କନକ ବ୍ୟୁରୋ : ବିଭିନ୍ନ ସମସ୍ୟା ଦେଇ ଗତି କରୁଛି ଦକ୍ଷିଣ ଓଡ଼ିଶାର ବଡ ମେଡ଼ିକାଲ ବ୍ରହ୍ମପୁର ଏମକେସିଜି ମେଡ଼ିକାଲ । ମେଡିକାଲରେ ଆବଶ୍ୟକୀୟ ଡାକ୍ତର ନାହାଁନ୍ତି । ଆଉ ଯେତିକି ଅଛନ୍ତି ସେମାନଙ୍କ ମଧ୍ୟରୁ ବହୁ ସମୟରେ ଅନେକ ଅନୁପସ୍ଥିତ ରହୁଛନ୍ତି । ଗତ ୨ ମାସ ପୂର୍ବରୁ ସ୍ୱାସ୍ଥ୍ୟମନ୍ତ୍ରୀ ମେଡିକାଲକୁ ଅଚାନକ ଭ୍ରମଣରେ ଆସିଥିଲେ ଏବଂ ମାସେ ମଧ୍ୟରେ ମେଡିକାଲର ସମସ୍ତ ସମସ୍ୟା ସମାଧାନ ହେବ ବୋଲି କହିଥିଲେ । କିନ୍ତୁ ଏହା କେବଳ କଥାରେ ରହିଯାଇଛି । ଏବେ ବିଭିନ୍ନ ଦାବିରେ ବିଭିନ୍ନ ସଂଗଠନ ଆନ୍ଦୋଳନକୁ ଓହ୍ଲାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମେଡିକାଲର ରଶ୍ମି ରଞ୍ଜନ ବିଭାଗ, ଟ୍ରୋମାକେୟାର ସେଂଟର ବର୍ଷ ବର୍ଷ ଧରି ବନ୍ଦ ହୋଇ ପଡ଼ିରହିଛି ଏବଂ ରୋଗୀଙ୍କୁ ମାଗଣାରେ ଔଷଧ ମଧ୍ୟ ମିଳୁନାହିଁ । ଅନ୍ୟପଟେ ଏଠାରେ ଡ଼ାକ୍ତର ଅଭାବ ଥିବା ବେଳେ କିଛି ଡ଼ାକ୍ତରଙ୍କୁ ବଦଳି କରାଯାଇଛି ଏବଂ ସେହି ସ୍ଥାନ ଏବେ ଖାଲି ପଡ଼ିଛି । ଫଳରେ ଏହାର ପରିଣାମ ଭୋଗୁଛନ୍ତି ରୋଗୀ ।