ସତରେ ଅଚଳ ହୋଇଯିବକି ଆପଣଙ୍କ ନମ୍ବର ! ଜାଣନ୍ତୁ, ଆପଣଙ୍କ ମନରେ ଥିବା ଏୟାରସେଲକୁ ନେଇ ସମସ୍ତ ପ୍ରଶ୍ନର ଉତ୍ତର
୯୦ ଦଶକ(୧୯୯୯)ରେ ଶେଷ ବେଳକୁ ଟେଲିକମ ଜଗତରେ ପାଦ ଦେଇଥିବା ଏୟାରସେଲ ଏବେ ବନ୍ଦ ହେବା ଉପରେ । ଇତି ମଧ୍ୟରେ କଂପାନୀର ଗ୍ରାହକମାନେ କେଉଁଠି ଅଲଗା ନେଟୱାର୍କକୁ ସିଫ୍ଟ କରିଲେଣି ତ ପୁଣି କେଉଁଠି କଂପାନୀର କର୍ମଚାରୀମାନେ ଚାକିରି ଖୋଜିବାକୁ ବାଧ୍ୟ ହୋଉଛନ୍ତି । କାରଣ କିଛିଦିନ ହେଲା ଏୟାରସେଲ ସ୍ଥିତି ବହୁତ ଗମ୍ଭୀର ରହିଛି । ଯେଉଁଥିପାଇଁ ୟୁଜର୍ସଙ୍କୁ କଲ ଡ୍ରପ ଏବଂ ନୋ ସିଂଗନାଲ ଭଳି ସମସ୍ୟାର ସମ୍ମୁଖୀନ ହେବାକୁ ପଡିଛି । ତେବେ ଏସବୁ ମଧ୍ୟରେ ଖବର ଆସିଛି କି, ୩୧ ମାର୍ଚ୍ଚ ସୁଦ୍ଧା କମ୍ପାନୀରେ ତାଲା ଝୁଲିପାରେ । ତେଣୁ ଯଦି ଆପଣ ବି ଏୟାରସେଲର ୟୁଜର୍ସ ଅଟନ୍ତି କିମ୍ବା ପୂର୍ବ ୟୁଜର୍ସ ରହିଛନ୍ତି, ତେବେ ଏୟାରସେଲ ର ୫ଟି ବିଷୟରେ ଜାଣିବା ଜରୁରୀ ।
Kanak News is now on WhatsApp
Join and get latest news updates delivered to you via WhatsApp
ସତରେ ବନ୍ଦ ହୋଇଯିବ କି ଏୟାରସେଲ କମ୍ପାନୀ?
ଏହି ମାମଲାକୁ ନେଇ କମ୍ପନୀ ପକ୍ଷରୁ କୁହାଯାଇଛି, ନିକଟ ଭବିଷ୍ୟତ ପାଇଁ ଏବେ ଏପରି କିଛି ହେଉନି । ଫେସବୁକ ଓ ଟ୍ୱିଟରରେ କେତେକ ୟୁଜର୍ସଙ୍କ କମ୍ପାନୀ ବନ୍ଦ ହେବା ଭୟକୁ ଜାହିର କରିଥିଲା ବେଳେ ଏୟାରସେଲ ସୋସିଆଲ ମିଡିଆରେ ସଫେଇ ଦେଇ କହିଛି ଯେ, ତାଙ୍କ ସେବା କାମ ବନ୍ଦ ହେଉ ନାହିଁ । ଯଦି ଏଭଳି କିଛି ହୁଏ, ତେବେ ୟୁଜର୍ସଙ୍କୁ ଏନେଇ ପୂର୍ବରୁ ସୂଚିତ କରିଦିଆଯିବ । ଏହା ବ୍ୟତୀତ କମ୍ପାନୀ କହିଛି, “ ଆମ ସିଷ୍ଟମ ଗ୍ରୋଥକୁ ସଂଭାଳିବା ପାଇଁ ଅସମର୍ଥ ରହିଛି । କିନ୍ତୁ ଏବେ ଆମେ କୁଆଡେ ଯାଉ ନାହୁଁ । ଆମର ଦାୟିତ୍ୱ କି, ଶେଷ ସମୟ ଯାଏ ଗ୍ରାହକଙ୍କୁ ଆମ ସେବା ଯୋଗାଇବୁ ।”
ଏୟାରସେଲର ୟୁଜର୍ସଙ୍କ ପାଇଁ କ’ଣ ସମସ୍ୟା ରହିଛି ?
