ପାକିସ୍ତାନ ସେନା ଅଧିକାରୀ କେମିତି ଠୁଳ କଲେ ଏତେ ସମ୍ପତ୍ତି, ପରିବାର ଲୋକଙ୍କ ପାଖରେ ୧୨ ଶହ କୋଟି ଟଙ୍କାର ସମ୍ପତ୍ତି
କନକ ବ୍ୟୁରୋ : ପାକିସ୍ତାନର ଆର୍ଥିକ ସ୍ଥିତି ଏବେ ସମ୍ପୂର୍ଣ୍ଣ ଦୁର୍ବଳ । ଦେଶ ଚଳାଇବାକୁ ପ୍ରଧାନମନ୍ତ୍ରୀ ଚାଇନା ପାଖରେ ହାତପାତୁଛି । ହେଲେ ଅନ୍ୟପଟେ ଖବର ମିଳିଛି କି ପାକିସ୍ତାନର ସେନା ମୁଖ୍ୟ ଜେନରାଲ କମର ଜାବେଦ ବାଜୱାଙ୍କ ପରିବାର ଓ ସଂପର୍କୀୟମାନଙ୍କ ପାଖରେ ଗତ ୬ ବର୍ଷ ମଧ୍ୟରେ ୧୨ଶହ କୋଟିରୁ ଅଧିକ ଟଙ୍କାର ସମ୍ପତ୍ତି ଠୁଳ ହୋଇଛି । ଏକ ପାକିସ୍ତାନୀ ୱେବସାଇଟରେ ପ୍ରକାଶିତ ଖବର ମୁତାବକ ବାଜୱା ଓ ତାଙ୍କ ପରିବାର ଲୋକଙ୍କ ପାଖରେ ଗତ ୬ ବର୍ଷ ମଧ୍ୟରେ ୧୨.୭ ଅରବ ବା ୧୨ ଶହ ୭୦କୋଟି ଟଙ୍କାର ସମ୍ପତ୍ତି ଠୁଳ ହୋଇଛି । ଏଭଳି ଖବର ପ୍ରକାଶିତ ହେବା ପରେ ପାକିସ୍ତାନ ସରକାର ସେମାନଙ୍କର ଟ୍ୟାକ୍ସ ରେକର୍ଡ ଯାଂଚ କରିବାକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପିଟିଆଇ ମୁତାବକ ପାକିସ୍ତାନର ଫ୍ୟାକ୍ଟଫୋକସ ୱେବସାଇଟ (ଯାହାକି ଡାଟା ଆଧାରିତ ସମାଚାର) ଉପରେ କାମ କରିଥାଏ ବୋଲି କୁହାଯାଏ ସେ ତାର ୱେବସାଇଟରେ ଏହି ତଥ୍ୟ ପ୍ରକାଶ କରିଛି । ପ୍ରକାଶିତ ତଥ୍ୟ ମୁତାବକ ବାଜୱା ଓ ତାଙ୍କ ପରିବାର ଲୋକ ୨୦୧୩-୨୦୨୧ ମଧ୍ୟରେ ୧୨.୭ ଅରବ ସମ୍ପତ୍ତି ଠୁଳ କରିଛନ୍ତି ।
ସୂଚନା ଥାଉକି ଚଳିତମାସ ଶେଷରେ ବାଜୱାଙ୍କ କାର୍ଯ୍ୟକାଳ ଶେଷ ହେବାକୁ ଯାଉଛି । ଠିକ୍ ଏତିକି ବେଳେ ବାଜୱା ଓ ତାଙ୍କ ପରିବାର ଲୋକ ଏତେ ସମ୍ପତ୍ତି ଠୁଳ କରିଥିବା ଖବର ଆସିବା ପରେ ପାକିସ୍ତାନ ରାଜନୀତି ସରଗରମ ହେବାରେ ଲାଗିଛି ।