ଲୋକସଭା ନିର୍ବାଚନ ପାଇଁ ହେଭିୱେଟ୍ ନେତାଙ୍କ ନାମାଙ୍କନ । ହାଇଭୋଲଟେଜ୍ ରୋଡସୋ’ କରି ପ୍ରାର୍ଥୀ ପତ୍ର ଭରିଲେ ରାଜନାଥ ଓ ସ୍ମୃତି ଇରାନୀ
କନକ ବ୍ୟୁରୋ: ପଟୁଆରରେ ଆସି ନାମାଙ୍କନ ପତ୍ର ଦାଖଲ ବିଜେପିର ପ୍ରଭାବଶାଳୀ ନେତ୍ରୀ ସ୍ମୃତି ଇରାନୀ । ଉତ୍ତରପ୍ରଦେଶର ଆମେଠି ଲୋକସଭା ଆସନ ପାଇଁ ବିଜେପି ପ୍ରାର୍ଥୀ ସ୍ମୃତି ଇରାନୀ ନିଜ ପ୍ରାର୍ଥିପତ୍ର ଦାଖଲ କରିଛନ୍ତି । ନାମାଙ୍କନ ଦାଖଲ ପୂର୍ବରୁ ପୂଜାର୍ଚ୍ଚନା କରି ଠାକୁରଙ୍କ ଆର୍ଶୀବାଦ ନେଇଛନ୍ତି କେନ୍ଦ୍ରମନ୍ତ୍ରୀ । ନିଜ ବାସଭବନ ଓ ମନ୍ଦିରରେ ପୂଜପାଠ କରି ଆରମ୍ଭ କରିଥିଲେ ନିଜ ଯାତ୍ରା । ବିଶାଳ ରୋଡ୍ ଶୋ କରି ଶକ୍ତି ପ୍ରଦର୍ଶନ କରିଛନ୍ତି ସ୍ମୃତି ଇରାନୀ । ଲଗାତାର ୨ୟ ଥର ବିଜୟ ପାଇଁ ଆମେଠି ଆସନରୁ ଲଢ଼ୁଛନ୍ତି ସ୍ମୃତି । ଶହଶହ ଦଳୀୟକର୍ମୀଙ୍କ ନେତାଙ୍କ ଗହଣରେ ରୋଡ ଶୋ କରିବା ପରେ ନାମାଙ୍କନ ଦାଖଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ସୋମବାର ବିରାଟ ଶୋଭାଯାତ୍ରାରେ ଆସି ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ଲଗାତାର ତୃତୀୟ ଥର ପାଇଁ ଲକ୍ଷେ୍ନୈା ଲୋକସଭା ଆସନରୁ ନିର୍ବାଚନ ଲଢ଼ୁଛନ୍ତି ରାଜନାଥ । ସୋମବାର ହନୁମାନ ମନ୍ଦିରରେ ପୂଜାର୍ଚ୍ଚନା କରିବା ପରେ ପ୍ରାର୍ଥିପତ୍ର ଦାଖଲ କରିବାକୁ ବାହାରିଥିଲେ ରାଜନାଥ । ବିଶାଳ ରୋଡ ଶୋ କରି ଦେଖାଇଥିଲେ ଦମ୍ । ସାଥିରେ ଉତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ନଜର ଆସିଥିଲେ । ରୋଡ ଶୋରେ ଶହ ଶହ ବିଜେପିକର୍ମୀ ଓ ସମର୍ଥକଙ୍କ ଭିଡ ଦେଖିବାକୁ ମିଳଥିଲା । ରାଜନାଥଙ୍କ ବିପକ୍ଷରେ ସମାଜବାର୍ଦି ପାର୍ଟି ରବିଦାସ ମେହେରୋଟାଙ୍କୁ ପ୍ରାର୍ଥୀ କରିଛି ।
ଉଭୟ ଆମେଠି ଓ ଲକ୍ଷେ୍ନø ଲୋକସଭା ଆସନରେ ମେ ୨୦ରେ ପଡିବ ଭୋଟ୍ । ଲୋକସଭା ନିର୍ବାଚନର ପଂଚମ ପର୍ଯ୍ୟାୟ ମତଦାନରେ ରାଜନାଥ ସିଂହ ଓ ସ୍ମୃତି ଇରାନୀଙ୍କ ଭାଗ୍ୟ ପିରକ୍ଷା ହେବ ।