ଫୋକସରେ ପାରାଦୀପ ବନ୍ଦର ! କେନ୍ଦ୍ରମନ୍ତ୍ରୀ ନୀତିନ ଗଡକରୀ କହିଲେ, ଭବିଷ୍ୟତରେ ଦେଶର ନମ୍ବର ୱାନ ବନ୍ଦର ହେବ ପାରାଦୀପ ବନ୍ଦର
କନକ ବ୍ୟୁରୋ : ଓଡିଶାରେ କେନ୍ଦ୍ର ମନ୍ତ୍ରୀ ନୀତିନ ଗଡକରୀ । କାମାକ୍ଷାନଗର ସରକାରୀ କାର୍ଯ୍ୟକ୍ରମରେ ଯୋଗଦେବା ପରେ ଗଡକରୀ ପାରାଦୀପରେ ବିଭିନ୍ନ ପ୍ରକଳ୍ପର ଉଦଘାଟନୀ ଅବସରରେ ଯୋଗଦେଇଛନ୍ତି । ପାରାଦୀପ ପୋର୍ଟ ଭବିଷ୍ୟତରେ ଦେଶରେ ନମ୍ବର ୱାନ ବନ୍ଦର ହେବ । କେବଳ ଏକ ନମ୍ବର ହେବନି ଓଡିଶା ବିକାଶରେ ଗ୍ରୋଥ ଇଂଜିନ ହେବ ବୋଲି କହିଛନ୍ତି ଗଡକରୀ ।
Kanak News is now on WhatsApp
Join and get latest news updates delivered to you via WhatsApp
ଆଗକୁ ଓଡିଶାରେ ଅଢେଇ ଲକ୍ଷ କୋଟି ନିବେଶ କରାଯିବାକୁ ଲକ୍ଷ୍ୟ ରଖାଯାଇଛି ।ବନ୍ଦର ,ରାଜପଥ ନିର୍ମାଣରେ ବ୍ୟାପକ ଖର୍ଚ୍ଚ କରାଯିବ । ପାରାଦୀପରେ ଛୋଟ ବିମାନ ବନ୍ଦର ନିର୍ମାଣ ପାଇଁ ସ୍ଥିର ହୋଇଛି ।ଏହା ସହ ପାରାଦୀପରେ ସୁପର ସ୍ପେଶାଲିଟି ହସ୍ପିଟାଲ ପାଇଁ ଟେଣ୍ଡର ସରିଛି ।ଆସନ୍ତା ବର୍ଷ ପାରାଦୀପ ଏକ ନମ୍ବର ଓ ୧ ହଜାର କୋଟିର ଲାଭ ହେବା ନିଶ୍ଚିତ ବୋଲି ଗଡକରୀ କହିଛନ୍ତି । ଏବେ ପାରାଦୀପ ୭ ହଜାର କୋଟି ଟଙ୍କାର ଲାଭାଂଶରେ ଚାଲିଛି । ଏହାଛଡା ପାରାଦ୍ୱୀପର ବିକାଶ ହେଲେ ବେକାରୀ ସମସ୍ୟା ହଟିବ ବୋଲି କହିଛନ୍ତି ନୀତିନ ଗଡକରୀ ।
କେବଳ ଏତିକି ନୁହେଁ ପାରାଦ୍ୱୀପ ବିକାଶ ପାଇଁ ସଡକପଥ ଉପରେ ମଧ୍ୟ ଫୋକସ କରାଯାଇଛି । ଏନଏଚଆଇ ମାଧ୍ୟମରେ ଏହି କାମ ଜାରି ରହିଛି । ଖାସକରି କାର୍ଗୋ ଟ୍ରାନ୍ସପୋର୍ଟ ଉପରେ ଗୁରୁତ୍ୱ ଦିଆଯାଇଛି । ଆଗାମୀ ବର୍ଷ ୫ ହଜାର କୋଟି ଟଙ୍କା ପାରାଦୀପ ବନ୍ଦରରେ ନିବେଶ କରାଯିବାକୁ ଲକ୍ଷ୍ୟ ରଖାଯାଇଛି ।