୧୦ ଦିନ ଧରି ଗୁମ୍ଫାରେ ଫସି ରହିଛନ୍ତି ୧୨ ଜଣ ନାବାଳକ । ଏବଂ ତାଙ୍କ ସହ ଫୁଟବଲ କୋଚ ମଧ୍ୟ ଗୁମ୍ପାରେ ଫସି ରହିଥିଲେ । ଗତ ଜୁନ ୨୩ ତାରିଖରୁ ନିଖୋଜ ଥିଲେ ଉଭୟ କୋଚ ଓ ୧୨ ଜଣ ପିଲା । ଥାଇଲାଣ୍ଡର ପଟ୍ଟାୟା ବିଚ୍ ଅଞ୍ଚଳରେ ଘଟିଥିବା ଏଭଳି ଘଟଣା ଏବେ ସମଗ୍ର ବିଶ୍ୱକୁ ଚକିତ କରିଛି । କାରଣ ୧୦ ଦିନ ପରେ ନିଖୋଜ ୧୨ ଜଣ ପିଲାଙ୍କ ଖବର ଥାଇଲାଣ୍ଡ ପୋଲିସ ହାତରେ ଲାଗିଛି । ଏବେ ସେମାନଙ୍କୁ ଉଦ୍ଧାର କରିବା ପାଇଁ ଅପରେସନ ଆରମ୍ଭ କରାଯାଇଥିବା ସୁଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୨୩ ତାରିଖ ଦିନ ୧୨ ଜଣ ପିଲା ତାଙ୍କ ଫୁଟବଲ କୋଚଙ୍କ ସହିତ ପଟ୍ଟାୟା ବିଚରେ ଖେଳୁଥିବା ସମୟରେ ହଠାତ୍ ସମୂଦ୍ରର ଉଚ୍ଚ ଜୁଆର ମାଡି ଆସବା ଫଳରେ ଜୀବନ ବଞ୍ଚାଇ ବିଚ୍ କୂଳରୁ ଦୌଡିଥିଲେ ସଭିଏଁ । ପିଲାଙ୍କ ସହିତ କୋଚ ମଧ୍ୟ ଜୀବନ ବିକଳରେ ଦୌଡି ପଳାଇଥିଲେ । କିଛି ବୁଝିବା ପୂର୍ବରୁ ନିକଟରେ ଥିବା ଗୁମ୍ପା ଭିତରେ ପସି ଯାଇଥିଲେ ଉଭୟ କୋଚ ଓ ୧୨ ଜଣ ପିଲା । ଏହାପରେ ସେଠାରେ ଲଗାଣ ବର୍ଷା ହେବା ଫଳରେ ଗୁମ୍ଫାରେ ପାଣି ପଶିଯାଇଥିଲା ଏବଂ ଭିତରେ ଫସି ଯାଇଥିଲେ ପିଲାମାନେ । ଅନେକ ପ୍ରୟାସ କରିଥିଲେ ମଧ୍ୟ ଗୁମ୍ଫାରୁ ବାହାରି ପାରି ନଥିଲେ । ଯାହାକୁ ନେଇ ପରିବାର ଲୋକଙ୍କ ମଧ୍ୟରେ ଭାଳେଣୀ ପଡିଥିଲା । ଏନେଇ ଥାଇ ପୋଲିସ ତନାଘନା ଆରମ୍ଭ କରିବାରୁ ଗତକାଲି ବିଳମ୍ବିତ ରାତିରେ କୋଚ ଓ ୧୨ ଜଣ ପିଲାଙ୍କ ଖବର ମିଳିଛି ।
ଥାଇ ପୋଲିସର ଏକ ସ୍ପେଶାଲ ଫୋର୍ସ ଏବଂ ଉଦ୍ଧାରକାରୀ ଦଳ ଗୁମ୍ଫା ଭିତରକୁ ଏକ ନାଇଟ ଭିଜନ କ୍ୟାମେରା ବ୍ୟବହାର କରି ପିଲାମାନଙ୍କ ସ୍ଥିତି ପରଖିଛି । ସୁଚନା ମୁତାବକ ୧୦ ଦିନ ଧରି ଫସି ରହିଥିବା ପିଲାମନେ ହାର ନମାନି ଘନ ଅନ୍ଧକାରରେ କାଟିଛନ୍ତି ୧୦ ରାତି । ତେବେ ବର୍ତ୍ତମାନ ଉଭୟ କୋଚ ଓ ୧୨ ଜଣ ପିଲାଙ୍କୁ ଉଦ୍ଧାର କରିବା ପାଇଁ ସାବଧାନତାର ସହ ପଦକ୍ଷେପ ନିଆଯାଉଥିବା ବରିଷ୍ଠ ଅଧିକାରୀ କହିଛନ୍ତି ।