କନକ ବ୍ୟୁରୋ : ଡିସେମ୍ବର ୩୧ ତାରିଖ ଦିନ ୨୦୨୧ର ଶେଷ ବଲିଉଡ୍ ଚଳଚ୍ଚିତ୍ର ଭାବେ ରିଲିଜ୍ ହେବାର ଥିଲା ସାହିଦ୍ କପୁରଙ୍କ ଅଭିନୀତ ‘ଜର୍ସି’ ଚଳଚ୍ଚିତ୍ର । ତେବେ ବଢୁଥିବା ଓମିକ୍ରନର ମାମଲ ପାଇଁ ବିଭିନ୍ନ ରାଜ୍ୟର ସରକାର ନାଇଟ୍ କର୍ଫ୍ୟୁ ଲାଗୁ କରିଛନ୍ତି । କେତେକ ରାଜ୍ୟର ସରକାର ୫୦ ପ୍ରତିଶତ ଦର୍ଶକଙ୍କ ସହ ସିନେମା ହଲ୍ ଖୋଲିବାକୁ ଅନୁମତି ଦେଇଛନ୍ତି । ଦିଲ୍ଲୀ ସରକାର ଡିସେମ୍ବର ୨୮ ତାରିଖ ସିନେମା ଘରଗୁଡିକୁ ସଂପୂର୍ଣ୍ଣ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ରାଜ୍ୟ ସରକାରଙ୍କ ଏପରି କଟକଣା ଯୋଗୁଁ ଚଳଚ୍ଚିତ୍ର ରିଲିଜ୍ କଲେ ବ୍ୟବସାୟ କ୍ଷତିଗ୍ରସ୍ତ ହେବ ବୋଲି ନିର୍ମାତାମାନେ ଭାବୁଛନ୍ତି । ତେଣୁ ‘ଜର୍ସି’ ଚଳଚ୍ଚିତ୍ର ନିର୍ମାତା ଡିସେମ୍ବର ୩୧ ତାରିଖ ରିଲିଜ୍ ହେବାକୁ ଥିବା ଜର୍ସି ଚଳଚ୍ଚିତ୍ରକୁ ନିର୍ଦ୍ଧାରିତ ତାରିଖ ଦିନ ରିଲିଜ୍ ନକରିବାକୁ ନିଷ୍ପତ୍ତି ନେଇଛନ୍ତି । ତେବେ ‘ଜର୍ସି’ର ନିର୍ମାତା ପୁଣି କେତେ କାରିଖ ‘ଜର୍ସି’ ରିଲିଜ୍ ହେବ ସେ ବିଷୟରେ କୌଣସି ସୂଚନା ଦେଇ ନାହାନ୍ତି ।
‘ଜର୍ସି’ କ୍ରିକେଟ ଆଧାରିତ ଏକ ଚଳଚ୍ଚିତ୍ର ଅଟେ । ଏହା ୨୦୧୯ ମସିହାରେ ତେଲୁଗୁରେ ରିଲିଜ୍ ହୋଇଥିବା ‘ଜର୍ସି’ ଚଳଚ୍ଚିତ୍ରର ରିମେକ୍ ଅଟେ । ଅନ୍ୟପକ୍ଷରେ ‘୮୩‘ ଚଳଚ୍ଚିତ୍ରର ନିର୍ମାତା କହିଛନ୍ତି ଦର୍ଶକଙ୍କ ଠାରୁ ଅତ୍ୟଧିକ ପ୍ରଶଂସା ଓ ଭଲପାଇବା ପାଇବାପରେ ମଧ୍ୟ ‘୮୩‘ ଭଲ ବ୍ୟବସାୟ କରିପାରୁ ନାହିଁ କାରଣ ବିଭିନ୍ନ ରାଜ୍ୟ ସରକାର ନାଇଟ୍ କର୍ଫ୍ୟୁ ଲାଗୁ କରିଛନ୍ତି ।
ବଢୁଥିବା ଓମିକ୍ରନ ମାମଲା ଯୋଗୁଁ ଜାନୁୟାରୀ ୨୦୨୨ରେ ରିଲିଜ୍ ହେବାକୁ ଥିବା ବହୁ ପ୍ରତୀକ୍ଷିତ ସିନେମାଗୁଡିକ ମଧ୍ୟ ରିଲିଜ୍ ହେବା ନେଇ ଆଶଙ୍କା ଦେଖା ଦେଇଛି । ଜାନୁୟାରୀରେ ରିଲିଜ୍ ହେବାକୁ ଥିବା ବହୁ ପ୍ରତୀକ୍ଷିତ ବିଗ୍ ବଜେଟ୍ ତାରକାଖଚିତ ଚଳଚ୍ଚିତ୍ରଗୁଡିକ ହେଲା ‘ଆରଆରଆର୍’, ‘ରାଧେଶ୍ୟାମ୍’, ଓ ‘ପୃଥ୍ଵିରାଜ’।
‘ଆରଆରଆର୍’ରେ ଜୁନିୟର୍ ଏନଟିଆର୍,ରାମଚରଣ,ଅଜୟ ଦେବଗନ,ଆଲିଆ ଭଟ୍ଟ ଭଳି କଳାକାର ଅଛନ୍ତି । ‘ଆରଆରଆର୍’ ଚଳଚ୍ଚିତ୍ରକୁ ‘ବାହୁବଳି’ ଚଳଚ୍ଚିତ୍ର ସିରିଜର ନିର୍ଦେଶକ ଏସ.ଏସ୍.ରାଜାମୌଲି ନିର୍ଦେଶନା ଦେଇଛନ୍ତି । ‘ରାଧେଶ୍ୟାମ୍’ ଚଳଚ୍ଚିତ୍ରରେ ‘ବାହୁବଳି’ର ନାୟକ ପ୍ରଭାସ ମୁଖ୍ୟ ଭୂମିକାରେ ଅଛନ୍ତି ।
‘ପୃଥ୍ଵିରାଜ’ ରେ ଅକ୍ଷୟ କୁମାର ମୁଖ୍ୟଭୂମିକାରେ ଅଭିନୟ କରିଛନ୍ତି । ‘ଆରଆରଆର୍’ ଚଳଚ୍ଚିତ୍ର ୭,ଜାନୁୟାରୀ ୨୦୨୨ରେ ରିଲିଜ୍ ହେବାକୁ ସ୍ଥିର ହୋଇଛି । ‘ରାଧେଶ୍ୟାମ୍’ ଓ ‘ପୃଥ୍ଵିରାଜ’ ଯଥାକ୍ରମେ ଜାନୁୟାରୀ ୧୪ ଓ ଜାନୁୟାରୀ ୨୧ ତାରିଖ ରିଲିଜ୍ ହେବାକୁ ସ୍ଥିର ହୋଇଛି ।