କନକ ବ୍ୟୁରୋ : ଅଶାନ୍ତ ଭିମସାର । ଆଜିଠୁ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି ବୁର୍ଲା ମେଡିକାଲ୍ ପିଜି ଛାତ୍ର । ପୋଲିସ ସୁରକ୍ଷା ଯୋଗାଇଦେବା ସହ ଭିମସାର ଅଧ୍ୟକ୍ଷ ଆସି ତାଙ୍କ ସହ ଆଲୋଚନା କରନ୍ତୁ ବୋଲି ମେଡିକାଲ୍ ଛାତ୍ର ଦାବି କରିଛନ୍ତି । ସ୍ୱାସ୍ଥ୍ୟସେବା ବନ୍ଦ କରିବା ସହ କଲେଜ୍ ମୁଖ୍ୟ ଫାଟକରେ ଛାତ୍ରମାନେ ଧାରଣାରେ ବସିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆସନ୍ତାକାଲି ୧୨ ଘଂଟିଆ ବୁର୍ଲା ବନ୍ଦ ଡାକରା ଦେଇଛନ୍ତି ବୁର୍ଲାବାସୀ । ଭିମସାର ଅଧ୍ୟକ୍ଷଙ୍କ ଘର ଉପରକୁ ପଥରମାଡ କରିଥିବା ଅଭିଯୁକ୍ତ ପିଜି ଡାକ୍ତରଙ୍କୁ ଗିରଫ କରିବାକୁ ଦାବି ହୋଇଛି । ଅନ୍ୟପଟେ ଅଘଟଣ ଆଶଙ୍କାରେ ଭିମସାର କଲେଜ, ମେଡିକାଲ ଓ ହଷ୍ଟେଲକୁ ପୁଲିସ ଛାଉଣୀ କରାଯାଇଛି । ନିର୍ଦ୍ଦେଶକ ଅଶ୍ୱିନୀ ପୂଜାହାରୀଙ୍କ ଘର ଆଗରେ ମଧ୍ୟ ୮ ପ୍ଲାଟୁନ ପୁଲିସ ମୁତୟନ କରାଯାଇଛି । ଏହାରି ଭିତରେ ରୋଗୀ ସଂପର୍କୀୟଙ୍କୁ ମାଡ ମାରିବା ବେଳର ସିସିଟିଭି ଫୁଟେଜର ହାର୍ଡଡିସ୍କ ଜବତ କରିଛି ପୁଲିସ । ଭିଡିଓ ଫୁଟେଜ ଡିଲିଟ୍ ହୋଇଥିବାରୁ ରାଜ୍ୟ ବାହାରକୁ ହାର୍ଡଡିସ୍କ ପଠାଯାଇଛି ।