ମାଲକାନଗିରି ସୀମାରେ ଲ୍ୟାଣ୍ଡମାଇନ ବିସ୍ଫୋରଣ ! ଜଣେ ଯବାନ ସହିଦ
କନକ ବ୍ୟୁରୋ : ଲ୍ୟାଣ୍ଡମାଇନ୍ ବିସ୍ଫୋରଣରେ ଯବାନ୍ ସହିଦ । ମାଲକାନଗିରି ସୀମାରେ ଲ୍ୟାଣ୍ଡମାଇନ ବିସ୍ଫୋରଣ ଯୋଗୁ ଜଣେ ଯବାନ ସହିଦ ହୋଇଛନ୍ତି । ସୁକମା ଜିଲ୍ଲା ଚିନ୍ତାଗୁଫାଠାରେ କୁମ୍ବିଂ ଅପରେସନ୍ ବେଳେ ଏହି ବିସ୍ଫୋରଣ ହୋଇଛି । ଲ୍ୟାଣ୍ଡମାଇନ ବିସ୍ଫୋରଣରେ ୧୫୦ ବାଟାଲିଅନର ଜଣେ ସିଆରପିଏଫ ଯବାନ ଗୁରୁତର ହୋଇପଡିଥିଲେ । ପରେ ଚିକିତ୍ସାଧିନ ଅବସ୍ଥାରେ ସେ ସହିଦ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରବିବାର ସକାଳେ ଦର୍ଣ୍ଣାପାଲ ଏବଂ ଜଗରଗୁଣ୍ଡା ରାସ୍ତାରେ ପ୍ରେସର୍ ବୋମା ବିସ୍ଫୋରଣ ଘଟିବା ଯୋଗୁଁ ଆହତ ହୋଇଥିବା ଜଣେ ସିଆରପିଏଫ୍ ଯବାନ ସହିଦ ହୋଇ ଯାଇଛନ୍ତି । ମାଲକାନଗିରି ସୀମାନ୍ତବର୍ତ୍ତୀ ଛତିଶଗଡ଼ର ସୁକମା ଜିଲ୍ଲା ଅନ୍ତର୍ଗତ ଦର୍ଣ୍ଣାପାଲି ଏବଂ ଜଗରଗୁଣ୍ଡା ରାସ୍ତାରେ ସିଆର୍ପିଏଫର ୧୫୦ ବାଟାଲିୟନ୍ ସର୍ଚ୍ଚ ଅପରେସନ୍ ଚଳାଇଥିବାବେଳେ ଗୋଟାଏ ପ୍ରେସର୍ ବୋମା ବିସ୍ଫୋରଣ ହେବାରୁ ଜଣେ ଯବାନ ସାଙ୍ଘାତିକ ଆହତ ହୋଇଥିଲେ । ଚିକିତ୍ସା ନିମନ୍ତେ ତାଙ୍କୁ ଛତିଶଗଡ଼ ଚିନ୍ତାଗୁମ୍ଫା ସହରର ଏକ ଡାକ୍ତରଖାନାରେ ଦାଖଲ କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଥିବା ପ୍ରକାଶ ।