ମନ୍ଦିରରୁ ଫେରୁଥିବା ବେଳେ ମାଡିଗଲା ଟ୍ରକ, ଭାଇ ସମେତ ୨ ଭଉଣୀଙ୍କ ମୃତ୍ୟୁ
କନକ ବ୍ୟୁରୋ : ମଧ୍ୟ ପ୍ରଦେଶର ରାଜଗଡ ଜିଲ୍ଲାରେ ଘଟିଛି ମର୍ମନ୍ତୁଦ ଷଡକ ଦୁର୍ଘଟଣା । ମନ୍ଦିରରୁ ପୂଜା ସାରି ଫେରୁଥିବା ବେଳେ ଦ୍ରୁତଗତିରେ ଆସି ଏକ ଟ୍ରକ ମାଡିଯିବାରୁ ଭାଇ ସମେତ ୨ ଭଉଣୀଙ୍କ ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପ୍ରସିଦ୍ଧ ଐତିହାସିକ ଶନି ମନ୍ଦିର ଖୀଲଚିପୁର ଠାରେ ଶନି ଅମାବାସ୍ୟାରେ ଦର୍ଶନ ପାଇଁ ଗୋଟିଏ ପରିବାରର ୨ ଭଉଣୀ ସେମାନଙ୍କ ଭାଇଙ୍କ ସହ ଆସିଥିଲେ । ପୂଜା ସାରିବା ପରେ ସେମାନେ ଏକ ବାଇକରେ ଫେରୁଥିବା ବେଳେ ସାମ୍ନାରୁ ଏକ ଟ୍ରକ ଦ୍ରୁତ ଗତିରେ ଆସି ବାଇକ ଉପରେ ମାଡି ଯାଇଥିଲା । ଏହି ଦୁର୍ଘଟଣାରେ ଗୋଟିଏ ପରିବାରର ୩ ଜଣଙ୍କର ମୃତ୍ୟୁ ହୋଇଛି ।
ଏହି ଦୁର୍ଘଟଣାରେ କମଲ, ରେଖା ଓ ନିଶା ନାମକ ୩ ଜଣଙ୍କର ମୃତ୍ୟୁ ହୋଇଛି । ଅନ୍ୟଜଣେ ଲୋକ ଗୁରୁତର ହୋଇ ଏବେ ଖଲଚିପୁର ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଦୁର୍ଘଟଣା ପରେ ଟ୍ରକ ଚାଳକ ଗାଡି ଛାଡି ଫେରାର ହୋଇଯାଇଛି । ସ୍ଥାନୀୟ ଲୋକେ ଟ୍ରକକୁ ଅଟକାଇ ପୋଲିସ ହାତରେ ଦେଇଛନ୍ତି ।
ଏହି ଘଟଣା ଶନିବାର ଦିନ ସନ୍ଧ୍ୟା ୬ ଟାରେ ଘଟିଛି । ଯେତେବେଳେ ଖଲଚିପୁର ଶନି ମନ୍ଦିରରେ ଦର୍ଶନାର୍ଥୀଙ୍କ ଭିଡ ଲାଗିଥିଲା । ଏହି କ୍ରମରେ ଦର୍ଶନ କରି ଫେରୁଥିବା ବେଳେ ଗୋଟିଏ ପରିବାର ୩ ଜଣଙ୍କ ମୃତ୍ୟୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।