ବୈଠକରେ ବାହାରିଲାନି ନିଷ୍କର୍ସ । ଦିଲ୍ଲୀ ଗଲା ବିଜେପି ବିଧାୟକଙ୍କ ତାଲିକା, ବିଧାୟକ ଦଳ ନେତା ବାଛିବେ ରାଷ୍ଟ୍ରୀୟ ଅଧ୍ୟକ୍ଷ ।
କନକ ବ୍ୟୁରୋ: ବୈଠକ ସରିଲା, ଏବେ ଦିଲ୍ଲୀ ଭରସା । ରାଜ୍ୟ ବିଜେପିର ବିଧାୟକ ଦଳ ନେତା କିଏ ହେବ ସେନେଇ ଦିଲ୍ଲୀ ଦରବାରରୁ ଆସିବ ଗ୍ରୀନ୍ ସିଗନାଲ । ଆଉ ଓଡ଼ିଶା ବିଜେପି ବିଧାୟକ ଦଳ ନେତା କିଏ ହେବ ସେନେଇ ନିଷ୍ପତି ନେବେ ବିଜେପି ରାଷ୍ଟ୍ରୀୟ ଅମିତ ଶାହା । ଆଜି ରାଜ୍ୟ ବିଜେପି କାର୍ଯ୍ୟାଳୟରେ ପାଖାପାଖି ଦେଢ଼ ଘଣ୍ଟାର ମାନସ ମନ୍ଥନ ପରେ ରାଷ୍ଟ୍ରୀୟ ଅଧ୍ୟକ୍ଷ ଶାହାଙ୍କ ପାଖକୁ ବିଧାୟକଙ୍କ ତାଲିକା ପଠାଇଛି ବିଜେପି ବୋଲି ବୈଠକ ପରେ କହିଛନ୍ତି ବିଜେପି ବିଧାୟକ ବିଷ୍ଣୁଚରଣ ସେଠୀ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବୈଠକରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ବିଜେପି ପ୍ରଭାରୀ ଅରୁଣ ସିଂ କେନ୍ଦ୍ରୀୟ ପର୍ଯ୍ୟବେକ୍ଷକ ସରୋଜା ପାଣ୍ଡେଙ୍କ ଉପସ୍ଥିତିରେ ମଧ୍ୟ ବିଜେପି ବିଧାୟକ ଦଳ ନେତା ବଛାଯାଇ ପାରିଲା ନାହିଁ । ତେବେ ପ୍ରଥମ ଥର ପାଇଁ ବିରୋଧୀ ଦଳ ଆସନ ପାଇଥିବା ବିଜେପି ପାଇଁ କିଏ ବିଧାନସଭାରେ ସରକାରଙ୍କୁ ଘେରିବା ସହ ରାଜ୍ୟ ବିଜେପିର ବିଧାୟକଙ୍କ ମଙ୍ଗ ସମ୍ଭାଳିବ ତାହା ଏବେ ଲଟକି ରହିଛି ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଆସନ୍ତା ୨୫ ତାରିଖରୁ ବିଧାସଭା ମୌସୁମୀ ଅଧିବେଶନ ଆରମ୍ଭ ହେବ । ତେଣୁ ଆସନ୍ତା ଦିନେ କିମ୍ବା ଦୁଇ ଦିନ ମଧ୍ୟରେ ବିଜେପି ବିଧାୟକ ଦଳ ନେତା କିଏ ହେବ ସେନେଇ ସବୁଜ ସଂକେତ ଦେବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ବୋଲି କହିଛନ୍ତି ବିଜେପି ବିଧାୟକ ବିଷ୍ଣୁଚରଣ ସେଠୀ ।