ସନ୍ଧ୍ୟାରେ ଶପଥ ନେବେ ଦେବେନ୍ଦ୍ର ଫଡନଭିସ୍ ! ଏକନାଥ ସିନ୍ଦେ ହୋଇପାରନ୍ତି ଉପ ମୁଖ୍ୟମନ୍ତ୍ରୀ
କନକ ବ୍ୟୁରୋ : ମହାରାଷ୍ଟ୍ରରେ ଲାଗି ରହିଥିବା କ୍ଷମତା ସଂକଟ ଭିତରେ ବାଜି ମାରିଛି ବିଜେପି । ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ଦେବେନ୍ଦ୍ର ଫଡନଭିସ ଆଜି ସନ୍ଧ୍ୟା ୭ ଟାରେ ରାଜ୍ୟର ନୁଆ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି । କୁହାଯାଉଛି କି ଆଜି ଶପଥ ଗ୍ରହଣ ବେଳେ ଫଡନଭିସ୍ ମୁଖ୍ୟମନ୍ତ୍ରୀ ଓ ଏକନାଥ ସିନ୍ଦେ ଉପ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି । ଏନେଇ ରାଜଭବନରେ ପ୍ରସ୍ତୁତି ଆରମ୍ଭ ହୋଇଥିବା କଥା ସୂତ୍ର ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ମୁଖ୍ୟମନ୍ତ୍ରୀ ପଦରୁ ଉଦ୍ଧବ ଠାକରେ ଇସ୍ତଫା ଦେବା ପରେ ଅନୁମାନ କରାଯାଉଥିଲା କି ଖୁବଶୀଘ୍ର ଦେବେନ୍ଦ୍ର ଫଡନଭିସ ମୁଖ୍ୟମନ୍ତ୍ରୀ ଭାବେ ଶପଥ ନେବେ । ହେଲେ ଆଜି କିଛି ଜାତୀୟ ଗଣମାଧ୍ୟମ ରିପୋର୍ଟରେ ଫଡନଭିସ ଆସନ୍ତା କାଲି ଅର୍ଥାତ ଜୁଲାଇ ପହିଲାରେ ଶପଥ ନେବେ ବୋଲି କୁହାଯାଉଥିଲା । ହେଲେ ସବୁ କଳ୍ପନାର ଅନ୍ତ ଘଟାଇ ଆଜି ସନ୍ଧ୍ୟା ୭ ଟାରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ୩ ଥର ଶପଥ ନେବାକୁ ଯାଉଛନ୍ତି ଫଡନଭିସ୍ ।