ମହାପ୍ରଭୁଙ୍କ ବାହୁଡା ବେଳେ ମାଉସୀ ମା’ଘର ପୋଡପିଠା ଭୋଗକୁ ନେଇ ବିବାଦ !
କନକ ବ୍ୟୁରୋ : ମହାପ୍ରଭୁଙ୍କ ବାହୁଡା ବେଳେ ମାଉସୀ ମା’ ଘର ପୋଡପିଠା ଭୋଗକୁ ନେଇ ବିବାଦ । ମହାପ୍ରଭୁଙ୍କ ସାମନାରେ ପୋଡପିଠା ଟେକିଛନ୍ତି ଦୁଇ ଦୁଇ ଜଣ ସେବାୟତ । ମାଉସୀ ମା’ ମନ୍ଦିରର ମୁଖ୍ୟ ପୂଜକ ରଘୁନାଥ ଦାଶଙ୍କ ମୃତ୍ୟୁ ପରେ ଦେଖା ଦେଇଛି ଏହି ବିବାଦ । ମୃତ୍ୟୁ ପୂର୍ବରୁ ରଘୁନାଥ ତାଙ୍କ ଉତ୍ତରାଧିକାରୀ ଭାବେ ବିଶ୍ୱନାଥ ମିଶ୍ରଙ୍କୁ ଚିହ୍ନଟ କରିଥିବାରୁ ଶ୍ରୀମନ୍ଦିର ପ୍ରଶାସନ ତାଙ୍କୁ ସ୍ୱୀକୃତି ଦେବା ସହ ଏ ବାବଦରେ ଅର୍ଥ ପଇଠ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ପୂର୍ବତନ ପୂଜକ ରଘୁନାଥ ଦାଶଙ୍କ ପୁତୁରା ମନୋରଞ୍ଜନ ମିଶ୍ର ମଧ୍ୟ ନିଜକୁ ପ୍ରକୃତ ଉତ୍ତରାଧିକାରୀ ବୋଲି ଦାବି କରିଛନ୍ତି । ଆଉ ସମାନ୍ତରାଳ ଭାବେ ମହାପ୍ରଭୁଙ୍କ ରଥ ସାମନାରେ ପୋଡପିଠା ଟେକିଛନ୍ତି । ପୂର୍ବରୁ ଉତ୍ତରାଧିକାରୀକୁ ନେଇ ବିବାଦ ଦେଖା ଦେଇଥିବାରୁ ୧୪୪ ଧାରା ଜାରି ହୋଇ ମାଉସୀ ମା’ଙ୍କ ପୋଡପିଠା ପ୍ରସ୍ତୁତ ହୋଇଥିଲା । ହେଲେ ଏବେ ରଘୁନାଥଙ୍କ ପୁତୁରା ମନୋରଞ୍ଜନ ପୋଡପିଠା ସମର୍ପଣ କରିବାରୁ ବିବାଦୀୟ ପରିସ୍ଥିତି ସୃଷ୍ଟି ହୋଇଛି । ଏହାସହ ମନୋରଞ୍ଜନ ଗଣ୍ଡଗୋଳ ସୃଷ୍ଟି କରୁଥିବା ଅଭିଯୋଗ କରିବା ପରେ ମାମଲା ଉପଜିଲ୍ଲାପାଳଙ୍କ କୋର୍ଟରେ ବିଚାରାଧିନ ରହିଛି ।