ଆଇପିଏଲ ନିଲାମୀରେ ବିକ୍ରି ହେଲେ ତାରକା ଖେଳାଳୀ ! ଜାଣନ୍ତୁ କେଉଁ ଦଳ କେତେ ଟଙ୍କା କଲେ ଖର୍ଚ୍ଚ ।
ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଖେଳାଳି ନିଲାମ ପ୍ରକ୍ରିୟାରେ ମୋଟ ୬୦ ବିକ୍ରି ହେଲେ । ସେମଧ୍ୟରୁ ୪୦ ଭାରତୀୟ ଏବଂ ୨୦ ବିଦେଶୀ ଖେଳାଳି ରହିଲେ । ଏହି ନିଲାମରେ କିଙ୍ଗସ ଏକାଦଶ ପଞ୍ଜାବ ସର୍ବାଧିକ ୧୩ ଖେଳାଳିଙ୍କୁ କିଣିଥିଲା ବେଳେ ସେ ବାବଦରେ ମଧ୍ୟ ସର୍ବାଧିକ ୩୨.୫୫ କୋଟି ଟଙ୍କା ବ୍ୟୟ କରିଛି। ଅନ୍ୟପକ୍ଷରେ ସବୁଠୁ କମ୍ ୨ ଖେଳାଳିଙ୍କୁ ଚେନ୍ନାଇ ସୁପର କିଙ୍ଗସ କିଣିଥିଲା ବେଳେ ଖର୍ଚ କରିଛି ୫.୨ କୋଟି ଟଙ୍କା। କିନ୍ତୁ ସବୁଠୁ କମ୍ ଖର୍ଚ କରିଛି ସନ୍ ରାଇଜର୍ସ ହାଇଦ୍ରାବାଦ ଏବଂ କିଣିଛି ୩ ଖେଳାଳି। ଏଥିପାଇଁ ହାଇଦ୍ରାବାଦକୁ ବ୍ୟୟ କରିବାକୁ ପଡ଼ିଛି ୪.୩ କୋଟି ଟଙ୍କା। ଅନ୍ୟମାନଙ୍କ ମଧ୍ୟରେ ଦ୍ବିତୀୟ ସର୍ବାଧିକ ଭାବେ ୧୭.୮୦ କୋଟି ଟଙ୍କା ଖର୍ଚ କରି ଦିଲ୍ଲୀ କ୍ୟାପିଟାଲସ କିଣିଛି ୧୦ ଖେଳାଳି। ଏହା ପଛକୁ ୧୫.୮୫ କୋଟି ଖର୍ଚ କରି ୯ ଖେଳାଳିଙ୍କୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର କିଣିଥିଲା ବେଳେ ୧୩.୮୦ କୋଟି ଟଙ୍କା ବ୍ୟୟରେ ୮ ଖେଳାଳିଙ୍କୁ କିଣିଛି ରାଜସ୍ଥାନ ରୟାଲସ। କୋଲକାତା ନାଇଟ୍ ରାଇଡର୍ସ ୮ ଖେଳାଳିଙ୍କୁ କିଣିବା ପାଇଁ ବ୍ୟୟ କରିଛି ୯.୧୫ କୋଟି ଟଙ୍କା। ସେହିଭଳି ମୁମ୍ବାଇ ଇଣ୍ଡିଆନସ ୭.୬ କୋଟି ଟଙ୍କା ବ୍ୟୟ କରି କିଣିଛି ୬ ଖେଳାଳି।
Kanak News is now on WhatsApp
Join and get latest news updates delivered to you via WhatsApp
ଆଇପିଏଲ୍ ନିୟମ ଅନୁଯାୟୀ ୨୦୧୯ ସଂସ୍କରଣ ପାଇଁ ପ୍ରତ୍ୟେକ ଫ୍ରାଞ୍ଚାଇଜକୁ ଖେଳାଳି କିଣିବା ବାବଦରେ ସର୍ବାଧିକ ୮୨ କୋଟି ସୀମା ଧାର୍ୟ୍ୟ କରାଯାଇଥିଲା ବେଳେ ମଙ୍ଗଳବାରର ନିଲାମ ପ୍ରକ୍ରିୟା ଶେଷରେ ସବୁଠୁ କମ୍ ଅର୍ଥ (୧.୮ କୋଟି) ବଳିଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳ ପାଖରେ। ଏହି ଫ୍ରାଞ୍ଚାଇଜ୍ ୨୪ ଖେଳାଳିଙ୍କୁ ରଖି ସାରିଥିଲା ବେଳେ ମୋଟ ୮୦.୨ କୋଟି ଖର୍ଚ କରିସାରିଛି। ଅନ୍ୟ ଫ୍ରାଞ୍ଚାଇଜଙ୍କ ମଧ୍ୟରୁ କୋଲକାତା ନାଇଟ୍ ରାଇଡର୍ସ (୨୧ ଖେଳାଳି) ୭୫.୯୫ କୋଟି, କିଙ୍ଗସ ଏକାଦଶ ପଞ୍ଜାବ (୨୩ ଖେଳାଳି) ୭୮.୩ କୋଟି, ଚେନ୍ନାଇ ସୁପର କିଙ୍ଗସ (୨୫ ଖେଳାଳି) ୭୮.୮ କୋଟି, ଦିଲ୍ଲୀ କ୍ୟାପିଟାଲସ (୨୫ ଖେଳାଳି) ୭୪.୩ କୋଟି, ରାଜସ୍ଥାନ ରୟାଲସ (୨୫ ଖେଳାଳି) ୭୪.୮୫ କୋଟି, ମୁମ୍ବାଇ ଇଣ୍ଡିଆନସ (୨୪ ଖେଳାଳି) ୭୮.୪୫ କୋଟି ଏବଂ ସନ୍ ରାଇଜର୍ସ ହାଇଦ୍ରାବାଦ (୨୩ ଖେଳାଳି) ୭୬.୭ କୋଟି ଟଙ୍କା ମୋଟ ବ୍ୟୟ କରିସାରିଛି। ଫଳରେ କୋଲକାତାର ୬.୦୫, ପଞ୍ଜାବର ୩.୭, ଚେନ୍ନାଇର ୩.୨, ଦିଲ୍ଲୀର ୭.୭, ରାଜସ୍ଥାନର ୭.୧୫, ମୁମ୍ବାଇର ୩.୫୫ ଏବଂ ହାଇଦ୍ରାବାଦର ୫.୩ କୋଟି ବଳକା ରହିଯାଇଛି ।