ଏୟାରସେଲର ଅଧିକାଂଶ ୟୁଜର୍ସଙ୍କୁ ଏବେ ଅନେକ ସମସ୍ୟାର ସାମ୍ନା କରିବାକୁ ପଡୁଛି । ତେବେ କଂପାନୀର ସେବା ବନ୍ଦ ହେବ ଭଳି ଗୁଜବ ସୋସିଆଲ ମିଡିଆରେ ଭାଇରାଲ ହେବା ପରେ ରାଜସ୍ଥାନ, କୋଲକତା, ଚେନ୍ନାଇ, ଓଡିଶା ଓ ଦିଲ୍ଲୀର ୟୁଜର୍ସଙ୍କ ମୋବାଇଲରେ ଏୟାରସେଲର ନେଟୱର୍କ ସଠିକ୍ ଭାବରେ ଆସୁନାହିଁ । ଯାହାକି ଦୀର୍ଘଦିନ ହେଲା ଲାଗି ରହିଛି ।
ତେବେ ଏଭଳି ପରିସ୍ଥିତିରେ କଂପାନୀ କହିଛି କି, ଦେଶର ୯ ଲକ୍ଷ ଏୟାରସେଲ ଗ୍ରାହକମାନେ ବୁଧବାର ଓ ପାଖାପାଖି ୩ ଲକ୍ଷ ଗ୍ରାହକ ମଙ୍ଗଳବାର ଦିନ ତାଙ୍କ ନମ୍ବର ଅନ୍ୟ କମ୍ପାନୀଙ୍କୁ ପୋର୍ଟ କରିବା ପାଇଁ ଚେଷ୍ଟା କରିଥିଲେ, କାରଣ ଥିଲା ଅନେମ ସମୟ କଲ ଡ୍ରୋପ ଭଳି ସମସ୍ୟାକୁ ସାମ୍ନା କରିବାକୁ ପଡୁଥିଲା । ଅନେକ ୟୁଜର୍ସଙ୍କୁ ଅନୁରୋଧ ଦେବା ପରେ ଏୟାରସେଲର ଏଭଳି ସ୍ଥିତିକୁ ସଂଭାଳି କଷ୍ଟକର ହୋଇ ପଡୁଛି ।
କେବେ ଠାରୁ ଆରମ୍ଭ ହେଲା ଏଭଳି ସମସ୍ୟା ?
ଏୟାରସେଲ ୩୦ ଜାନୁୟାରୀକୁ ୬ ଟି ସହରରେ ନିଜର ସେବାକୁ ବନ୍ଦ କରି ଦେଇଛି, ଏଥିରେ ଗୁଜୁରାଟ, ହରିୟାଣା, ହିମାଚଳ ପ୍ରଦେଶ, ମହାରାଷ୍ଟ୍ର, ମଧ୍ୟପ୍ରଦେଶ ଓ ପଶ୍ଚିମ ଉତ୍ତର ପ୍ରଦେଶ ସାମିଲ ରହିଛି । ତେବେ କମ୍ପାନୀ ପକ୍ଷରୁ ଏହି ମାମଲାକୁ ନେଇ କୁହାଯାଇଛି ଯେ, ଅତ୍ୟଧିକ ପ୍ରତିଦ୍ୱନ୍ଦ୍ୱି ଉପସ୍ଥାପିତ ଥିବା ମାହୋଲରେ କାମ କରିବା ବହୁତ କଷ୍ଟକର ହୋଇପଡିଛି । ତେବେ ଡିସେମ୍ବର ୨୦୧୭ରେ ଟେଲିକମ ସେକ୍ଟରରେ ଜିଓ ଏଟ୍ରିଂ କରିବା ପରେ କମ୍ପାନୀର ମୁସ୍କିଲ ଅଧିକ ବଢାଇ ଦେଇଛି । ଜିଓର ଏଟ୍ରିଂ ଟେଲିକମ ସେକ୍ଟରରେ ହଇଚଇ ସୃଷ୍ଟି କରି ଦେଇଛି ।
କମ୍ପାନୀ ବ୍ୟାଙ୍କ ଫାଇଲିଂ ଉପରେ କ’ଣ କରୁଛି ବିଚାର ?
ଜିଓର ଏଟ୍ରିଂ ପରେ ଭାରତୀୟ ଟେଲିକମ କମ୍ପାନୀ ଉତଥାନ-ପତନ ଭଳି ପରିସ୍ଥିତିକୁ ସାମ୍ନା କରିବାରୁ ପଡୁଛି, ଏହା ଏୟାରସେଲକୁ ଖୁବ ଖରାପ ପରିସ୍ଥିତିରେ ପହଂଚାଇଛି । ଜୁଲାଇ ୨୦୧୬ରେ ୧୨୦ କୋଟି ଟଙ୍କା ତ୍ରୟୋମାସିକ ପରିଚାଳନ ଲାଭରୁ, ଏୟାରସେଲ ଡିସେମ୍ବର ୨୦୧୭ ପର୍ଯ୍ୟନ୍ତ ୧୨୦ କୋଟି ପରିଚାଳନ କ୍ଷତି ସହିବାକୁ ପଡିଛି କଂପାନୀକୁ । ତେଣୁ କମ୍ପାନୀକୁ ବର୍ତ୍ତମାନ ପରିସ୍ଥିତିରେ ଅର୍ଥନୈତିକ ସଂକଟକୁ ସାମ୍ନା କରିବାକୁ ପଡିଛି । ବିକଳ୍ପ ଖୋଜା ଚାଲିଛି, ଉଧାରଦାତା ସହିତ ସମସ୍ତ ହିତାଧିକାରୀଙ୍କ ସହ କଥାବର୍ତ୍ତା ମଧ୍ୟ ଜାରି ରହିଛି ।