ଅନଲାଇନରେ ଟିକେଟ ବିକ୍ରି କହି ଭଣ୍ଡେଇଦେଲେ । କୁଆଡେ ଗଲା ଟିକେଟ?
ବିନା କୈାଣସି ଟିକେଟ ନଥାଇ ଅନଲାଇନରେ ଟିକେଟ ବିକ୍ରି କରିବାକୁ ଘୋଷଣା କରାଯାଇଥିବା ଅଭିଯୋଗ ରହିଛି । ଜାଣିଶୁଣି ଲୋକଙ୍କ ଧ୍ୟାନ ହଟାଇବାକୁ ଏଭଳି ପଦକ୍ଷେପ ନିଆଯାଇଥିବା ଚର୍ଚ୍ଚା ହେଉଛି । କାଳେ କ୍ରୀଡାପ୍ରେମୀଙ୍କ ମଧ୍ୟରେ ରାଗ ସୃଷ୍ଟି ହେବ. ସେଥିପାଇଁ ଅନଲାଇନ ନାଁରେ ଲୋକଙ୍କୁ ଭଣ୍ଡାଇ ଦିଆଯାଇଥିବା ଚର୍ଚ୍ଚା ହେଉଛି ।
ପୂର୍ବରୁ ଘୋଷଣା କରିଥିଲେ, ୨୦ ତାରିଖ ଅପରାହ୍ନ ୧୨ଟାରେ ଅନଲାଇନରେ ଟିକେଟ ବିକ୍ରି ହେବ । ଅଫଲାଇନରେ ଟିକେଟ ବିକ୍ରି କରାଯିବ ନାହିଁ । ପ୍ରଥମ ଥର ପାଇଁ ଭୁବନେଶ୍ୱରରେ ହେଉଥିବା ଏହି ବିଶ୍ୱସ୍ତରୀୟ କ୍ରୀଡା ପାଇଁ ଲୋକଙ୍କ ମଧ୍ୟରେ ଢେର ଆଗ୍ରହ ଦେଖିବାକୁ ମିଳିଥିଲା । ହେଲେ, ଟିକେଟ ନାଁରେ ଲୋକଙ୍କ ଭାବନା ସହ ଖେଳ ଖେଳାଯାଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
୧୨ଟାରେ ଯେତେବେଳେ ଅନଲାଇନରେ ଟିକେଟ ବୁକ୍ କରିବାକୁ ସମସ୍ତେ ପ୍ରସ୍ତୁତ ହୋଇ ବସିଥିଲେ ଠିକ ସେତିକିବେଳେ ସାଇଟ୍ କ୍ରାସ୍ କରିଯାଇଥିଲା । ଅର୍ଥାତ୍, ଅଧିକାରୁ ଅଧିକ ଲୋକ ଏକା ସମୟରେ ଟିକେଟ ବୁକ୍ କରିବାକୁ ସାଇଟ୍ ଖୋଲିବାରୁ ଏହା କ୍ରାଶ୍ କରିଯାଇଥିଲା ।
ତେବେ ପ୍ରଶ୍ନ ଉଠୁଛି, ଟିକେଟ ବିଶ୍ୱକପ ପାଇଁ ଅଧିକ ଲୋକ ସାଇଟ୍କୁ ଆସିବେ ବୋଲି କଣ ହକି ଇଣ୍ଡିଆ ଜାଣିନଥିଲା? କାହିଁକି ଅନଲାଇନରେ ଭୁବନେଶ୍ୱର ପାଇଁ ୧୨ ହଜାର ଓ କଟକ ପାଇଁ ୩୦ ହଜାର ଟିକେଟ ବିକ୍ରି ହେବ ବୋଲି କୁହାଗଲା? ପ୍ରକୃତରେ ଅନଲାଇନରେ ଟିକେଟ ବିକ୍ରି ହେବାର ଥିଲା ନା କ୍ରୀଡାପ୍ରେମୀଙ୍କ ଭାବନାକୁ ଆଘାତ ଦିଆଗଲା?
କ୍ରୀଡାର ଏହି ମହାକୁମ୍ଭ ଦେଖିବାକୁ ଲୋକଙ୍କ ଭିତରେ ଢେର ଆଗ୍ରହ ରହିଛି । ହେଲେ ଟିକେଟକୁ ନେଇ ସବୁଠାରୁ ବଡ ବିବାଦ ଦେଖିବାକୁ ମିଳିଛି । ଅଫଲାଇନରେ ଟିକେଟ ବିକ୍ରି କରିବାକୁ କହି ପୂର୍ବରୁ ବିବାଦୀୟ ହୋଇଥିବା କ୍ରୀଡା ବିଭାଗ ଏବେ ଅନଲାଇନ ଟିକେଟ ବିକ୍ରିକୁ ନେଇ ମଧ୍ୟ ବିବାଦ ଘେରକୁ ଆସିଛି ।
ବିନା କୈାଣସି ଟିକେଟ ନଥାଇ ଅନଲାଇନରେ ଟିକେଟ ବିକ୍ରି କରିବାକୁ ଘୋଷଣା କରାଯାଇଥିବା ଅଭିଯୋଗ ରହିଛି । ଜାଣିଶୁଣି ଲୋକଙ୍କ ଧ୍ୟାନ ହଟାଇବାକୁ ଏଭଳି ପଦକ୍ଷେପ ନିଆଯାଇଥିବା ଚର୍ଚ୍ଚା ହେଉଛି । କାଳେ କ୍ରୀଡାପ୍ରେମୀଙ୍କ ମଧ୍ୟରେ ରାଗ ସୃଷ୍ଟି ହେବ. ସେଥିପାଇଁ ଅନଲାଇନ ନାଁରେ ଲୋକଙ୍କୁ ଭଣ୍ଡାଇ ଦିଆଯାଇଥିବା ଚର୍ଚ୍ଚା ହେଉଛି ।