ସ୍ୱାଗତ ପାଇଁ ପ୍ରସ୍ତୁତ ! ମୋଦିଙ୍କ ଅପେକ୍ଷାରେ ଟ୍ରମ୍ପ୍
କନକ ବ୍ୟୁରୋ : ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମଥର ପାଇଁ ଆମେରିକା ରାଷ୍ଟ୍ରପତି ଡ୍ଲୋନ୍ଡ ଟ୍ରମ୍ପଙ୍କୁ ଭେଟି ବିଭିନ୍ନ ଦ୍ୱିପାକ୍ଷାିକ ଏବଂ ଅନ୍ତର୍ଜାତୀୟ ପ୍ରସଙ୍ଗରେ ଆଲୋଚନା କରିବେ । ଏହି ଗସ୍ତ ପାଇଁ ଚ୍ରମ୍ପ ପ୍ରଶାସନ ଜୋରସୋର ପ୍ରସ୍ତୁତି ଚଳାଇଥିବା ବେଳେ ମୋଦିଙ୍କ ଗସ୍ତ ଅବସରରେ ଦୀର୍ଘମିଆଦି ସାମରିକ ଚୁକ୍ତି ସ୍ୱାକ୍ଷରିତ ହେବା ସମ୍ଭାବନା ରହିଛି । ଇତିମଧ୍ୟରେ ଆମେରିକା ତାର ଶକ୍ତିଶାଳୀ ପ୍ରେଡାଟର ସର୍ଭେଲାନ୍ସ ଡ୍ରୋନ୍ ଭାରତକୁ ଦେବାପାଇଁ ଘୋଷଣା କରିସାରିଛି । ଭାରତ-ଆମେରିକା ମଧ୍ୟରେ ସାମରିକ,ରାଜନୈତିକ ଏବଂ ବ୍ୟାପାର ସଂପର୍କକୁ ଅଧିକ ବ୍ୟାପକ କରିବା ପାଇଁ ବରିଷ୍ଠ ଆମେରିକୀୟ କୂଟନୀତିଜ୍ଞମାନେ ମତ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୋଦିଙ୍କୁ ରେଡ୍ କାର୍ପେଟ ସ୍ୱାଗତ ପାଇଁ ହ୍ୱାଇଟ୍ ହାଉସରେ ପ୍ରସ୍ତୁତି ଚାଲିଛି ଏବଂ ମୋଦିଙ୍କ ପାଇଁ ଏକ ସ୍ୱତନ୍ତ୍ର ଭୋଜିର ସଭାର ଆୟୋଜନ କରୁଛନ୍ତି ଟ୍ରମ୍ପ । କ୍ଷମତା ଆସିବା ପାରେ ଟ୍ରମ୍ପ ପ୍ରଶାସନ କୌଣସି ରାଷ୍ଟ୍ରମୁଖ୍ୟଙ୍କ ପାଇଁ ଏଭଳି ଭୋଜି ଆୟୋଜନ କରିବା ପ୍ରଥମ ୨ରାଷ୍ଟ୍ରର ସଂପର୍କ ଏବେ ନୂତନ ପର୍ଯ୍ୟାୟକୁ ଯିବ ବୋଲି କୁହାଯାଉଛି । ତେବେ ଉଭୟ ମୋଦି ଓ ଟ୍ରମ୍ପ ଜାତୀୟତାବାଦୀ ନେତାଭାବେ ପରିଚିତ ଥିବାବେଳେ ଟ୍ରମ୍ପଙ୍କ ‘ଆମେରିକା ପ୍ରଥମ’ ନୀତି ଭାରତ ସହ ସଂପର୍କକୁ ପ୍ରଭାବିତ କରିବା ଆଶଙ୍କା ରହିଛି ।
ତେବେ ମୋଦି-ଟ୍ରମ୍ପ ଦ୍ୱିପାକ୍ଷିକ ଆଲୋଚନାରେ ମୁଖ୍ୟତଃ ଏଚ୍-୧ ବି ଭିସା, ବାଣିଜ୍ୟ ଓ ସାମରିକ ସହଯୋଗ ମୁଖ୍ୟ ପ୍ରସଙ୍ଗ ହେବ ବୋଲି ଜଣାପଡିଛି । ଅନ୍ତର୍ଜାତୀୟ ପ୍ରସଙ୍ଗରେ ସୀମାପାର ଆତଙ୍କବାଦ, ଇସଲାମିକ ଆତଙ୍କବାଦ, ଏନଏସଜି ସଦସ୍ୟତା ପ୍ରସଙ୍ଗ ଏବଂ ପ୍ୟାରିସ୍ ଜଳବାୟୁ ଚୁକ୍ତି ନେଇ ଦୁଇନେତା ଆଲୋଚନା କରିବେ ।