApp
Join and get latest news updates delivered to you via WhatsApp
ପିସିସି ସଭାପତି ପରିବର୍ତ୍ତନ ନେଇ ବେଶ କିଛି ଦିନ ହେଲା ଦଳ ଭିତରେ ତର୍ଜମା ଚାଲିଥିବା ବେଳେ ଏହି ପଦ ପାଇଁ ଚର୍ଚ୍ଚିତ ଦାବୀଦାର ନିରଂଜନ ପଟ୍ଟନାୟକଙ୍କ ଏହି ବୟାନ ଏବେ ଚର୍ଚ୍ଚାରେ । ନିରଂଜନ କହୁଛନ୍ତି ସଭାପତି ପଦ ପାଇଁ ଅଫର ଆସିଲେ ସେ ଶହେ ଥର ଚିନ୍ତା କରିବେ ।
ସେପଟେ ଦିଲ୍ଲୀ ଯାଇଥିବା ୭ ବିଧାୟକ ଦଳର ବରିଷ୍ଠ ନେତାଙ୍କ ସହ କରିଛନ୍ତି ଆଲୋଚନା । ସୂଚନା ଅନୂସାରେ ୟୁପିଏର ରଷ୍ଟ୍ରପତି ପ୍ରାର୍ଥୀଙ୍କ ପ୍ରସ୍ତାବକ ହେବାପାଇଁ ଯାଇଥିବା ଏହି ବିଧାୟକ ମାନେ ଗୁଲାମ ନବୀ ଆଜାଦ, କମଳନାଥ୍ ଓ ଭି. ଜର୍ଜଙ୍କ ପରି ନେତାଙ୍କ ସହ ଦଳର ସ୍ଥିତି ନେଇ ଆଲୋଚନା କରିଛନ୍ତି । ନେତୃତ୍ୱ ପରିବର୍ତ୍ତନ ନେଇ ଉପାଧ୍ୟକ୍ଷ ରାହୁଲ ଗାନ୍ଧୀ ରାଜ୍ୟ ନେତାଙ୍କ ସହ ଆଲୋଚନା କରିବାର ଦେଢ ମାସରୁ ଉର୍ଦ୍ଧ୍ୱ ସମୟ ବିତିଗଲାଣି । କିନ୍ତୁ ହାଇକମାଣ୍ଡଙ୍କ ପକ୍ଷରୁ କୈଣସି ନିଷ୍ପତ୍ତି ନଆସିବା ଏବେ କଂଗ୍ରେସ ଶିବିରକୁ ଦ୍ୱନ୍ଦରେ ପକାଇଛି ।
ଦେଖନ୍ତୁ ଏହି ଭିଡିଓ –