ପଦ୍ମ ଫୁଟାଇବାକୁ ପ୍ରତିଶ୍ରୁତିର ପାହାଡ଼ ଛିଡ଼ା କଲେ ବିଜେପି ଚାଣକ୍ୟ, ଶାହା କହିଲେ, କେନ୍ଦୁଝରରେ ହେବ ଷ୍ଟିଲ୍ ପ୍ଲାଣ୍ଟ ।
କନକ ବ୍ୟୁରୋ: ପ୍ରତିଶ୍ରୁତି ବର୍ଷା କଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ପାଞ୍ଚ ବର୍ଷ ଓଡ଼ିଶାରେ ମୋଦି ସରକାରଙ୍କୁ ସରକାର ଗଠନ କରିବାକୁ ସୁଯୋଗ ଦିଅ ଓଡ଼ିଶାକୁ ଏକ ନମ୍ବର ରାଜ୍ୟଭାବେ ଗଢ଼ି ତୋଳିବ ବିଜେପି । ଏପରିକି ବହୁ ଦିନର ଦାବି କେନ୍ଦୁଝର ଜିଲ୍ଲାରେ ଷ୍ଟିଲ ପ୍ଲାଣ୍ଟର ପ୍ରତିଷ୍ଠା କରିବ ବିଜେପି ସରକାର ବୋଲି ପ୍ରତିଶ୍ରୁତି ଦେଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା । କେନ୍ଦୁଝର କେନ୍ଦୁପତ୍ର ଉପରୁ ସମ୍ପୂର୍ଣ୍ଣ ଜିଏସଟି ଛାଡ଼ କରାଯିବ, କେନ୍ଦୁଝରରେ ଆଉ ଏକ ମେଡିକାଲ କଲେଜ ସହ ସମସ୍ତ ଆଦିବାସୀ ମାନଙ୍କୁ ଜମିପଟ୍ଟା ପ୍ରଦାନ କରାଯିବ । ଖାଲି ଥରେ ବିଜେପିକୁ ଓଡ଼ିଶାରେ ସରକାର ଗଢ଼ିବାକୁ ସୁଯୋଗ ଦିଅନ୍ତୁ ବୋଲି ପ୍ରତିଶ୍ରୁତି ଦେଇଛନ୍ତି ଶାହା
Kanak News is now on WhatsApp
Join and get latest news updates delivered to you via WhatsApp
ସେହିପରି ରାଜ୍ୟ ସରକାରଙ୍କୁ ନିଶାନା କରି ଶାହା କହିଛନ୍ତି ଯେ, କେନ୍ଦ୍ର ସରକାର ଡିଏମଫ ପାଣ୍ଠିରେ କେନ୍ଦୁଝର ମେଡିକାଲ ପାଇଁ ଅର୍ଥ ଦେଇଛନ୍ତି । କିନ୍ତୁ ନବୀନ ସରକାର ଚାରେଣୀଟିଏ ହେଲେ ବି ଦେଲେ ନାହିଁ । ବିଜେପି ସରକାର କଲେ କେନ୍ଦୁଝରରେ ଆଉ ଏକ ମେଡ଼ିକାଲ କଲେଜ ଓ ବନଜାତ ଦ୍ରବ୍ୟକୁ ସର୍ମନିମ୍ନ ମୁଲ୍ୟରେ କିଣାଯିବ ବୋଲି କହିଛନ୍ତି ଶାହା । ୧୯ ବର୍ଷ ହେଲାଣି ରାଜ୍ୟରେ ଗୋଟେ ଭଷ୍ଟ୍ରାଚାର ସରକାର ଚାଲିଛି । ଯିଏ ଗରିବଙ୍କୁ ଲୁଟି ଖାଉଛି ବୋଲି କହି ରାଜ୍ୟ ସରକାରଙ୍କୁ ନିଶାନା କରିଛନ୍ତି ଶାହା ।
ସେହିଭଳି କେନ୍ଦୁଝର ସଭାରୁ କଂଗ୍ରେସକୁ ମଧ୍ୟ ସମାଲୋଚନା କରିଛନ୍ତି ଶାହା । କହିଛନ୍ତି କି, ପୁଲୱାମା ଆତଙ୍କୀ ହମଲାରେ ଆମ ଦେଶର ୪୦ ଯବାନ ସହୀଦ ହୋଇଗଲେ ତାହାର ୧୩ ଦିନ ପରେ ମୋଦି ସରକାର ପାକିସ୍ତାନୀ ଆତଙ୍କୀ ଆଡ୍ଡା ଉପରେ ବୋମା ପକାଇଲା । ଆତଙ୍କୀ ନିପାତ ହେଲେ କିନ୍ତୁ କଂଗ୍ରେସର ରାହୁଲ ବାବା ମନଦୁଃଖ କଲେ କହି ସମାଲୋଚନା କରିଛନ୍ତି ବିଜେପି ଚାଣକ୍ୟ ଅମିତ ଶାହା ।