କନକ ବ୍ୟୁରୋ : ପଶ୍ଚିମବଙ୍ଗ ରାଜନୀତରେ ବୋମା, ଗୁଳି ଏକ ସାଧାରଣ କଥା ହୋଇଯାଇଛି । ୨୦୧୧ ପୂର୍ବରୁ ଟିଏମସି ଓ ବାମଦଳ ମଧ୍ୟରେ ଶତ୍ରୁତା ଯୋଗୁଁ ବାରମ୍ବାର ଏଭଳି ଘଟଣା ଦେଖିବାକୁ ମିଳୁଥିବା ବେଳେ ୨୦୧୪ ପରେ ବିଜେପି ଓ ଟିଏମସି ମଧ୍ୟରେ ବାରମ୍ବାର ଗଣ୍ଡଗୋଳ ଦେଖିବାକୁ ମିଳୁଛି । ଏହି କ୍ରମରେ ଆଜି ଜଣେ ଟିଏମସି ନେତାଙ୍କ ଘରେ ବୋମା ବିସ୍ଫୋରଣ ଘଟି ୩ ଜଣଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପଶ୍ଚିମବଙ୍ଗର ପୂର୍ବ ମେଦିନାପୁର ଜିଲ୍ଲାରେ ଜଣେ ତୃଣମୂଳ କଂଗ୍ରେସ ନେତାଙ୍କ ଘରେ ଅଚାନକ ବୋମା ବିସ୍ଫୋରଣ ହୋଇଥିଲା । ଏଥିରେ ୩ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ପୋଲିସର ସୂଚନା ମୁତାବକ ବୁଥ୍ ଅଧ୍ୟକ୍ଷଙ୍କ ନେରିବିଲା ଗାଁରେ ଥିବା ବାସଭବନରେ ଶୁକ୍ରବାର ରାତି ୧୧.୧୫ମିନିଟର ବିସ୍ଫୋରଣ ହୋଇଥିବା ସୂଚନା ମିଳିଥିଲା । ଏଥିରେ ବାସଭବନଟି ସମ୍ପୂର୍ଣ୍ଣ ଭାବେ ଧ୍ୱଂସ ହୋଇଯାଇଛି । ହେଲେ ବିସ୍ଫୋରଣର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
Wb | A blast occurred at residence of TMC booth president Rajkumar Manna in Arjun Nagar area under Bhupati Nagar PS in Purba Medinipur limits last night. Injuries reported. Party’s National General Secretary Abhishek Banerjee is scheduled to hold a public rally in Contai today. pic.twitter.com/1ynqX7G6S3
— ANI (@ANI) December 3, 2022
ସେପଟେ ଏହି ଘଟଣାକୁ ନେଇ ବିଜେପି ଅଭିଯୋଗ କରିଛି କି ତୃଣମୂଳ କଂଗ୍ରେସ ନେତାଙ୍କ ଘରେ ଦେଶୀବୋମା ପ୍ରସ୍ତୁତ କରାଯାଉଥିଲା । ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଦିଲ୍ଲୀପ ଘୋଷ କହିଛନ୍ତି କି ରାଜ୍ୟରେ ମମତା ବାନାର୍ଜୀଙ୍କ ସରକାର ବୋମା ପ୍ରସ୍ତୁତ କରିବାର ଠିକା ନେଇଛି । ଏହାସହ ସିପିଆଇ (ଏମ୍) ନେତା ସୂଜନ ଚକ୍ରବର୍ତ୍ତୀ କହିଛନ୍ତି କି ଏହି ଘଟଣାରେ ମମତା ବାନାର୍ଜୀ ଯେଭଳି ଭାବେ ଚୁପ୍ ରହିଛନ୍ତି ତାହା ଆଶ୍ଚର୍ଯ୍ୟଜନକ ।