ଦଳୀୟ କର୍ମୀଙ୍କୁ ଅପରାଜିତାଙ୍କ କଡା କଥା! ବାରମ୍ବାର ହାରିବା ସତ୍ୱେ ଲାଜ ଲାଗୁନି କାହିଁକି, ଦଳୀୟ ପ୍ରାର୍ଥୀଙ୍କୁ ଜିତାଇବା ପାଇଁ କାର୍ଯ୍ୟକର ।
ଦଳୀୟ କର୍ମୀଙ୍କୁ ସମ୍ବୋଧନ କରି ଅପରାଜିତା ପଚାରିଛନ୍ତି, ବାରମ୍ବାର ହାରିବା ସତ୍ୱେ ବି ଲାଜ କାହିଁକି ଲାଗୁନି ।
କନକ ବ୍ୟୁରୋ: ବିଜେପିରେ ଯୋଗ ଦେଇଥିବା ପୂର୍ବତନ ଆଇଏଏସ ଅଫିସର ଅପରାଜିତା ଷଡଙ୍ଗୀ ଦଳୀୟ କର୍ମୀଙ୍କୁ କଡା କଥା ଶୁଣାଇଛନ୍ତି । ଦଳୀୟ କର୍ମୀଙ୍କୁ ସମ୍ବୋଧନ କରି ଅପରାଜିତା ପଚାରିଛନ୍ତି, ବାରମ୍ବାର ହାରିବା ସତ୍ୱେ ବି ଲାଜ କାହିଁକି ଲାଗୁନି । ଦଳୀୟ କର୍ମୀଙ୍କୁ ଅପରାଜିତା କଡା ସ୍ୱରରେ କହିଛନ୍ତି, ଯିଏ ବି ଦଳର ପ୍ରାର୍ଥୀ ହେବ ତାକୁ ଜିତାଇବା ପାଇଁ ଦଳର ସବୁ କର୍ମୀ କାମ କରିବା ଦରକାର । କାରଣ ସେମାନଙ୍କୁ ଜିତାଇବା ହିଁ ଦଳୀୟ କର୍ମୀଙ୍କ ଧର୍ମ ଅଟେ । କେବଳ ଏତିକି ନୁହେଁ ସେ ବିଜେପିରେ ଦେଶର ବିକାଶ ପାଇଁ ସାମିଲ ହୋଇଛନ୍ତି ବୋଲି କହିଛନ୍ତି ଅପରାଜିତା ।
Kanak News is now on WhatsApp
Join and get latest news updates delivered to you via WhatsApp
ଅପରାଜିତାଙ୍କ କହିବା ଅନୁସାରେ ବିଜେପିର କୌଣସି ନିର୍ଦ୍ଦିଷ୍ଟ ନେତାଙ୍କ ସହ ନିଜକୁ ଆବଦ୍ଧ ନରଖି ଦଳ ପାଇଁ କାମ କରନ୍ତୁ, ନହେଲେ ଦଳ ଛାଡିଦେବାକୁ କଡା ସ୍ୱରରେ କହିଛନ୍ତି ଅପରାଜିତା । ଏବଂ ବିଜେପିରେ କୌଣସି ଗ୍ରୁପର ସେ କଥାକୁ ନାପସନ୍ଦ କରିଛନ୍ତି ଅପରାଜିତା । ତେବେ ଅପରାଜିତାଙ୍କ ଏଭଳି ବୟାନକୁ ନେଇ ଏବେ ବିଜେପି ଶିବିରଠୁ ଆରମ୍ଭ କରି ରାଜ୍ୟ ରାଜନୀତିକୁ ଉଷ୍ମ କରିଦେଇଛି । କାରଣ ରାଜ୍ୟରେ ବିଜେପି ବାରମ୍ଭାର ବିଭିନ୍ନ ନିର୍ବାଚନରେ ପରାଜୟ ହେଉଥିବା ଯୋଗୁଁ ଖପ୍ପା ହୋଇଛନ୍ତି ଅପରାଜିତା । ତେଣୁ ଦଳରେ କେଉଁଠି ନା କେଉଁଠି ନିର୍ଦ୍ଦିଷ୍ଟ ଗ୍ରୁପିଜିମ୍ କୁ ନେଇ ଅସାନ୍ତୋଷ ବ୍ୟକ୍ତ କରିଛନ୍ତି ଅପରାଜିତା ।
ସେପଟେ ଏହି ଭିଡ଼ିଓଟି କେଉଁ ସ୍ଥାନର ସ୍ପଷ୍ଟ ହୋଇନଥିଲେ ମଧ୍ୟ । ଖୋର୍ଦ୍ଧାରେ ଏହି ବୈଠକ ବସିଥିବା ଅନୁମାନ କରାଯାଉଛି । ଏବଂ ଜଣେ ବ୍ୟକ୍ତି ଅପରାଜିତାଙ୍କ ଏହି ବୟାନକୁ ଫେସବୁକରେ ପୋଷ୍ଟ କରିଛନ୍ତି । ଯାହା ଏବେ ବିଜେପି ଶିବିର ଠାରୁ ଆରମ୍ଭ କରି ବିଭିନ୍ନ ମହଲରେ ରାଜନୈତିକ ହଟ୍ ଟପିକ୍ ପାଲଟିଛି ।