ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ପାଇଁ ଯଶସ୍ୱୀ ଜୟସ୍ୱାଲଙ୍କୁ ଟିମ୍ ଇଣ୍ଡିଆରୁ ଡାକରା । ଜାଣନ୍ତୁ କାହା ବଦଳରେ ଇଂଲଣ୍ଡ ଯିବେ ଯଶସ୍ୱୀ?
କନକ ବ୍ୟୁରୋ : ଆଇପିଏଲରେ ଦମଦାର ପ୍ରଦର୍ଶନ କରିଥିବା ଯଶସ୍ୱୀଙ୍କୁ ଟିମ୍ ଇଣ୍ଡିଆରୁ ଡାକରା ଆସିଛି । ଇଂଲଣ୍ଡରେ ଖେଳାଯିବାକୁ ଥିବା ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ମୁକାବିଲା ପାଇଁ ଯଶସ୍ୱୀଙ୍କୁ ଟିମ୍ ଇଣ୍ଡିଆରେ ସ୍ଥାନ ମିଳିଛି । ବ୍ୟକ୍ତିଗତ କାରଣରୁ ଋତୁରାଜ ଗାଏକ୍ୱାଡ ବିଶ୍ୱ ଟେଷ୍ଟ ଚାମ୍ପିୟନସିପରେ ଉପଲବ୍ଧ ହେବେ ନାହିଁ । ତେଣୁ ଏଭଳି ସ୍ଥିତିରେ ଦଳର କୋଚ୍ ଦ୍ରାବିଡଙ୍କ କହିବା ଅନୁଯାୟୀ, ଯଶସ୍ୱୀଙ୍କୁ ଚୟନକର୍ତ୍ତା ଇଂଲଣ୍ଡ ପଠାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ପ୍ରକାଶିତ ରିପୋର୍ଟ ଅନୁଯାୟୀ, ଯଶସ୍ୱୀ ଜୟସ୍ୱାଲଙ୍କୁ ଋତୁରାଜ ଗାଏକ୍ୱାଡଙ୍କ ସ୍ଥାନରେ ଟିମ୍ ଇଣ୍ଡିଆରେ ଷ୍ଟାଣ୍ଡବାଏ ଖେଳାଳୀ ଭାବେ ସାମିଲ କରାଯାଇଛି । ଋତୁରାଜ ଆସନ୍ତା ୩-୪ରେ ବିବାହ ବନ୍ଧନରେ ବାନ୍ଧି ହେବେ । ତେଣୁ ଯଶସ୍ୱୀଙ୍କୁ ଟିମ୍ ମ୍ୟାନେଜମେଣ୍ଟ ପକ୍ଷରୁ ଲାଲ ବଲରେ ଅଭ୍ୟାସ କରିବାକୁ କୁହାଯାଇଛି । ଆଗାମୀ କିଛି ଦିନ ମଧ୍ୟରେ ଜୟସ୍ୱାଲ ଇଂଲଣ୍ଡ ଅଭିମୁଖେ ଯାତ୍ରା କରିବେ । ରାଜସ୍ଥାନ ରୟାଲ୍ସ ପାଇଁ ଖେଳୁଥିବା ଏହି ଯୁବ ବ୍ୟାଟର ଚଳିତ ଆଇପିଏଲରେ ୧୪ଟି ଇନିଂସରୁ ୬୨୫ ରନ୍ କରିଥିଲେ ।
ଏହାପୂର୍ବରୁ ଋତୁରାଜଙ୍କ ଓପନର ବ୍ୟାଟର ଭାବେ ଟିମରେ ଷ୍ଟାଣ୍ଡବାଏ ଖେଳାଳୀ ରୂପେ ସାମିଲ କରାଯାଇଥିଲା । ଜୁନ୍ ୫ ପରେ ସେ ଟିମ୍ ସହ ସାମିଲ ହୋଇପାରିବେ ବୋଲି ବୋର୍ଡକୁ ଜଣାଇଥିଲେ । କିନ୍ତୁ ଦ୍ରାବିଡଙ୍କୁ ତୁରନ୍ତ ତାଙ୍କ ବଦଳ ଖେଳାଳୀର ଆବଶ୍ୟକତା ରହିଥିଲା । ଯେଉଁଥିପାଇଁ ଯଶସ୍ୱୀଙ୍କୁ ତୁରନ୍ତ ଟିମରେ ସାମିଲ କରାଯାଇଥିଲା ।