କନକବ୍ୟୁରୋ: ପଞ୍ଜାବ ଗାୟକ ତଥା ଅଭିନେତା ଦିଲଜିତ ମଧ୍ୟ ବଲିଉଡ ଇଣ୍ଡଷ୍ଟ୍ରିରେ ନିଜର ପରିଚୟ ସୃଷ୍ଟି କରିଛନ୍ତି । ଗୀତ ଏବଂ ଅଭିନୟରେ ଦିଲଜିତ ସମସ୍ତଙ୍କୁ ଆର୍କିଷିତ କରିପାରିଛନ୍ତି । ବର୍ତ୍ତମାନଅଭିନେତ୍ରୀ ପରିନୀତି ଚୋପ୍ରାଙ୍କ ସହିତ ତାଙ୍କର ଆଗାମୀ ନେଟଫ୍ଲିକ୍ସ ଚଳଚିତ୍ର ଅମର ସିଂ ଚମକିଲା ରିଲିଜ୍ ପାଇଁ ପ୍ରସ୍ତୁତ ଅଛି । ଦିଲଜିତ୍ ତାଙ୍କ ନୂଆ ଫିଲ୍ମର ପ୍ରମୋସନରେ ବ୍ୟସ୍ତ ରହୁଛନ୍ତି । ଗାୟକ ତଥା ଅଭିନେତା ଦିଲଜିତ୍ ଏକ ସାକ୍ଷାତକାରରେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଅନେକ ଖୁଲାସା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ହୋଇଥିବା ଏକ ସାକ୍ଷାତକାରରେ ଦିଲଜିତ୍ କହିଥିଲେ ଯେ, ତାଙ୍କ ବାପା, ମା ତାଙ୍କୁ ମାତ୍ର ୧୧ ବର୍ଷ ବୟସରେ ଗାଁରୁ ପଠାଇ ଦେଇଥିଲେ ଓ ସେ ତାଙ୍କ ମାମୁଁଙ୍କ ସହ ଲୁଧିଆନାରେ ରହିବା ପାଇଁ ଚାଲିଯାଇଥିଲେ । ଦିଲଜିତ ସେହି ସାକ୍ଷାତକାରରେ କହିଥିଲେ ଯେ, ତାଙ୍କୁ ମାମୁଁ ତାଙ୍କ ସାଥିରେ ନେବା ପାଇଁ ତାଙ୍କ ମା,ବାପା ଙ୍କୁ କହିଥିଲେ । ଯେଉଁଥିରେ ଦିଲଜିତଙ୍କ ବିନା ଅନୁମତିରେ ତାଙ୍କ ବାପା,ମା ତାଙ୍କ ମାମୁଁଙ୍କୁ ଅନୁମତି ଦେଇଥିଲେ ତାଙ୍କୁ ସାଙ୍ଗରେ ନେବା ପାଇଁ । ଏହି ନିଷ୍ପତି ଦିଲଜିତଙ୍କ ମନରେ କଷ୍ଟ ଦେଇଥିଲା ।
ଦିଲଜିତ୍ ଏହା ମଧ୍ୟ କହିଛନ୍ତି କି ତାଙ୍କୁ ହୋଲି ଏବଂ ଦୀପାବଳି ବହୁତ ପସନ୍ଦ । ହେଲେ ସେ ଲୁଧିଆନାରେ ଏକ କୋଠରୀରେ ଏକୁଟିଆ ରହୁଥିଲେ । ଯେଉଁଠାରେ ଟିଭି ମଧ୍ୟ ନଥିଲା । ସେହି ସମୟରେ ତାଙ୍କ ପାଖରେ କୌଣସି ମୋବାଇଲ ଫୋନ୍ ମଧ୍ୟ ନଥିଲା ଏବଂ ସ୍କୁଲରୁ ଫେରିବା ପରେ ତାଙ୍କ ପାଖରେ ବହୁତ ଖାଲି ସମୟ ଥିଲା । ସେ ଏହା ମଧ୍ୟ ଖୁଲାସା କରିଛନ୍ତି ଯେ, ସେହି ସମୟରେ ସେ ତାଙ୍କ ବାପା,ମା ଙ୍କ ସହ ମଧ୍ୟ କଥା ହୋଇପାରୁନଥିଲେ କାରଣ ସେହି ସମୟରେ ଫୋନର ଦାମ ବହୁତ ଅଧିକ ଥିଲା ।
ଏହି କାରଣରୁ ତାଙ୍କ ପରିବାର ସହ ତାଙ୍କର ସର୍ମ୍ପକ ଭାଙ୍ଗି ଯାଇଥିଲା । ତାଙ୍କ ବାପା,ମା ଦିଲଜିତଙ୍କ ସଫଳତାର ଏକ ଭିନ୍ନ ଅର୍ଥ ବାହାର କରିଥିଲେ । ଦିଲଜିତ ଆହୁରି ମଧ୍ୟ କହିଛନ୍ତି ଯେ, ମୁଁ ମୋ ମାମୁଁଙ୍କୁ ବହୁତ ସମ୍ମାନ କରେ । ମୋ ବାପା ବହୁତ ନିରିହ ଏବଂ ମଧୁର ବ୍ୟକ୍ତି, ସେ ମୋତେ କେବେ କିଛି ମାଗିନାହାନ୍ତି, ମୁଁ କେଉଁ ସ୍କୁଲରେ ପଢୁଥିଲି ସେ ତାହା ମଧ୍ୟ କେବେ ପଚାରିନଥିଲେ ।
ଦିଲଜିତଙ୍କର ଏକ ନୂଆ ଚଳଚିତ୍ର ଆସିବା ପାଇଁ ଯାଉଛି । ମୁଖ୍ୟ ଭୂମିକାରେ ଦିଲଜିତଙ୍କ ସହ ପରିନୀତି ଚୋପ୍ରା ଦେଖିବା ପାଇଁ ମିଳିବେ । ଏପ୍ରିଲ ୧୨ରେ ନେଟଫ୍ଲିକ୍ସ ଇଣ୍ଡିଆରେ ମୁକ୍ତିଲାଭ କରିବ ଅମର ସିଂ ଚମକିଲା । ଏହି ଚଳଚିତ୍ରଟି ପଞ୍ଜାବୀ ରକଷ୍ଟାର ଅମର ସିଂ ଚମକିଲାଙ୍କ ଅବିସ୍ମରଣୀୟ କାହାଣୀକୁ ଉପସ୍ଥାପନ କରାଯାଇଛି । ଯିଏ ୮୦ ଦଶକରେ ଦାରିଦ୍ର୍ୟରୁ ବାହାରିଥିଲେ ଏବଂ ତାଙ୍କ ସଙ୍ଗୀତ ସହିତ ଲୋକପ୍ରିୟତାରେ ଉଚ୍ଚତାକୁ ଯାଇଥିଲେ ।