ଆଜି ଭାରତ ବନ୍ଦ ! ବିଭିନ୍ନ ଦାବି ନେଇ କୃଷକ ସଂଗଠନର ଭାରତ ବନ୍ଦ ଡାକରା
କନକ ବ୍ୟୁରୋ: ଆଜି ଭାରତ ବନ୍ଦ ଡାକରା ଦେଇଛନ୍ତି ବିଭିନ୍ନ କୃଷକ ସଂଗଠନ । ଜୁନ ୧ରୁ ଆରମ୍ଭ ହୋଇଥିବା କୃଷି ଆନ୍ଦୋଳନର ୧୦ମ ଦିନରେ ଏହି ବନ୍ଦ ପାଳନ କରାଯିବ । ଉତରପ୍ରଦେଶ, ମଧ୍ୟପ୍ରଦେଶ, ଗୁଜରାଟ, ମହାରାଷ୍ଟ୍ର , ପଞ୍ଜାବ ଓ ରାଜସ୍ଥାନରେ ଆନ୍ଦୋଳନକୁ ଜୋରଦାର କରିଛନ୍ତି କୃଷକ ସଂଗଠନ । ଚାଷ ଋଣ ଛାଡ, ମାଗଣାରେ ବିଜୁଳି ଯୋଗାଣ, ସ୍ୱାମୀନାଥନ କମିଟିର ସୁପାରୀଶ ଆଧାରରେ ସୁବିଧା ଦେବାକୁ ଦାବି କରି ଆନ୍ଦୋଳନକୁ ଓହ୍ଲାଇଛନ୍ତି ଚାଷୀ । ଗୁଜୁରାଟରେ କଂଗ୍ରେସ ଏହି ଆନ୍ଦୋଳନକୁ ସମର୍ଥନ କରୁଛି । ତେଣୁ ଗୁଜୁରାଟରେ ଆନ୍ଦୋଳନ ଜୋରଦାର ହେବାର ସମ୍ଭାବନା ରହିଛି । ତେବେ ଓଡିଶା ଉପରେ ଏହାର ପ୍ରଭାବ ପଡିବ ନାହିଁ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ଆଜି ସକାଳ ୬ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ଦେଶର ପ୍ରମୂଖ ୨୨ଟି ରାଜ୍ୟରେ ଚାଷୀ ସଂଗଠନ ବନ୍ଦ ଡାକରାକୁ ସଫଳ କରାଇବା ପାଇଁ ଆହ୍ନାନ ଦେଇଛନ୍ତି । ତେବେ ବିଗତ ୧୦ ଦିନ ଧରି ବିଭିନ୍ନ କୃଷକ ସଂଗଠନମାନେ ଭିନ୍ନ ଭିନ୍ନ ଦାବି ଧରି “ଗାଁ ବନ୍ଦ’ ଡାକରା ଦେଇଥିଲେ । ଏହି ଆନ୍ଦୋଳନରେ ଦୀର୍ଘ ୧୦ ଦିନ ହେବ ଗାଁରୁ ସହରକୁ କୌଣସି ଚାଷୀ ଉପକୃତ ଦ୍ରବ୍ୟ ପଠାଇ ନଥିଲେ ଆନ୍ଦେଳନରତ କୃଷକ । ୨୦୧୪ରୁ ଚାଷୀ ଉପକ୍ରମ ଜିନିଷ ଉପରେ ଲଗାତାର ଭାବେ ସରକାର ମୁଲ୍ୟ ହ୍ରାସ କରାଉଛନ୍ତି ।
୨୦୦୭ ମସିହାରେ କେନ୍ଦ୍ରରେ ଥିବା କଂଗ୍ରେସ ସରକାର ସେତେବେଳେ ସ୍ୱାମୀନାଥନ କମିଟିକୁ ସୁପାରିଶ କରିଥିଲା । ଯେଉଁଥିରେ ଚାଷୀମାନଙ୍କୁ ତାଙ୍କ ଉତ୍ପାଦିତ ଦ୍ରବ୍ୟର ସଠିକ ମୂଲ୍ୟ, ଏବଂ ଚାଷୀଙ୍କୁ ପେନସନ ଭଳି ସୁବିଧା ଯୋଗାଇ ଦେବା ପାଇଁ କମିଟିରେ ସୁପାରିଶ ହୋଇଥିଲେ ମଧ୍ୟ ଏ ପର୍ଯ୍ୟନ୍ତ ତାହା ଲାଗୁ କରାଯାଉ ନାହିଁ ବୋଲି ମହାସଂଘ ଅଭିଯୋଗ କରିଛି । ୨୦୧୪ ପୂର୍ବରୁ କଂଗ୍ରେସ ଯେଉଁଭଳି ଭାବେ ଚାଷୀଙ୍କୁ ପ୍ରତାରିତ କରୁଥିଲା । ୨୦୧୪ରେ କ୍ଷମତାକୁ ଆସିବା ପରେ ଚାଷୀଙ୍କ ଭବିଷ୍ୟତ ଉଜ୍ଜ୍ୱଳ କରିଦେବାର ପ୍ରତିଶ୍ରୁତି ଦେଇଥିବା ମୋଦିସରକାର ଚାଷୀଙ୍କ ତଣ୍ଟି ଚିପି ହତ୍ୟା କରୁଥିବା ଅଭିଯୋଗ କରିଛନ୍ତି ସଂଘର ସଭାପତି ଶିବ କୁମାର ଶର୍ମା ।