ଟେଲିକମ୍ କମ୍ପାନିଗୁଡ଼ିକ ଗ୍ରାହକଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ପ୍ରକାରର ଅଫର ଲଞ୍ଚ କରିବାରେ ଲାଗିଛନ୍ତି । କହିବାକୁ ଗଲେ ଏକ ପ୍ରକାର ପ୍ରତିଯୋଗିତା ଚାଲିଛି କମ୍ପାନିମାନଙ୍କ ମଧ୍ୟରେ । ତେବେ ଭୋଡ଼ାଫୋନ ଗ୍ରାହକଙ୍କର ଦୃଷ୍ଟି ଆକର୍ଷଣ ପାଇଁ ଲଞ୍ଚ କରିଛି ୫ଟି ସୁପର ପ୍ଲାନ ସ୍କିମ, ଯେଉଁଥିରେ ଡାଟା, ମେସେଜ ସହ ଆନଲିମିଟେଡ଼ ଲୋକାଲ, ଏସଟିଡ଼ି ଏବଂ ରୋମିଙ୍ଗ୍ କଲର ସୁବିଧା ରହିଛି ।
Kanak News is now on WhatsApp
Join and get latest news updates delivered to you via WhatsApp
ନୂତନ ସ୍କିମ ହିସାବରେ ଗ୍ରାହକଙ୍କୁ ୫୦୯ ଟଙ୍କାରେ ୮୪ ଦିନ ପର୍ଯ୍ୟନ୍ତ ଦୈନିକ ୧ଜିବି ଡ଼ାଟା, ୧୦୦ଟି ମେସେଜ ଏବଂ ଅନଲିମିଟେଡ଼ ଲୋକାଲ, ଏସଟିଡି ଏବଂ ରୋମିଙ୍ଗ୍ କଲ ମିଳିବାର ସୁବିଧା ରହିଛି । ସେହିପରି ଆଉ ଦୁଇଟି ଅଫର ରହିଛି, ଯେଉଁଥିରେ ୪୫୮ ଟଙ୍କାରେ ୭୦ ଦିନ ଓ ୩୪୭ ଟଙ୍କାରେ ୨୮ ଦିନର ବୈଧତା ସହ ୧.୫ ଜିବି ଡାଟା ଉପଲବ୍ଧ ହେବ । ଏଥିସହ୧୦୦ଟି ମେସେଜ ଏବଂ ଅନଲିମିଟେଡ଼ କଲ୍ ମଧ୍ୟ ମିଳିବ। ଅଳ୍ପ ଦିନର ବୈଧତା ଚାହୁଁଥିବା ଗ୍ରାହକଙ୍କ ଲାଗି ୧୯୯ ଟଙ୍କାରେ ୨୮ ଦିନ ଓ ୭୯ ଟଙ୍କାରେ ୭ ଦିନ ବୈଧତା ବିଶିଷ୍ଟ ପ୍ଲାନ୍ ମଧ୍ୟ କମ୍ପାନି ଲଞ୍ଚ କରିଛି ।
ଭୋଡ଼ାଫୋନ ସର୍ବଦା ଗ୍ରାହକଙ୍କ ଆବଶ୍ୟକତାକୁ ନଜରରେ ରଖି ସ୍କିମ ପ୍ରସ୍ତୁତ କରିଥାଏ । ସୁପର ପ୍ଲାନ ଗ୍ରାହକଙ୍କ ପାଇଁ ଉପଯୋଗୀ ହେବା ସହ ଗ୍ରାହକଙ୍କର ଆବଶ୍ୟକତା ମଧ୍ୟ ପୂରା କରିବ ବୋଲି ତାମିଲନାଡୁର ଭୋଡ଼ାଫୋନ ଇଣ୍ଡିଆର ମୁଖ୍ୟ ଏସ ମୁରଲୀ କହିଛନ୍ତି । ଏହି ସମସ୍ତ ପ୍ଲାନ କମ୍ପାନିର ପଞ୍ଜିକୃତ ଷ୍ଟୋର, ମାଇ ଭୋଡ଼ାଫୋନର ମୋବାଇଲ ଆପ ଆଦିରେ ଉପଲବ୍ଧ ଅଛି ।