ବକୁଳବନକୁ ନେଇ ବଢିଲା ବ୍ୟାକୁଳତା ! ମୂର୍ତ୍ତି ଭାଙ୍ଗି ଗିରଫ ହୋଇଥିବା ଦୁର୍ବୃତ୍ତଙ୍କୁ ଦେଶଦ୍ରୋହ ମାମଲାରେ ଯୋଡିବାକୁ ଦାବି
କନକ ବ୍ୟୁରୋ : ଐତିହାସିକ ବକୁଳବନ ଏବେ ଅବହେଳିତ ଅବସ୍ଥାରେ ପଡିରହିଛି । କେତେବେଳେ ମହାପୁରୁଷଙ୍କ ମୁର୍ତ୍ତି ଭଂଗାଯାଉଛି ତ ପୁଣି କେତେବେଳେ ପଂଚସଖାଙ୍କ ମୁର୍ତ୍ତି ଚୋରୀ ହୋଇଯାଉଛି । ଆଉ ଏହି ଘଟଣାରେ ଏବେ ପୋଲିସ ୧୧ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ତେବେଏହି ଅଭିଯୁକ୍ତଙ୍କୁ ଜାମିନ ନ ଦେବାପାଇଁ ପୁରୀ ଓକିଲ ସଂଘ ଓ ବିଚାରପତିଙ୍କୁ ଅନୁରୋଧ କରିଛି ସଚେତନ ନାଗରିକ ମଂଚ ।
Kanak News is now on WhatsApp
Join and get latest news updates delivered to you via WhatsApp
କିଛିଦିନ ତଳେ ଦୃବୁର୍ତ୍ତମାନେ ପୁରୀର ବକୁଳବନରେ ଥିବା ପଂଚସଖାଙ୍କ ୨ଟି ମୁର୍ତ୍ତିକୁ ଭାଂଗିବା ସହ ଚୋରୀ କରି ନେଇଯାଇଥିଲେ । ପଣ୍ଡିତ ଗୋଦାବରୀଶ ମିଶ୍ରଙ୍କ ମୁର୍ତ୍ତିକୁ ଚୋରୀ କରିବା ସହ ଆଚାର୍ଯ୍ୟ ହରିହରଙ୍କ ମୁର୍ତ୍ତିକୁ ଏହି ଦୃବୁର୍ତ୍ତମାନେ ଭାଂଗିଦେଇଥିଲେ । ତେବେ ଏହି ଦୃବୁର୍ତ୍ତଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରିବା ସହ କଠୋରଦଣ୍ଡ ଦେବାକୁ ସ୍ୱାଧୀନତା ସଂଗ୍ରାମୀ ଦାବି କରିଛନ୍ତି ।
ଅନ୍ୟପଟେ ବକୁଳବନର ସୁରକ୍ଷା ତଥା ଉନ୍ନତିକରଣ କରିବା ପାଇଁ ନିଜେ ପଦକ୍ଷେପ ନେବେ ବୋଲି କୃଷିମନ୍ତ୍ରୀ ଦାମୋଦର ରାଉତ କହିଛନ୍ତି । ଅନ୍ୟପଟେ ଜିଲା ସଂସ୍କୃତି ଅଧିକାରୀ ପ୍ରତିମୁର୍ତି ପୁନସ୍ଥାପନ ପାଇଁ ପ୍ରସ୍ତୁତି ଆରମ୍ଭ ହୋଇଥିବାର କହିଛନ୍ତି ।
ସ୍ୱାଧୀନତା ସଂଗ୍ରାମରେ ମଣିଷ ତିଆରି କାରଖାନା ଥିଲା ବକୁଳବନ । ଆଉ ମହାପୁରୁଷମାନଙ୍କ ସୁରକ୍ଷା ପାଇଁ ବର୍ତ୍ତମାନ ଦୃଢ ପଦେକ୍ଷପ ନେବାର ସମୟ ଆସିଛି ।