ରାଇରଙ୍ଗପୁର କଲେଜ ଛାତ୍ରୀନିବାସରେ ଅଧ୍ୟାପିକାଙ୍କ ସନ୍ଦେହଜନକ ମୃତ୍ୟୁ : ୩ଜଣଙ୍କୁ ଗିରଫ କଲା ପୋଲିସ୍, ଅବହେଳା ଅଭିଯୋଗରେ ଆଇଆଇସିଙ୍କ ବଦଳି, ତଦନ୍ତକାରୀ ଅଧିକାରୀ ନିଲମ୍ବିତ ।
କନକ ବ୍ୟୁରୋ: ରାଇରଙ୍ଗପୁର କଲେଜ ଛାତ୍ରୀନିବାସରେ ଅଧ୍ୟାପିକାଙ୍କ ସଂଦେହଜନକ ମୃତ୍ୟୁକୁ ନେଇ ତନାଘନା କଲା ମୟୂରଭଞ୍ଜ ପୋଲିସ୍ । ଏନେଇ ମାମଲା ରୁଜୁ କରିବା ସହ ୬ଜଣ ଅଭିଯୁକ୍ତଙ୍କ ମଧ୍ୟରୁ ୩ଜଣଙ୍କୁ ଗିରଫ କରିଛି ମୟୂରଭଞ୍ଜ ପୋଲିସ୍ । ଏବଂ ଅନ୍ୟ ତିନି ଜଣ ଫେରାର ହୋଇଯାଇଛନ୍ତି । ଏନେଇ ସୂଚନା ଦେଇଛନ୍ତି ମୟୂରଭଞ୍ଜ ଏସପି । ତେବେ ଅଧ୍ୟପିକାଙ୍କୁ ହତ୍ୟା କରାଯାଇଛି ନା, ସେ ଆତ୍ମହତ୍ୟା କରିଛନ୍ତି ଶବ ବ୍ୟବଛେଦ ରିପୋର୍ଟ ଆସିବା ପରେ ସ୍ପଷ୍ଟ ହେବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ କାଳୀପୂଜା ସମୟରେ ଅଧ୍ୟାପିକା ଜଣଙ୍କୁ ତାଙ୍କ ଭାଉଜଙ୍କ ଭାଇ ଦୁଷ୍କର୍ମ କରିବା ନେଇ ଝାରପୋଖରିଆ ଥାନାରେ ଅଭିଯୋଗ କରିଥିଲେ । ରାଇରଙ୍ଗପୁର କଲେଜ ହଷ୍ଟେଲରୁ ଅଧ୍ୟାପିକାଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଥିଲା । ଏବଂ ଅଧ୍ୟାପିକାଙ୍କୁ ହତ୍ୟା କରାଯାଇଛି ବୋଲି ତାଙ୍କ ପରିବାର ପକ୍ଷରୁ ଅଭିଯୋଗ ହୋଇଛି । ହେଲେ ଝାରପୋଖରିଆ ଥାନା ପୁଲିସ କାର୍ଯ୍ୟାନୁଷ୍ଠନ ନେବାରେ ଅବହେଳା କରିଥିଲେ । ଏନେଇ ମାନସିକ ଚିନ୍ତାରେ ଥିଲେ ଅଧ୍ୟାପିକା । ଯାହାକୁ ନେଇ ଅଧ୍ୟାପିକା ଜଣଙ୍କ ଏଭଳି ଚରମ ନିଷ୍ପତି ନେଇଥାଇ ପାରନ୍ତି ବୋଲି ଅନୁମାନ କରାଯାଉଛି ।
ବର୍ତ୍ତମାନ ଅଧ୍ୟାପିକାଙ୍କର ମୃତ୍ୟୁ ହେବା ପରେ ଏହି ଘଟଣାକୁ ଗରୁତର ସହ ନେଇ ମୟୂରଭଞ୍ଜ ଏସପି ନିଜେ ତଦନ୍ତ କରିବା ସହ ଆଜି ମୟୂରଭଂଜ ଏସପି ଝାରପୋଖରିଆ ଥାନା ଆଇଆଇସିଙ୍କୁ ଏସପି ଅଫିସକୁ ବଦଳି କରିଛନ୍ତି । ଏହା ସହ ମାମଲାର ତଦନ୍ତାକାରୀ ଅଧିକାରୀ ପ୍ରଶାନ୍ତ ସ୍ୱାଇଁଙ୍କୁ ନିଲମ୍ୱିତ କରିଛନ୍ତି ।