ପିଏନବି, ରୋଟୋମାକ୍ ଆଦି ଠକେଇ ପରେ ଲୋକଙ୍କ ମନରେ ବିଭିନ୍ନ ପ୍ରଶ୍ନବାଚୀ ସୃଷ୍ଟି ହେଉଛି । ଦିନକୁ ଦିନ ଠକେଇ ବଢ଼ିବାରେ ଲାଗିଛି । ଆଜି ଆଉ ଏକ ଠକେଇ ଘଟଣା ସାମ୍ନାକୁ ଆସିଛି । ସିମ୍ଭାଓଲି ସୁଗାର୍ସ ମାଲିକ ଓରିଏଂଟାଲ ବ୍ୟାଙ୍କ ଅଫ୍ କମର୍ସରୁ ୧୦୯ କୋଟି ଟଙ୍କାର ଋଣ ନେଇ ପରିଶୋଧ କରିନ ଥିବା ଜଣାପଡିଛି । ଏନେଇ ଚିନିକଳର ମାଲିକଙ୍କ ନାଁରେ ସିବିଆଇ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି । ତେବେ ଦେଶରେ ଲଗାତାର ଏପରି ଠକେଇ ଘଟଣା ସାମ୍ନାକୁ ଆସିବା ପରେ ବ୍ୟାଙ୍କରେ ଟଙ୍କା ଜମା ରଖିଥିବା ଲୋକଙ୍କ ମନରେ ଚିନ୍ତା ଆସିବା ସ୍ୱଭାବିକ । ତେବେ ପ୍ରଧାନମନ୍ତ୍ରୀ ପିଏନବି ଘୋଟାଲା ପରେ କହିଥିଲେ ଦେଶରେ ଆର୍ଥିକ ଅନିୟମିତତା ମାମଲା ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । କିନ୍ତୁ ଏସବୁ ପରେ ମଧ୍ୟ ରୋଟମାକ୍ ଆଉ ଏବେ ସିମ୍ଭାଓଲି ସୁଗାର୍ସ ମାଲିକ ବ୍ୟାଙ୍କରୁ ଋଣ ଆଣି ଋଣ ଖିଲାପ କରିଛନ୍ତି । ବାରମ୍ବାର ଏପରି ଘଟଣାର ପୁନରାବୃତ୍ତି ସାଧାରଣ ଲୋକଙ୍କୁ ଅସୁବିଧାରେ ପକାଉଛିି । ତେବେ ଏଥିପାଇଁ ଆପଣ ଚିନ୍ତିତ ହୁଅନ୍ତୁ ନାହିଁ । ଭାରତର ବଡ଼ ବ୍ୟାଙ୍କ୍ ଷ୍ଟେଟ୍ ବ୍ୟାଙ୍କ ଲୋକଙ୍କ ସୁବିଧାକୁ ଦୃଷ୍ଟିରେ ରଖି ଏକ ବଡ଼ ପଦକ୍ଷେପ ନେଇଛି ।
Kanak News is now on WhatsApp
Join and get latest news updates delivered to you via WhatsApp
ଦେଶର ସବୁଠାରୁ ବଡ଼ ବ୍ୟାଙ୍କ ବୋଲି କୁହାଯାଉଥିବା ଭାରତୀୟ ଷ୍ଟେଟ ବ୍ୟାଙ୍କ (ଏସବିଆଇ) ଏପ୍ରିଲ ପହିଲାରୁ ବ୍ରିଟେନରେ ନିଜର କାରବାର ପୁନର୍ଗଠନ କରିବ । ଆଉ ଏହି ପଦକ୍ଷେପ ଦ୍ୱାରା ଜମାକାରୀଙ୍କ ଟଙ୍କା ବ୍ୟାଙ୍କରେ ଅଧିକ ସୁରକ୍ଷିତ ହେବ ତଥା ସୂରକ୍ଷା ବ୍ୟବସ୍ଥା କଡ଼ାକଡ଼ି ହେବ ବୋଲି ସୁନିଶ୍ଚିତ ହୋଇଛି । ଏହି ସୂଚନା ଏସବିଆଇ ପକ୍ଷରୁ ହିଁ ମିଳିଛି । ବ୍ୟାଙ୍କ ଅଫ ଇଣ୍ଡିଆରେ ଆବଶ୍ୟକ ପୁଞ୍ଜିର ନିୟମ ଅନୁସାରେ ବ୍ରିଟେନରେ ଏସବିଆଇର କାରବାର ୧ ଏପ୍ରିଲ ଠାରୁ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ୟୁକେ ଲିମିଟେଡ ନାମରେ ପରିବର୍ତ୍ତନ ହୋଇଯିବ । ଅର୍ଥାତ ବ୍ରିଟେନର ଏସବିଆଇର ସମସ୍ତ ଶାଖା ଭାରତୀୟ ବ୍ୟାଙ୍କର ବିଦେଶୀ ଶାଖା ସ୍ଥାନରେ ସେଠାରେ ୟୁକେ ବ୍ୟାଙ୍କିଂ ଅନ୍ତର୍ଗତ ଆସିଯିବ ।