ପିପିଲିରୁ ଉପନିର୍ବାଚନ ଲଢିବା ପାଇଁ ଇଚ୍ଛାପ୍ରକାଶ କଲେ ସ୍ୱର୍ଗତ ପ୍ରଦୀପ ମହାରଥୀଙ୍କ ପତ୍ନୀ ପ୍ରତିଭା ମହାରଥୀ । କହିଲେ, ନିଷ୍ପତ୍ତି ନେବେ ଦଳର ସୁପ୍ରିମୋ, ସୁଯୋଗ ମିଳିଲେ ଖୁସି ହେବେ ।
କନକ ବ୍ୟୁରୋ : ଉପନିର୍ବାଚନ ଲଢିବାକୁ ଆଗ୍ରହୀ ଦିବଙ୍ଗତ ବିଧାୟକ ପ୍ରଦୀପ ମହାରଥୀଙ୍କ ପତ୍ନୀ ପ୍ରତିଭା ମହାରଥୀ । ମହାରଥୀଙ୍କ ବିୟୋଗ ପରେ ପିପିଲି ବିଧାନସଭା ନିର୍ବାଚନ ମଣ୍ଡଳୀ ଆସନ ଖାଲିଥିବା ବେଳେ ପ୍ରତିଭା ମହାରଥୀ ଏକ ବଡ଼ ବୟାନ ରଖିଛନ୍ତି । ସେ କହିଛନ୍ତି ନିର୍ବାଚନ ଏକ ପ୍ରକିୟା । କିଏ ପ୍ରାର୍ଥୀ ହେବ ସେନେଇ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଷ୍ପତି ନେବେ । ତେବେ ସୁଯୋଗ ମିଳିଲେ ସେ ଖୁସି ହେବେ ବୋଲି ତାଙ୍କ ପ୍ରତିକ୍ରିୟାରେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଯୋଗ ମିଳିଲେ ପ୍ରାର୍ଥୀ ହେବା କଥା କହି ପ୍ରତିଭା ସ୍ପଷ୍ଟ କରିଦେଇଛନ୍ତି ଯେ, ସେ ନିର୍ବାଚନ ଲଢିବାରେ କୌଣସି ସମସ୍ୟା ନାହିଁ । ପ୍ରଦୀପ ମହାରଥୀଙ୍କ ବିୟୋଗ ପରେ ପିପିଲି ଆସନରୁ କିଏ ଲଢିବ ତାକୁ ନେଇ ଚର୍ଚ୍ଚା ଜୋର ହୋଇ ଆସୁଥିଲା । ଆଉ ଏତିକିବେଳେ ସୁଯୋଗ ମିଳିଲେ ଖୁସି ହେବି କହି ପ୍ରତିଭା ନିର୍ବାଚନ ଲଢିବାକୁ ଆଗ୍ରହୀ ଥିବା ପ୍ରକାଶ କରିଛନ୍ତି । ଅବଶ୍ୟ ପୂର୍ବରୁ ଆଶା କରାଯାଉଥିଲା, ପିପିଲି ଆସନ ପାଇଁ ମହାରଥୀ ପରିବାରର କାହାକୁ ବିଜେଡି ସୁଯୋଗ ଦେଇପାରେ ।