ଫେସବୁକରେ ହେବାକୁ ଯାଉଛି ବିରାଟ ପରିବର୍ତ୍ତନ ! ଏବେଠାରୁ ବ୍ୟକ୍ତିଗତ କଂଟେଣ୍ଟକୁ ଦିଆଯିବ ଗୁରୁତ୍ୱ, ୟୁଜରଙ୍କ ଗତିବିଧି ଉପରେ ରହିବ କଡ଼ା ନଜର
ଏବେ ବିଶ୍ୱର ଅଧିକାଂଶ ଲୋକ ସୋସିଆଲ୍ ସୋସିଆଲ ମିଡିଆ ସାଇଟ୍ ଫେସବୁକର ପ୍ରେମରେ ପଡିଯାଇଛନ୍ତି । ଲୋକଙ୍କ ମଧ୍ୟରେ ଏହା ଯେତେ ଗ୍ରହଣୀୟ ହେଉଛି ଫେସବୁକ ସେହି ଅନୁସାରେ ବ୍ୟବହାରକାରୀଙ୍କ ପାଇଁ ନୂଆ ନୂଆ ଫିଚର ସାମ୍ନାକୁ ଆଣୁଛି । ଫେସବୁକ ପ୍ରତିଦିନ କିଛି ନା କିଛି ନୂଆ ଫିଚର ୟୁଜର ମାନଙ୍କୁ ଭେଟି ଦେଉଛି । ଆଉ ଏଭଳି ନୂଆ ଫିଚର ମଧ୍ୟ ୟୁଜରଙ୍କ ମଧ୍ୟରେ ବେଶ ଆଦୃତି ଲାଭ କରୁଛି । ରାଜ୍ୟ, ଦେଶ ତଥା ଅନ୍ତର୍ଜାତୀୟ ସ୍ତରରେ ପ୍ରତିଟି ଘଟଣାମାନ ଜାଣିବା ଓ ଜଣାଇବା ପାଇଁ ସୋସିଆଲ ମିଡିଆ ଏକ ପ୍ରମୁଖ ମାଧ୍ୟମ ପାଲଟିଛି । କହିବାକୁ ଗଲେ, ଗଣମାଧ୍ୟମ ପ୍ରତିନିଧି ଭାବେ ଅନେକ ସମୟରେ ଭଲ ଖବର ଫେସବୁକ, ଟ୍ୱିଟର ଭଳି ସୋସିଆଲ ସାଇଟରୁ ମିଳିଥାଏ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଧୀରେ ଧୀରେ ଏହାର ଦୁରୁପଯୋଗ କିଛି ଏଭଳି ଘଟିଲାଣି ଯେ, ବଂଚିଥିବା ଲୋକଙ୍କୁ ମାରିଦେବାକୁ ଆମେ ପଛାଉନାହୁଁ । କେଉଁଠୁ ଏକ ଉଡା ଖବର ଶୁଣି ଆମେ ଲୋକଙ୍କୁ ଫେସବୁକରେ ମାରିଦେଉଛୁ, ଆଉ କିଛି ନବୁଝି ଲୋକମାନେ ଶ୍ରଦ୍ଧାଞ୍ଜଳି ଦେବାକୁ ପଛଉନାହାନ୍ତି । କୋଟି କୋଟି ଲୋକ ବ୍ୟବହାର କରୁଥିବା ଏହି ସୋସିଆଲ ସାଇଟରେ କୈାଣସି ପୋଷ୍ଟ କରିବା ଆଗରୁ ଆମେ ଯଥେଷ୍ଟ ସଚେତନ ରହିବା ସହ ଏହାର ପ୍ରଭାବ କଣ ରହିବ ତାର ମଧ୍ୟ ଆକଳନ କରିବାର ଆବଶ୍ୟକତା ରହିଛି । ସୋସିଆଲ ମିଡ଼ିଆକୁ ଉତ୍ତମ ଦିଗରେ ବ୍ୟବହାର ନକରି ଲୋକେ ଏହାର ଦୂରପୋଯୋଗ ଅଧିକ କରୁଛନ୍ତି । ଆଉ ଏନେଇ ଫେସବୁକ ଏବେ ସଜାଗ ହେହାଇଛି । ଅନେକ ସମୟରେ ଆପଣ କିଛି ଏପରି କଣ୍ଟେଟ ଫେସବୁ୍କରେ ଦେଖୁଥିବେ , ଯାହାକୁ ସମସ୍ତେ ଦେଖିପାରିବେ ନାହିଁ । ତେବେ ଏସବୁ ଘଟଣା ପ୍ରତି ଦୃଷ୍ଟି ଦେଇ ନିୟମିତ ବ୍ୟବଧାନରେ ଅନେକ ପଦକ୍ଷେପ ନେଉଛି ଫେସବୁକ୍ ।
