କନକ ବ୍ୟୁରୋ : ଦେଶର ସର୍ବପୁରାତନ ରାଜନୈତିକ ଦଳ କଂଗ୍ରେସକୁ ବୁଧବାର ମିଳିଛି ନୂଆ ସଭାପତି । ଦଳର ସଭାପତି ନିର୍ବାଚନରେ ବିଜୟ ହାସଲ କରିଛନ୍ତି ଦଳର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ । ଅକ୍ଟୋବର ୧୭ରେ ହୋଇଥିବା ନିର୍ବାଚନର ଫଳାଫଳ ୧୯ରେ ଆସିଛି ଓ ଖଡ୍ଗେ ହୋଇଛନ୍ତି ଦଳର ନୂଆ ସଭାପତି । ସଭାପତି ପଦ ପାଇଁ ମଲ୍ଲିକାର୍ଜୁନ ଖଡଗେ ଓ ଶଶୀ ଥରୁରଙ୍କ ମଧ୍ୟରେ ହୋଇଥିଲା ମୁକାବିଲା । ନିର୍ବାଚନରେ ମୋଟ ୯,୩୮୫ ଭୋଟ ପଡିଥିଲା । ଯେଉଁଥିରେ ଖଡଗେଙ୍କୁ ୭୮୯୭ ଭୋଟ, ଓ ଥରୁରଙ୍କୁ ୧୦୭୨ଭୋଟ ମିଳିଛି । ଏଥିସହ ୪୧୬ଭୋଟ ଖାରଜ ହୋଇଛି । ନିର୍ବାଚନରେ ୯୬ ପ୍ରତିଶତ ମତଦାନ ହୋଇଥିଲ।।
Kanak News is now on WhatsApp
Join and get latest news updates delivered to you via WhatsApp
ସୋନିଆ ଗାନ୍ଧୀ ଦଳର ଅନ୍ତରୀଣ ଅଧ୍ୟକ୍ଷା ଭାବେ ଦାୟିତ୍ୱ ତୁଳାଉଥିଲେ ବି -ଦଳକୁ ସାଂଗଠନିକ ସ୍ତରରେ ମଜବୁତ କରିବା ପାଇଁ ବରିଷ୍ଠ ନେତାମାନେ ଦଳର ନୂଆ ସଭାପତି ପାଇଁ ବେଶ କିଛି ଦିନ ହେବ ଦାବି କରି ଆସୁଥିଲେ । କେବଳ ସେତିକି ନୁହେଁ ବିଭି୍ନ୍ନ ସମୟରେ ଦଳର କନ୍ଦଳ ମଧ୍ୟ ପଦାକୁ ପଡିଥିଲା । ପରିବାରବାଦ ରାଜନୀତିକୁ ନେଇ କଂଗ୍ରେସ ସବୁବେଳେ ସମାଲୋଚିତ ହୋଇ ଆସୁଥିଲା । ଅନ୍ୟପଟେ କଂଗ୍ରେସ ମଙ୍ଗ ଧରିବା ପାଇଁ ଅମଙ୍ଗ ହେବା ସହ ରାହୁଲ ଗାନ୍ଧୀ ସଫା ସଫା କହିଥିଲେ କି ଏଥରକ ଜଣେ ଅଣଗାନ୍ଧୀ ହିଁ କଂଗ୍ରେସର ସଭାପତି ହେବେ । ଏହା ଭିତରେ ଖଡଗେ ସଭାପତି ଭାବେ ନିର୍ବାଚିତ ହୋଇଛନ୍ତି
କଂଗ୍ରେସର ସଭାପତି ଇତିହାସ
• କଂଗ୍ରେସର ୬୫ତମ ସଭାପତି ଭାବେ ଖଡଗେ ନିର୍ବାଚିତ
• ୨ୟ ଦଳିତ ନେତା ଭାବେ କଂଗ୍ରେସର ସଭାପତି ହୋଇଛନ୍ତି
• ବାବୁ ଜଗଜୀବନ ପ୍ରଥମ ଦଳିତ ଭାବେ କଂଗ୍ରେସ ସଭାପତି ଥିଲେ
• ୪୨ବର୍ଷ ଧରି ଗାନ୍ଧୀ ପରିବାର ପାଖରେ ରହିଥିଲା ସଭାପତି ପଦ
• ୩୩ ବର୍ଷ ଧରି ଅଣଗାନ୍ଧୀ ନେତାଙ୍କ ନିକଟରେ ସଭାପତି ପଦ ରହିଥିଲା
• ୨୨ବର୍ଷ ସଭାପତି ଡୋର ସୋନିଆଙ୍କ ହାତରେ ରହିଥିଲା
• ୧୯୯୮ ମସିହାରେ ଶେଷ ଥର ସଭାପତି ପଦ ପାଇଁ ନିର୍ବାଚନ ହୋଇଥିଲା
• ସୋନିଆ ଗାନ୍ଧୀ କଂଗ୍ରେସର ସଭାପତି ହେବା ପରେ କୌଣସି ନିର୍ବାଚନ ହୋଇନି
• ରାହୁଲ ଗାନ୍ଧୀ ସଭାପତି ପାଇଁ ଅମଙ୍ଗ ହେବାରୁ ନିର୍ବାଚନ ହେଲା
୨୪ବର୍ଷ ପରେ ପ୍ରଥମ ଥର ପାଇଁ ଗାନ୍ଧୀ ପରିବାର ବାହାରୁ ଜଣେ ନେତା କଂଗ୍ରେସ ନେତୃତ୍ୱ ନେଇଛନ୍ତି । ଏହା ପୂର୍ବରୁ ସୀତରାମ କେସରୀ ଅଣଗାନ୍ଧୀ ନେତାଭାବେ କଂଗ୍ରେସର ସଭାପତି ଦାୟିତ୍ୱ ନେଇଥିଲେ ।