କିକି ଚ୍ୟାଲେଂଜ : ଲୋକାଲ ଟ୍ରେନରୁ ଓହ୍ଲାଇ ଡ୍ୟାନ୍ସ କରିବା ପଡିଲା ମହଙ୍ଗା, ତା’ପରେ କ’ଣ ହେଲା ଜାଣନ୍ତୁ…….
କିକି ଚ୍ୟାଲେଂଜର ପ୍ରତିଦିନ ନୂଆ ନୂଆ ଭିଡିଓ ସୋଶିଆଲ ମିଡିଆରେ ଭାଇରାଲ ହେଉଛି । ଏମିତି ଏକ ଭିଡିଓ ରେଳ ବିଭାଗକୁ ଚିନ୍ତାରେ ପକାଇଛି । ନିକଟରେ ଜଣେ ବାଳକର କିକି ଚ୍ୟାଲେଂଜ ଭିଡିଓ ଭାଇରାଲ ହୋଇଛି, ଯେଉଁଥିରେ ସେ ଲୋକାଲ ଟ୍ରେନ୍ ରେ ଡ୍ୟାନ୍ସ କରୁଥିବାର ନଜର ଆସିଛି । ଏହି ଭିଡିଓ ସାମନାକୁ ଆସିବା କ୍ଷଣି ରେଳ ବିଭାଗ ସତର୍କ ହୋଇଯାଇଛି ଓ ଏମିତି ଚ୍ୟାଲେଂଜ କରୁଥିବା ଲୋକଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ ଆଦେଶ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନରେ କାରରୁ ଓହ୍ଲାଇ ଡ୍ୟାନ୍ସ କରିବାର ଏହି ଚ୍ୟାଲେଂଜ ସୋଶିଆଲ ମିଡିଆରେ ଖୁବ୍ ଟ୍ରେଣ୍ଡ କରୁଛି । ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ଏହି ଟ୍ରେଣ୍ଡକୁ ଅନୁସରଣ କରୁଛନ୍ତି । ଅସଲି ଭିଡିଓ ଠାରୁ ଆରମ୍ଭ କରି ନକଲି ପର୍ଯ୍ୟନ୍ତ ପୁରା ସୋଶିଆଲ ମିଡିଆ କିକି ଚ୍ୟାଲେଂଜର ଖବରରେ ଭର୍ତ୍ତି । ଏହି ସମୟରେ ମୁମ୍ବାଇର ଲୋକାଲ ଟ୍ରେନରେ କରାଯାଇଥିବା ଡ୍ୟାନ୍ସ ରେଲୱେ ବିଭାଗ ପାଇଁ ଚିନ୍ତାର ବିଷୟ ପାଲଟିଛି । ଏହି ଭିଡିଓରେ ଯେଉଁ ପୁଅ ଡ୍ୟାନ୍ସ କରୁଥିବାର ନଜର ଆସୁଛନ୍ତି ସେ ଜଣେ ତରୁଣ ଲାଗୁଛନ୍ତି । ରେଳ ବିଭାଗ ଅଧିକାରୀଙ୍କ ଅନୁସାରେ, ଏହି ଭିଡିଓ ଦେଖିବା ଦ୍ୱାରା ଅନ୍ୟ ପିଲାମାନେ ମଧ୍ୟ ଏହାକୁ କରିବାକୁ ଚେଷ୍ଟା କରିପାରନ୍ତି । ଏଥିପାଇଁ ଏହାକୁ ରୋକିବା ପାଇଁ ମୁମ୍ବାଇ ପୁଲିସ ସହିତ ମିଶି ଏମିତି ଲୋକଙ୍କ ଉପରେ ଲଗାମ ଲଗାଇବା ପାଇଁ ଆଦେଶ ଦିଆଯାଇଛି ।