୨୦୧୮ରେ ଫେସବୁକରେ ଆପଣ ଦେଖିପାରିବେ ବିରାଟ ପରିବର୍ତ୍ତନ । ଫେସବୁକରେ ଏବେ ଠାରୁ ଆପଣଙ୍କୁ ପବ୍ଲିକ୍ କଂଟେଣ୍ଟ ପରିବର୍ତ୍ତେ ବ୍ୟକ୍ତିଗତ କଂଟେଣ୍ଟ ଦେଖିବା ପାଇଁ ମିଳିବ । ଫେସବୁକର ପ୍ରତିଷ୍ଟାତା ମାର୍କ ଜୁକରବର୍ଗ ନିଜେ ଏହି ସୂଚନା ଦେଇଛନ୍ତି । ଏହାସହ ଫେସବୁକରେ ମିଛି ଖବର ପ୍ରସାରିତ ହେବ ନାହିଁ । ଏନେଇ ମଧ୍ୟ କାମ କରୁଛି ଫେସବୁକ । ସୋସିଆଲ ମିଡ଼ିଆ ଜରିଆରେ ପ୍ରସାରିତ ହୋଉଥିବା ଭ୍ରମାତ୍ମକ ଖବର ଉପରେ ରୋକ ଲଗାଇବା ପାଇଁ ନ୍ୟୁଜ ଫିଡ଼ ଉପରେ କଡ଼ା ନଜର ରହିବ ।
ନୂଆ ପରିବର୍ତ୍ତନ ଅନୁସାରେ ନ୍ୟୁଜ ଫିଡ଼ରେ ଦେଖାଯାଉଥିବା କଂଟେଣ୍ଟରେ ପରିବର୍ତ୍ତନ ହେବ । ବନ୍ଧୁ ପରିବାରଙ୍କ ପୋଷ୍ଟକୁ ଗୁରୁତ୍ୱ ଦିଆଯିବ । ଏଥିପାଇଁ ଫେସବୁକ ୟୁଜର ସହ ସର୍ଭେ ମଧ୍ୟ ଆରମ୍ଭ କରିଦେଇଛି । ଫେସବୁକର କୌଣସି ଅଧାକରୀ କିମ୍ବା ବିଶେଷଜ୍ଞ ନ୍ୟୁଜ ଆଉଟଲେଟର ରାଙ୍କିଂ କରିବେ ନାହିଁ ବରଂ ୟୁଜର ହିଁ ସବୁ କଂଟେଣ୍ଟର ରାଙ୍କିଂ କରିବେ । ସୋସିଆଲ ସାଇଟର ଏହି ପଦକ୍ଷେପରେ ସାରା ମିଡ଼ିଆ ଦୁନିଆକୁ ଆଶ୍ଚର୍ଯ୍ୟ କରିଦେଇଛି । ଏଥିରେ ଫେସବୁକରେ ଉପଲବ୍ଧ ନ୍ୟୁଜ୍ କଂଟେଣ୍ଟର ସଂଖ୍ୟା ମଧ୍ୟ କମିବାର ସମ୍ଭବନା ରହିଛି ।
ଗତ ଥର ଆମେରିକାରେ ହୋଇଥିବା ରାଷ୍ଟ୍ରପତି ନିର୍ବାଚନକୁ ପ୍ରଭାବିତ କରିବା ପାଇଁ ଋଷ ସମର୍ଥିତ
ଫେସବୁକ ଆକାଉଂଟରୁ ବିଜ୍ଞାପନ ଓ ମିଛ ଖବର ପ୍ରସାରିତ କରାଯାଇଥିଲା । ଯାହାପରେ ଫେସବୁକର ବିଶ୍ୱସନୀୟତାକୁ ନେଇ ଅନେକ ପ୍ରଶ୍ନ ଉଠୁଥିଲା । ତେବେ ଫେସବୁକ ସବୁ ଦିଗ ପ୍ରତି କଡ଼ା ନଜର ରଖୁଛି । ଏହାପରେ ଫେସବୁକ୍ ଏବେ ହାଡ଼ୱେର କ୍ଷେତ୍ରରେ ପାଦ ରଖିବା ପାଇଁ ଯାଉଛି । ଖୁବ ଶ୍ରୀଘ୍ର ବଜାରରେ ନିଜର ନୂଆ ଭିଡ଼ିନ ଚାଟ୍ ଗ୍ୟାଜେଟ୍ ଉପସ୍ଥାପନ କରିବ । ଫେସବୁକ ଏହାକୁ ନୂଆ ଗ୍ୟାଜେଟ୍ ପୋର୍ଟାଲ ନାଁରେ ବଜାରରେ ଉପସ୍ଥାପନ କରିିବ । କମ୍ପାନୀ ୨୦୧୮ ମଇ ମାସରେ ବିଧିବଦ୍ଧ ଭାବେ ଲଂଚ କରିପାରେ ।